ઈરાનમાં હિજાબ વગર સિંગરને ગાવાનું ભારે પડ્યું, જાણો વિગત

તેહરાન, તા. 15 ડિસેમ્બર, 2024: ઈરાનમાં એક સિંગરની હિજાબ પહેર્યા વિના કોન્સર્ટમાં પ્રદર્શન કરવા બદલ ધરપકડ કરવામાં આવી હતી. ઈરાની સત્તાવાળાઓએ એક મહિલા ગાયકની ધરપકડ કરી હતી. તેણે યુટ્યુબ પર વર્ચ્યુઅલ કોન્સર્ટ યોજ્યો હતો. તેમના વકીલ મિલાદ પનાહિપોરના જણાવ્યા અનુસાર, ઈરાની રાજધાની તેહરાનથી લગભગ 280 કિલોમીટર દૂર મઝંદરન પ્રાંતના સારી શહેરમાં શનિવારે અહમદીની અટકાયત કરવામાં આવી હતી.

તેણીની ધરપકડ ગુરુવારે તેણીના કોન્સર્ટને ઓનલાઇન પોસ્ટ કર્યા પછી થઈ હતી, જ્યાં તેણી ખુલ્લા વાળમાં ચાર પુરુષ ગાયકો સાથે સ્લીવલેસ કોલર સાથે કાળા ડ્રેસ પહેરીને પ્રદર્શન કરતી જોવા મળી હતી. આ કોન્સર્ટને 15 લાખથી વધુ વખત જોવામાં આવ્યો છે.

મહિલાએ સોશિયલ મીડિયા પર પોસ્ટ કરી

સુશ્રી અહમદી તરીકે ઓળખાતી મહિલાએ પણ તેના ગાયન વિશે સોશિયલ મીડિયા પર એક પોસ્ટ લખી હતી.  તેણે લખ્યું, હું મહિલા છું, એક સ્ત્રી જે તેના પ્રિય લોકો માટે ગાવા માંગે છે, તેનો અધિકાર છે જેની હું અવગણના કરી શકતી નથી. હું જે ભૂમિને પ્રેમ કરું છું, તેના માટે હું પૂરા દિલથી ગાવ છું. અહીં, અમારા પ્રિય ઈરાનના આ ભાગમાં, જ્યાં ઇતિહાસ અને અમારી પૌરાણિક કથાઓ એકબીજા સાથે જોડાયેલી છે, આ કોન્સર્ટમાં મારો અવાજ સાંભળો અને આ સુંદર વતનની કલ્પના કરો.

ઈરાનમાં શૂટ કરાયેલ આ કોન્સર્ટ પ્રેક્ષકો વિના યોજાયો હતો. અહમદી અને તેમના ચાર સભ્યોના સપોર્ટ ક્રૂએ પરંપરાગત કારવાંસરાઇ સંકુલમાં એક મંચની બહાર પ્રદર્શન કર્યું હતું. અહેવાલ અનુસાર, વકીલે એ વાતની પણ પુષ્ટિ કરી હતી કે બે પુરૂષ સંગીતકારો, સોહેલ ફાગીહ નાસિરી અને એહસાન બેરાગદારની તે જ દિવસે તેહરાનમાં ધરપકડ કરવામાં આવી હતી. 1979ની ઇસ્લામિક ક્રાંતિ પછીના વર્ષોમાં ઈરાની કાયદા દ્વારા હિજાબ ફરજિયાત બનાવવામાં આવ્યો હતો.

આ પણ વાંચોઃ ગુજરાતમાં રવિ સીઝનના ડિજિટલ ક્રોપ સર્વેનો આજથી પ્રારંભ, 18 હજારથી વધુ ગામને આવરી લેવાશે