મથુરાના રૈયા નગરના ફટાકડા બજારમાં ભીષણ આગ, અનેક લોકો દાઝ્યા

• બપોરે 2 વાગ્યાના સમયે આગ લાગવાની ઘટના બની
• આશરે એક ડઝન લોકો ગંભીર રીતે દાઝી ગયા

મથુરા: રૈયા નગરના ફટાકડા માર્કેટમાં લાગેલી ભીષણ આગ લાગવાની ઘટના બની હતી. આ ઘટનાએ વહીવટી વ્યવસ્થાને છતી કરી દીધી હતી. કારણ કે આગ લાગ્યા બાદ સ્થાનિક પોલીસ સિવાય એમ્બ્યુલન્સ કે ફાયર બ્રિગેડની ગાડીઓ પહોંચી ન હતી.રૈયા નગરના રાધા ગોપાલ બાગમાં ફટાકડાની ત્રણ ડઝન જેટલી દુકાનો ઊભી કરવામાં આવી છે. આ સિવાય ઘણા લોકો હાથગાડી પર દેશી બનાવટના ફટાકડા વેચતા હતા. સવારથી જ બજારમાં ફટાકડા ખરીદવા લોકોની ભીડ જામવા લાગી હતી. બપોરના 2 વાગ્યાથી શહેર અને આસપાસના ગામડાઓમાંથી અનેક લોકો ફટાકડા ખરીદવા આવ્યા હતા. બજારમાં ખરીદી ચાલી રહી હતી. ત્યારે અચાનક એક દુકાનમાં આગ લાગી હતી.

આગમાં ખરાબ રીતે દાઝી ગયેલા એક ડઝનથી વધુ લોકો દર્દથી પીડાતા રહ્યા, પરંતુ તેમને હોસ્પિટલમાં લઈ જવાની કોઈ વ્યવસ્થા નહોતી. આસપાસના લોકોએ પાણીના ટેન્કર વડે આગ ઓલવવાનો પ્રયાસ કર્યો હતો, પરંતુ તે સફળ થઈ શક્યા ન હતા.

રવિવારે લોકો દિવાળીની ખુશીમાં ખરીદી માટે બજારમાં ઉમટી પડ્યા હતા. ફટાકડા બજારમાં પણ ભીડ હતી. બપોરે 2 વાગ્યાથી મોટી સંખ્યામાં લોકો ફટાકડા ખરીદવા માટે અહીં પહોંચી ગયા હતા. અચાનક બપોરે 2 વાગ્યાના અરસામાં ફટાકડાની દુકાનમાં આગ ફાટી નીકળી હતી. થોડી જ વારમાં આગ અન્ય દુકાનોમાં પણ પહોંચી ગઈ હતી. વિસ્ફોટોના અવાજથી શહેર ગૂંજી ઉઠ્યું હતું. લોકો ઘટના સ્થળે પહોંચી ગયા હતા. સમગ્ર માર્કેટમાં આગ લાગી હોવાથી લોકો આગની લપેટમાં આવી ગયા હતા. ઘણા લોકો મુશ્કેલીથી આગમાંથી બહાર આવ્યા હતા, પરંતુ તેઓ ખરાબ રીતે દાઝી ગયા હતા. આગમાં લગભગ દોઢ ડઝન લોકો દાઝી ગયા હતા.

એક કલાક સુધી ફાયર બ્રિગેડ કે કોઈ અધિકારી આવ્યા ન હતા. માત્ર પોલીસનું વાહન રાહત કાર્યમાં રોકાયેલું હતું, જે અપૂરતું હતું. એક ડઝનથી વધુ દાઝી ગયેલા લોકો દર્દથી પીડાઈ રહ્યા હતા.એમ્બ્યુલન્સ કે આરોગ્ય વિભાગની ટીમ ઘટનાસ્થળે પહોંચી શકી ન હતી. જેને લઈને લોકોમાં રોષ જોવા મળ્યો હતો. અડધા કલાકમાં આખું ફટાકડા બજાર બળી ગયું હતું.

ફાયર બ્રિગેડ આવી ત્યા સુધીમાં બધુ ખાખ થઈ ગયું હતું.

ફટાકડા માર્કેટમાં આગ લાગ્યાના એક કલાક બાદ ફાયર બ્રિગેડ આગને કાબુમાં લેવા માટે પહોંચી હતી. પરંતુ ત્યાં સુધીમાં બધું નાશ પામ્યું હતું. ફટાકડા માર્કેટમાં આગ લાગવાનું કારણ શોર્ટ સર્કિટ હોવાનું કહેવાય છે. માર્કેટમાં કુલ 22 દુકાનો ઉભી કરવામાં આવી હતી. આગ ઓલવવા માટે કોઈ યોગ્ય વ્યવસ્થા ન હતી. આગમાં લગભગ 15 લોકો દાઝી ગયા છે, જેમાંથી ચારની હાલત ગંભીર હોવાનું કહેવાય છે. દિવાળીના દિવસે આવી દુખદ ઘટના બનતા સમગ્ર નગરમાં ગમગીની છવાઈ છે.

આ પણ વાંચો, જહાં સુરક્ષા બલ તૈનાત હૈ વહ સ્થાન મેરે લિયે કિસી મંદિર સે કમ નહીં હૈઃ પીએમ મોદી