ડર, તે શું હોય છે? કાર પર ઊભા રહીને વ્યક્તિએ કર્યો ખતરનાક સ્ટંટ, જુઓ વીડિયો
- કૂલ બનવા માટે લોકો ગમે તે કરવા તૈયાર થઈ જાય છે, જેમાં ખતરનાક સ્ટંટ પણ સામેલ છે
HD ન્યૂઝ ડેસ્ક, 29 મે: આજના સમયમાં લોકોને દરેકની નજરમાં કૂલ બનવું છે. પણ કૂલ બનવાનું પરિમાણ શું છે? લોકો વિચારે છે કે કૂલ બનવા માટે તેમણે ખતરનાક સ્ટંટ કરવા પડશે, હિંમતભર્યા કાર્યો કરવા પડશે અને એકવાર તેઓ એવું કરશે તો સમાજના લોકો તેમને કૂલ તરીકે ટેગ કરશે. આ કારણોસર, ઘણા લોકો ખતરનાક સ્ટંટ કરે છે અને તેનો વીડિયો રેકોર્ડ પણ કરાવે છે. જ્યારે તેઓ સોશિયલ મીડિયા પર વીડિયો પોસ્ટ કરે છે, ત્યારે તે વાયરલ થઈ જાય છે પરંતુ લોકો તેમના વખાણ કરતા નથી. પરંતુ લોકો તેમણે સારી રીતે શિખામણ આપે છે. હાલમાં સોશિયલ મીડિયા પર આવો જ એક વીડિયો વાયરલ થઈ રહ્યો છે જેમાં એક વ્યક્તિ કાર સાથે ખતરનાક સ્ટંટ કરી રહ્યો છે. વ્યક્તિએ કાર ચલાવતી વખતે એવા ખતરનાક સ્ટંટ કરે છે કે તેને જોઈને જ ગમે તે ડરી જાય.
Iska part – 2 police upload karegi 😁 pic.twitter.com/gvnXw1PEOw
— Siya (@Siya17082000) May 28, 2024
વીડિયો સોશિયલ મીડિયા પર વાયરલ
સોશિયલ મીડિયા પર વાયરલ થઈ રહેલા વીડિયોમાં જોવા મળી રહ્યું છે કે, એક વ્યક્તિ ખાલી રસ્તા પર પોતાની કાર ચલાવી રહ્યો છે. અચાનક તે કારનો દરવાજો ખોલે છે અને એક પગ કારની અંદર અને બીજો દરવાજા પર રાખીને ઊભો થાય છે. આ પછી તે કારની છત પર ચડીને ઉભો રહે છે. તમને જાણીને નવાઈ લાગશે કે, આ દરમિયાન કોઈ કાર ચલાવી રહ્યું નથી કારણ કે જે વ્યક્તિ સ્ટંટ કરી રહ્યો હતો તે ડ્રાઈવિંગ સીટ પર બેઠો હતો. વીડિયોમાં વાહનની નંબર પ્લેટ પણ સ્પષ્ટપણે જોઈ શકાય છે. નંબર પ્લેટ પ્રમાણે કાર રાજસ્થાનની છે.
આ વીડિયોને @Siya17082000 નામના એકાઉન્ટથી માઇક્રો બ્લોગિંગ પ્લેટફોર્મ X (અગાઉના ટ્વિટર) પર શેર કરવામાં આવ્યો છે. વીડિયો શેર કરતી વખતે કેપ્શનમાં લખ્યુંમાં લખવામાં આવ્યું છે કે, ‘ તેનો પાર્ટ-2 પોલીસ અપલોડ કરશે.‘ અત્યાર સુધી આ વીડિયોને 2 લાખથી વધુ લોકો જોઈ ચૂક્યા છે. વીડિયો જોયા બાદ એક યુઝરે લખ્યું છે કે, “તેને પડવું જોઈએ, ત્યારે જ તેને અક્કલ આવશે.” અન્ય યુઝરે લખ્યું કે, “તેનું લાઇસન્સ અને કાર જપ્ત કરો.” ત્રીજા યુઝરે લખ્યું કે, “તેને જેલ જવાનો શોખ છે.” તો અન્ય એક યુઝરે લખ્યું કે, “શું તેને ડર નથી લાગતો?“
આ પણ જુઓ: All Eyes on Rafahની સ્ટોરી કેમ પોસ્ટ કરી રહ્યા છે સોશિયલ મીડિયા યુઝર્સ? જાણો
