અમદાવાદના બોપલ વિસ્તારના TRP મોલમાં ભીષણ આગ, તમામ લોકોને બહાર કાઢી લેવામાં આવ્યા
- બોપલમાં આવેલા TRP મોલમાં ગત રાત્રે ભીષણ આગ લાગી હતી
- તમામ લોકોને બહાર કાઢી લેવામાં આવ્યા હતા અને મોટી જાનહાની ટળી
- ફાયર બ્રિગેડની પાંચથી વધુ ગાડીઓ ઘટના સ્થળે પહોંચી હતી
અમદાવાદના બોપલ વિસ્તારના TRP મોલમાં ભીષણ આગ લાગી હતી. જેમાં ફાયર બ્રિગેડની પાંચથી વધુ ગાડીઓ ઘટના સ્થળે પહોંચી હતી. તેમાં ઘટનાસ્થળે લોકોના ટોળેટોળા ભેગા થયા થયા હતા. હાલ આગનું કારણ સામે આવ્યું નથી.
આ પણ વાંચો: ગુજરાતમાં કાળઝાળ ગરમી, આ શહેરોમાં હીટવેવની આગાહી કરાઇ
બોપલમાં આવેલા TRP મોલમાં ગત રાત્રે ભીષણ આગ લાગી
શહેરના બોપલમાં આવેલા TRP મોલમાં ગત રાત્રે ભીષણ આગ લાગી હતી. મોલના 5મા માળે ગેમઝોન સ્કાય ટ્રમ્પોલાઈનમાં આગ લાગી હતી. જોતજોતામાં આગે વિકરાળ સ્વરૂપ ધારણ કર્યુ હતું. આગ એટલી ભીષણ હતી કે ઈમારતના પાંચમા માળ સુધી આ આગ પ્રસરી ગઈ હતી. જો કે આ આગ કયા કારણોસર લાગી તેનું કોઈ ચોક્કસ કારણ હજુ સુધી જાણી શકાયું નથી.
આ પણ વાંચો: ગુજરાતમાં 1 વર્ષમાં ACBએ 175 ભ્રષ્ટ અધિકારી- કર્મીઓ, 108 વચેટિયાને ઝડપ્યા
તમામ લોકોને બહાર કાઢી લેવામાં આવ્યા હતા અને મોટી જાનહાની ટળી
TRP મોલમાં પેન્ટાલુન્સ શો રૂમ તરફ ટોપ ફ્લોર પર આગ લાગી હોવાની પ્રાથમિક માહિતી સામે આવી છે. તેમજ હાલ કોઈ પણ ઈજાગ્રસ્ત થયા નથી. આગ લાગવાની જાણ ફાયર વિભાગને થતા 5થી વધુ ફાયર ફાઈટરની ગાડીઓ ઘટના સ્થળે પહોંચી ગઈ હતી. ફાઈર વિભાગની 5 ગાડીઓ દ્વારા પાણીનો મારો ચલાવીને આગ પર કાબૂ મેળવવામાં આવ્યો હતો. આગને કારણે મોલમાં અફરાતફરી મચી ગઈ હતી. જો કે સમય સૂચકતાથી તમામ લોકોને બહાર કાઢી લેવામાં આવ્યા હતા અને મોટી જાનહાની ટળી હતી. ઉલ્લેખનીય છે કે TRP મોલમા ગેમિંગ ઝોનની બાજુમાં જ થિયેટર આવેલું છે જ્યાથી પણ લોકોને બહાર કાઢી લેવામાં આવ્યા હતા.
