ચેન્નાઈની માર્કેટમાં નાણામંત્રી નિર્મલા સીતારમણને શાકભાજી ખરીદતા જોઈ લોકોએ આપી આવી પ્રતિક્રિયા
નાણામંત્રી નિર્મલા સીતારમણ શનિવારે એક વીડિયોમાં ચેન્નાઈની તેમની દિવસભરની મુલાકાત દરમિયાન શાકભાજી ખરીદતા જોવા મળ્યા હતા. આ વિડિયો તેમના કાર્યાલય દ્વારા ટ્વિટર પર શેર કરવામાં આવ્યો હતો. વીડિયોમાં નાણામંત્રી કેટલાક શક્કરિયા ખરીદતા અને શાકભાજી વિક્રેતાઓ સાથે વાતચીત કરતા જોવા મળ્યા હતા.
ચેન્નાઈની માર્કેટમાં શાકભાજી ખરીદતા જોવા મળ્યા
ચેન્નાઈની તેમની એક દિવસની મુલાકાત દરમિયાન, કેન્દ્રીય નાણામંત્રી નિર્મલા સીતારમણ ચેન્નાઈના માયલાપોર માર્કેટમાં એક શેરી વિક્રેતા પાસેથી શાકભાજી ખરીદતા જોવા મળ્યા હતા. જ્યાં તેમણે વિક્રેતાઓ અને સ્થાનિક રહેવાસીઓ સાથે વાર્તાલાપ કર્યો હતો અને શાકભાજી પણ ખરીદ્યા હતા.
Tamil Nadu | Union Finance Minister Nirmala Sitharaman visited Mylapore market in Chennai, where she interacted with the vendors & local residents and also purchased vegetables. pic.twitter.com/MaRq3j7Fht
— ANI (@ANI) October 8, 2022
કાર્યાલય દ્વારા વિડિયો શેર કરવામાં આવ્યો
શનિવારે તેમના કાર્યાલય દ્વારા શેર કરવામાં આવેલ એક વિડિયોમાં, નાણાપ્રધાન કાળજીપૂર્વક શું ખરીદવું તે પસંદ કરતા અને આખરે કેટલાક શક્કરીયા પસંદ કરતા જોવા મળ્યા હતા.
વિડિયો પર ઘણા લોકોએ પ્રતિક્રિયા આપી
વિડિયો પરની પ્રતિક્રિયાઓ વખાણથી લઈને ટીકા સુધીની હતી, કારણ કે લોકોએ શાકભાજીના વધતા ભાવો પર ટિપ્પણી કરી અને આશ્ચર્ય વ્યક્ત કર્યું કે શું નાણામંત્રી હવે સમજી ગયા છે કે ફુગાવો બજેટ પર કેવી અસર કરે છે. ખાદ્યપદાર્થોના ભાવમાં વધારો થવાથી ફુગાવામાં વધારો થયો છે, જે છેલ્લા આઠ મહિનાથી આરબીઆઈની સહનશીલતા મર્યાદાથી ઉપર છે.
આ પણ વાંચો: દિવાળી પહેલા જ ખાદ્ય તેલના ભાવમાં ભડકો, કપાસિમાં રુ.100 તો સિંગ તેલમાં રુ.50નો વધારો
