તહેવારોની ચમકે સોનાને ચમકાવ્યું: સોનું 76 હજારને થયું પાર, ચાંદી થઈ 90 હજારને પાર
નવી દિલ્હી, 25 સપ્ટેમ્બર, હવે લગ્નસરા અને નવરાત્રી તેમજ દિવાળીના દિવસો નજીક આવી રહ્યા છે. આ દરમિયાન લોકો સોના ચાંદીની ખરીદી કરતાં હોય છે પરંતુ સોનાના ભાવમાં પાછી ઉથલપાથલ જોવા મળી રહી છે. વાત કરીએ તો હાલ સોનાના ભાવમાં ભારે વધારો જોવા મળી રહ્યો છે. સોનાના ભાવમાં વધારા પાછળ ઘણા કારણો છે જેમાં વૈશ્વિક આર્થિક સ્થિતિ, યુએસ ફેડ દ્વારા વ્યાજ દરમાં ઘટાડો અને સમગ્ર વિશ્વમાં તણાવપૂર્ણ પરિસ્થિતિ છે. સોનાની કિંમત આજે એટલે કે 25 સપ્ટેમ્બર તેની ઓલ ટાઈમ હાઈ સપાટીએ પહોંચી ગઈ છે. 25 સપ્ટેમ્બરે ભારતમાં સોનાની કિંમત 76,000 રૂપિયા પ્રતિ 10 ગ્રામની આસપાસ હતી. બીજી તરફ ચાંદીનો ભાવ કિલોદીઠ રૂ.92,800 પર ટ્રેડ થઈ રહ્યો હતો.
સોના અને ચાંદીના ભાવ દિવસેને દિવસે બદલાતા રહે છે. 24 કેરેટ સોનાનો ભાવ 76,500 રૂપિયાના સ્તરને પાર કરી ગયો છે. દિલ્હી, નોઈડા, ગાઝિયાબાદ, લખનૌ, જયપુર, મુંબઈ, કોલકાતા જેવા સ્થળોએ 22 કેરેટ સોનાની કિંમત 70,000 રૂપિયાની ઉપર ટ્રેડ થઈ રહી છે. અને 24 કેરેટ સોનાની કિંમત 496 રૂપિયા મોંઘી થઈ છે અને 75260 રૂપિયા પ્રતિ 10 ગ્રામ પર પહોંચી ગઈ છે. આંતરરાષ્ટ્રીય બજારમાં વધતા ભાવની અસર સ્થાનિક બજારમાં પણ જોવા મળી રહી છે. ચાંદીનો ભાવ રૂ.92,900 પર ટ્રેડ થઈ રહ્યો છે. સોના અને ચાંદીના આ દર IBJA દ્વારા જારી કરવામાં આવ્યા છે. આના પર કોઈ GST અને જ્વેલરી મેકિંગ ચાર્જ નથી.
MCX પર સોના અને ચાંદીના જાણો ભાવ
બુધવારે શરૂઆતના કારોબારમાં, 10 ગ્રામ સોનું (આજનો ગોલ્ડ રેટ) 0.20% વધીને રૂ. 75,150 થયો હતો. MCX પર સોનું પહેલીવાર રૂ. 75,000ને પાર કરી ગયું છે. માત્ર સપ્ટેમ્બર મહિનામાં જ સોનાના ભાવમાં 4.74 ટકાનો વધારો થયો છે. તે જ સમયે, ચાંદીની કિંમત 0.18% ઘટીને 92,230 રૂપિયા પ્રતિ કિલો થઈ ગઈ છે. આંતરરાષ્ટ્રીય બજારમાં, સ્પોટ ગોલ્ડના ભાવ 0.3% વધીને $2,665 પ્રતિ ઔંસની ઉપર પહોંચી ગયા હતા, જે અગાઉના સત્રમાં $2,630.93 પ્રતિ ઔંસની સર્વકાલીન ઉચ્ચ સપાટીએ પહોંચ્યા હતા.
દિલ્હીમાં 10 ગ્રામ 22 કેરેટ સોનાની કિંમત 70,750 રૂપિયા અને 10 ગ્રામ 24 કેરેટ સોનાની કિંમત 77,170 રૂપિયા છે. મુંબઈમાં 10 ગ્રામ 22 કેરેટ સોનાની કિંમત 70,600 રૂપિયા અને 10 ગ્રામ 24 કેરેટ સોનાની કિંમત 77,020 રૂપિયા છે. કોલકાતામાં 22 કેરેટ સોનાના 10 ગ્રામની કિંમત 70,600 રૂપિયા અને 24 કેરેટ સોનાના 10 ગ્રામની કિંમત 77,020 રૂપિયા છે. ચેન્નાઈમાં 10 ગ્રામ 22 કેરેટ સોનાની કિંમત 70,600 રૂપિયા અને 10 ગ્રામ 24 કેરેટ સોનાની કિંમત 77,020 રૂપિયા છે. અમદાવાદમાં 10 ગ્રામ 22 કેરેટ સોનાની કિંમત 70,600 રૂપિયા અને 10 ગ્રામ 24 કેરેટ સોનાની કિંમત 77,020 રૂપિયા છે.
તહેવારો પહેલા સોના અને ચાંદીના ભાવમાં જબરદસ્ત વધારો જોવા મળી રહ્યો છે. સોનું નવા રેકોર્ડને સ્પર્શીને ઈતિહાસ રચી રહ્યું છે. આગામી દિવસોમાં સોના અને ચાંદીમાં વધારો જોવા મળી શકે છે. આ વર્ષે સોનું 78 હજાર રૂપિયા પ્રતિ 10 ગ્રામ સુધી જઈ શકે છે. જ્યારે ચાંદી પણ 1 લાખ રૂપિયા પ્રતિ કિલો સુધી પહોંચી શકે છે.
આ પણ વાંચો…Digital Payment સર્વિસ સાથે જોડાયેલી આ કંપનીનો IPO આવશે, જાણો કેટલી વેલ્યુ હશે?
