દિવાળીની રાત્રે દેશના અનેક રાજ્યોમાં આગના બનાવ, 100 બનાવ દિલ્હીમાં

• દિલ્હી ફાયર બ્રિગેડને આગની ઘટનાઓ સંબંધિત કુલ 100 કોલ આવ્યા હતા
• દેશના અલગ-અલગ રાજ્યોમાં આગની અનેક ઘટનાઓ બનવા પામી હતી

નવી દિલ્હી: 12મી નવેમ્બર રવિવારના રોજ દેશ અને દુનિયામાં દિવાળીના તહેવારની ભારે ઉત્સાહભેર ઉજવણી કરવામાં આવી હતી. ભારતમાં દરેક જગ્યાએ તહેવારના દિવસે ઘરો અને જાહેર સ્થળોને શણગારવામાં આવ્યા હતા. જો કે દિવાળીની રાત્રે  દેશના વિવિધ રાજ્યોમાં આગની ભયાનક ઘટનાઓ બની હતી. મહારાષ્ટ્ર હોય કે ગુજરાત કે બંગાળ અને કર્ણાટક. દરેક જગ્યાએથી આગની ઘટનાઓ નોંધાઈ રહી હતી. જેના કારણે વહીવટી તંત્રને રાહત કાર્યમાં ભારે મહેનત કરવી પડી હતી.

દિલ્હી ફાયર બ્રિગેડને 100 કોલ

દિલ્હી ફાયર બ્રિગેડના અધિકારીઓએ માહિતી આપી હતી કે તેમને દિવાળીની સાંજે આગની ઘટનાઓ સંબંધિત કુલ 100 માહિતી મળી હતી. વિભાગના વડા અતુલ ગર્ગે જણાવ્યું હતું કે ,સાંજે 6 વાગ્યાથી 10.45 વાગ્યા સુધી નાની, મધ્યમ અને ગંભીર આગના 100 અહેવાલો પ્રાપ્ત થયા હતા. પ્રશાસન અને દિલ્હી પોલીસ સતત લોકોની મદદ કરી રહી છે.

ગુજરાતમાં બે જગ્યાએ આગ

ગુજરાતના નવસારીના બંદર રોડ વિસ્તારમાં ભંગારના ગોડાઉનમાં આગ લાગી હતી. ફાયરની ગાડીઓએ ઘટના સ્થળે પહોંચી આગને કાબુમાં લીધી હતી. તે જ સમયે અમદાવાદના ન્યુ વાસણા સ્વામિનારાયણ પાર્કના ખુલ્લા મેદાનમાં આગ લાગી હતી. જેના કારણે ફાયર વિભાગને સ્થળ પર પહોંચવું પડ્યું હતું.

#WATCH गुजरात | नवसारी के बंदर रोड इलाके में आज रात एक स्क्रैप गोदाम में आग लगी, दमकल की गाड़ियां मौके पर मौजूद हैं। आग पर काबू पाने की कोशिश की जा रही है। अधिक जानकारी की प्रतीक्षा है। pic.twitter.com/UJ0CfGPU7Q

— ANI_HindiNews (@AHindinews) November 12, 2023

ઓડિશા અને બંગાળમાં આગ

ઓડિશાના સંબલપુર ખેતરાજપુર વિસ્તારમાં એક વેરહાઉસમાં આગ લાગવાની ઘટના બની હતી. આ સિવાય ખેતરાજપુર વિસ્તારમાં એક બિલ્ડિંગના ત્રીજા માળે આગ લાગી હતી. આગ ઓલવવા માટે ફાયર એન્જિનને ઘટનાસ્થળે બોલાવવામાં આવ્યા હતા. તે જ સમયે પશ્ચિમ બંગાળના સિલીગુડીના શેઠ શ્રીલાલ માર્કેટમાં કપડાની બે દુકાનોમાં આગ લાગી હતી.

#WATCH ओडिशा: संबलपुर खेतराजपुर इलाके में एक इमारत की तीसरी मंजिल पर आग लगी, दमकल की गाड़ी मौके पर मौजूद हैं। (12.11) pic.twitter.com/47GZhc04JR

— ANI_HindiNews (@AHindinews) November 13, 2023

મહારાષ્ટ્રમાં ઘણી જગ્યાએ આગ લાગી

મહારાષ્ટ્રના પુણે શહેરના શુક્રવાર પેઠ વિસ્તારમાં એક વેરહાઉસમાં આગ લાગી હતી. સદનસીબે આ ઘટનામાં કોઈને ઈજા થઈ ન હતી અને ફાયરના જવાનોએ આગને કાબુમાં લીધી હતી. બીજી તરફ મુંબઈના કુર્લા સ્થિત નેહરુ નગરમાં આવેલી અભ્યુદય બેંકની બિલ્ડીંગમાં આગ લાગી હતી. ફાયરની ગાડીઓ ઘટના સ્થળે પહોંચી આગને કાબુમાં લીધી હતી. આ સિવાય થાણે જિલ્લાના ભિવંડી શહેરમાં આગમાં ચાર દુકાનો બળીને ખાખ થઈ ગઈ હતી.

#WATCH मुंबई: कुर्ला के नेहरू नगर में अभ्युदय बैंक की इमारत में आग लगी। दमकल की गाड़ियां मौके पर मौजूद है, अधिक जानकारी की प्रतीक्षा है। (12.11) pic.twitter.com/wlec0FSn2N

— ANI_HindiNews (@AHindinews) November 12, 2023

તેલંગાણા-કર્ણાટકમાં પણ ભીષણ આગના બનાવ

બેંગલુરુના રામમૂર્તિ નગરના બનાસવાડીમાં ચાર માળની ઈમારતમાં વહેલી સવારે ભીષણ આગ લાગી હતી. ફાયરની ચાર ગાડીઓ ઘટના સ્થળે પહોંચી આગને કાબુમાં લીધી હતી. તેમજ રાત્રે લગભગ 1 વાગ્યે હૈદરાબાદના શાલીબંદામાં એક ઇલેક્ટ્રોનિક્સ શોરૂમમાં ભીષણ આગ ફાટી નીકળી હતી. કુલ છ ફાયર ટેન્ડરો અને 30 જવાનો ઘટનાસ્થળે પહોંચ્યા હતા અને આગને કાબૂમાં લીધી હતી.

#WATCH | Karnataka: A massive fire broke out in a four-storey building in Banasawadi of Ramamurthy Nagar, Bengaluru, early in the morning. Four fire tenders reached the spot and doused the fire.

(Source: Fire Department) pic.twitter.com/9KfqIFp6jV

— ANI (@ANI) November 13, 2023

તમિલનાડુમાં કડક કાર્યવાહી

ચેન્નાઈના મૈલાપુર સાંઈ બાબા મંદિરની છત પર રવિવારે સાંજે આગ લાગી હતી. ત્રણ ફાયર સ્ટેશનના 20થી વધુ ફાયર ફાઈટરોએ આગને કાબુમાં લીધી હતી. ચેન્નાઈ પોલીસે કુલ 581 કેસ નોંધ્યા છે, જેમાં સુપ્રીમ કોર્ટ દ્વારા નિર્દિષ્ટ સમય પછી ફટાકડા ફોડવા સંબંધિત 554 કેસનો સમાવેશ થાય છે.

#WATCH तमिलनाडु: चेन्नई के मायलापुर साईं बाबा मंदिर की छत पर आज शाम आग लग गई। तीन फायर स्टेशनों के 20 से ज्यादा दमकलकर्मी आग बुझाने में जुटे हैं। अधिक जानकारी की प्रतीक्षा है।

(वीडियो सोर्स:-तमिलनाडु फायर एंड रेस्क्यू सर्विस-चेन्नई साउथ डिवीजन) pic.twitter.com/aujsF13EGQ

— ANI_HindiNews (@AHindinews) November 12, 2023

આ પણ વાંચો, મસૂદ અઝહરના સાગરિત રહીમમુલ્લાની પાકિસ્તાનમાં હત્યા