નાણામંત્રી નિર્મલા સીતારમણ સામે નોંધાશે FIR, જાણો કોણે કર્યો આદેશ, શું છે મામલો

બેંગલુરુ, 28 સપ્ટેમ્બર : બેંગલુરુની એક કોર્ટે કેન્દ્રીય મંત્રી નિર્મલા સીતારમણ વિરુદ્ધ ખંડણીના આરોપમાં FIR નોંધવાનો આદેશ આપ્યો છે. બેંગલુરુમાં જનપ્રતિનિધિઓની વિશેષ અદાલતે આ FIR નોંધવાનો આદેશ આપ્યો છે.

આ આદેશ ચૂંટણી બોન્ડ દ્વારા જબરદસ્તી વસુલાતના આરોપોના સંબંધમાં આવ્યો છે. જનાધિકાર સંઘર્ષ સંગઠનના આદર્શ અય્યરે નિર્મલા સીતારમણ અને અન્યો વિરુદ્ધ વ્યક્તિગત ફરિયાદ (PCR) નોંધાવી હતી. પીસીઆરમાં એવો આક્ષેપ કરવામાં આવ્યો હતો કે ચૂંટણી બોન્ડ દ્વારા ગેરવસૂલી કરવામાં આવી હતી. આ પછી બેંગલુરુમાં જનપ્રતિનિધિઓની વિશેષ અદાલતે નિર્મલા સીતારમણ વિરુદ્ધ FIR નોંધવાનો આદેશ આપ્યો. આ આદેશ 42મી એસીએમએમ કોર્ટે જારી કર્યો છે.

આ પણ વાંચો :- અમદાવાદ: નવરાત્રિમાં રાત્રીના 12 વાગ્યા બાદ લાઉડ સ્પીકર વાગશે તો આયોજક સામે કાર્યવાહી કરાશે

તિલક નગર પોલીસ હવે નિર્મલા સીતારમણ અને અન્યો વિરુદ્ધ FIR દાખલ કરશે. ઉલ્લેખનીય છે કે કેન્દ્રએ 2018માં ચૂંટણી બોન્ડ યોજના શરૂ કરી હતી અને તેનો ઉદ્દેશ્ય રાજકીય પક્ષોને આપવામાં આવતા રોકડ દાનને બદલવાનો હતો. જેથી રાજકીય ભંડોળમાં પારદર્શિતામાં સુધારો થાય.  ચૂંટણી બોન્ડ દ્વારા રાજકીય પક્ષોને ફંડ આપવામાં આવતું હતું પરંતુ તેનો ખુલાસો કરવામાં આવ્યો ન હતો. જો કે, બાદમાં વિપક્ષના આક્ષેપો અને અરજીઓને ધ્યાનમાં રાખીને સુપ્રીમ કોર્ટે તેને રદ કરી દીધી હતી.