પેદા થતા જ મારવા ઈચ્છતા હતા પિતા, સંઘર્ષનો સામનો કરી મિસ ઈન્ડિયા બની એક્ટ્રેસ
Pooja Chopra: એક્ટ્રેસ, મોડેલ અને બ્યુટી પેજન્ટ ટાઈટલ હોલ્ડર પૂજા ચોપરાએ વર્ષ 2009માં ‘ફેમિના મિસ ઇન્ડિયા વર્લ્ડ’નો ખિતાબ જીત્યો હતો. તે પોતાની કિલર સ્માઈલ અને અદ્ભુત સુંદરતા માટે ખૂબ જ ફેમસ છે. પૂજાએ બોલિવૂડની ઘણી ફિલ્મો અને ઓટીટી (OTT) શowsમાં કામ કરીને ઇન્ટરનેશનલ પ્લેટફોર્મ પર દેશનું નામ રોશન કર્યું છે.
પરંતુ શું તમે જાણો છો કે પૂજા જ્યારે આ દુનિયામાં આવી ત્યારે તેના સગા પિતાને જરાય ખુશી થઈ નહોતી. તેઓ દીકરી નહીં પણ દીકરો ઈચ્છતા હતા. તેમણે તો ત્યાં સુધી કહી દીધું હતું કે આ દીકરીને કાં તો મારી નાખો અથવા કોઈ અનાથાશ્રમમાં છોડી આવો.
રાજીવ ખંડેલવાલના શોમાં માતાએ યાદ કર્યા જૂના દિવસો
પૂજા ચોપરાની માતા અભિનેતા રાજીવ ખંડેલવાલના લોકપ્રિય ચેટ શો ‘તુમ હો ના’ માં ગેસ્ટ તરીકે આવી હતી. આ શો દરમિયાન એક્ટ્રેસની માતાએ પોતાના જીવનના સૌથી કપરા અને ખરાબ દિવસોને યાદ કરીને સૌ કોઈને રડાવી દીધા હતા.
શોમાં ભાવુક થઈને પૂજાની માતાએ જણાવ્યું હતું: “લગ્ન પછી જ્યારે મારે ત્યાં દીકરીનો જન્મ થયો, ત્યારે મારા પતિ કહેતા હતા કે આને ખતમ કરી દો. હું એક માં હતી, પોતાના જ બાળકને કેવી રીતે મારી નાખું? મેં તે જ સમયે મારા પતિને હિંમતભેર કહ્યું હતું કે- એક દિવસ આ જ છોકરી મને ગર્વ અનુભવડાવશે. અને આજે જુઓ, તે મિસ ઇન્ડિયા છે.”
માતાની આ વાત સાંભળ્યા પછી હોસ્ટ રાજીવ ખંડેલવાલે સ્ટેજ પર પૂજા ચોપરાને ઇન્વાઇટ કરી હતી. પૂજા સ્ટેજ પર આવતાની સાથે જ તેની માતાને ગળે વળગી પડી હતી અને બંને ખૂબ જ ઇમોશનલ થઈ ગયા હતા.
કોલકાતામાં જન્મ થયો અને પિતાએ ત્યાગ કરી દીધો
પૂજા ચોપરાનો જન્મ કોલકાતામાં થયો હતો. જન્મ લેતાની સાથે જ તેના પિતાએ દીકરી હોવાના કારણે તેને સ્વીકારવાની ના પાડી દીધી હતી અને ત્યાગ કર્યો હતો. જો કે, પૂજાની માતાએ માતૃત્વનું ગૌરવ જાળવી રાખ્યું અને દીકરીને અનાથાશ્રમમાં છોડવાનો સ્પષ્ટ ઇનકાર કરી દીધો હતો.
પોતાની માસૂમ દીકરીનો જીવ બચાવવા માટે તેમણે પતિ અને સાસરિયાંની સામે થઈને દીકરીને એકલા હાથે પાળવાનો મોટો નિર્ણય કર્યો. આ જીદના કારણે તેમણે પોતાનું સાસરું છોડવું પડ્યું હતું. પૂજાના જન્મ પહેલા પણ તેમને એક 7 વર્ષની દીકરી હતી. પોતાના પતિથી અલગ થયા બાદ તે પોતાની બંને દીકરીઓને લઈને મુંબઈ શિફ્ટ થઈ ગયા હતા.
એકલા હાથે બંને દીકરીઓનું કર્યું પાલન-પોષણ
પૂજાની માતાએ આર્થિક તંગી અને સમાજના મહેણાં-ટોણાં વચ્ચે પણ ક્યારેય હિંમત ન હારી અને પોતાની બંને દીકરીઓને એકલા હાથે મોટી કરી, સારું શિક્ષણ આપ્યું. માતાના આ સંઘર્ષને પૂજાએ એળે જવા ન દીધો અને મોડેલિંગ તેમજ શોબિઝની દુનિયામાં પોતાની એક આગવી ઓળખ ઊભી કરી. પૂજા ચોપરા અત્યાર સુધીમાં બોલિવૂડની ફેમસ ફિલ્મો જેવી કે ‘ફેશન’, ‘હિરોઈન’, ‘કમાન્ડો’ અને ‘અય્યારી’ જેવી મૂવીઝમાં શાનદાર અભિનય કરી ચૂકી છે.
આ પણ વાંચોઃ પેટ્રોલ-ડીઝલના ભાવ વધશે! કાચા તેલની સપ્લાય પર સંકટ, ફરી ઈરાન નારાજ થયું- રિપોર્ટ
આ પણ વાંચોઃ Lucky Plants : તુલસી સાથે ઉગાડો આ ખાસ છોડ, ચમકી જશે નસીબ, નહીં રહે પૈસાની કમી
અમારી WhatsApp ચેનલમાં જોડાવા આ લિંક પર ક્લીક કરો
