રામ મંદિર પ્રાણ પ્રતિષ્ઠામાં સામેલ થવા બદલ ઈમામ ઉમર અહેમદ સામે ફતવો જારી
- જેઓ સમારોહમાં ભાગ લેવાને કારણે મને નફરત કરે છે તેઓ પાકિસ્તાન જઈ શકે છે : ઈમામ
- મને પ્રાણ પ્રતિષ્ઠાના દિવસની સાંજથી ધમકીભર્યા ફોન આવી રહ્યા છે : ઉમર અહેમદ
નવી દિલ્હી, 30 જાન્યુઆરી: 22 જાન્યુઆરીએ અયોધ્યામાં નવનિર્મિત રામ મંદિરમાં રામલલ્લાની મૂર્તિનો પ્રાણ પ્રતિષ્ઠા કરવામાં આવ્યો હતો. આ સમારોહમાં ઓલ ઈન્ડિયા ઈમામ ઓર્ગેનાઈઝેશનના મુખ્ય ઈમામ ડો. ઈમામ ઉમર અહેમદ ઈલ્યાસી પણ હાજર રહ્યા હતા. તેઓ VVIP મહેમાનોમાં સામેલ હતા. જેને કારણે હવે તેમની સામે ફતવો જારી કરવામાં આવ્યો છે. આ અંગે તેમણે ચુસ્ત જવાબ પણ આપ્યો છે. આ અંગે તેમણે કહ્યું છે કે, જે લોકો સમારોહમાં ભાગ લેવાને કારણે મને નફરત કરે છે તેઓ પાકિસ્તાન જઈ શકે છે. મેં કોઈ ગુનો કર્યો નથી.
#WATCH | Delhi | Fatwa issued against Chief Imam of All India Imam Organization, Dr Imam Umer Ahmed Ilyasi after he attended the Pranpratishtha ceremony of Ram Lalla at Ram Temple in Ayodhya.
He says, “As a chief Imam, I received the invitation from Shri Ram Janmbhoomi Teerth… pic.twitter.com/iVe2bA3s1X
— ANI (@ANI) January 29, 2024
તેમની સામે જારી કરાયેલા ફતવા અંગે ઉમર અહેમદે કહ્યું, ‘મુખ્ય ઈમામ તરીકે મને શ્રી રામ જન્મભૂમિ તીર્થ ટ્રસ્ટ તરફથી આમંત્રણ મળ્યું હતું. બે દિવસ વિચાર કર્યા બાદ મેં અયોધ્યા જવાનું નક્કી કર્યું. ફતવો ગઈકાલે જારી કરવામાં આવ્યો હતો પરંતુ મને 22 જાન્યુઆરીની સાંજથી ધમકીભર્યા ફોન આવી રહ્યા છે.
‘જે લોકો મને નફરત કરે છે તેઓ પાકિસ્તાન જઈ શકે છે’
તેમણે વધુમાં કહ્યું કે, “મેં કેટલાક કોલ રેકોર્ડ કર્યા છે જેમાં કોલ કરનારાઓએ મને મારી નાખવાની ધમકી આપી છે. જે લોકો મને અને દેશને પ્રેમ કરે છે તેઓ મને સાથ આપશે. જે લોકો મને નફરત કરે છે કારણ કે મેં સમારોહમાં ભાગ લીધો હતો તેમણે પાકિસ્તાન જવું જોઈએ. મેં પ્રેમનો સંદેશ આપ્યો છે. કોઈ ગુનો કર્યો નથી. હું માફી માંગીશ નહીં કે રાજીનામું આપીશ નહીં. ધમકીઓ આપનારા તેઓ ગમે તે કરી શકે છે.”
ઉમર અહેમદ વિશે ફતવામાં શું કહેવામાં આવ્યું ?
ફતવામાં જણાવવામાં આવ્યું છે કે, રામ મંદિરમાં જઈને તમારું નિવેદન આપતા પહેલા શું તમને એવું નથી લાગતું કે તમે મૌલાના જમીલ ઇલ્યાસીના પુત્ર અને મેવાતના જાણીતા ઉપદેશક પરિવારમાંથી છો? અરે નાદાન, તમે ઈમામોના નેતા ક્યારથી બન્યા? હિન્દુઓની નજરમાં સારા બનવું હતું. હિન્દુઓને ખુશ કરવા ગયા હતા. ‘કોઈ પણ વ્યક્તિ સાચો મુસ્લિમ બની શકતો નથી જ્યાં સુધી તેની અંદર સંપૂર્ણ માનવતા ન હોય. તો પછી માનવતા સૌથી મોટો ધર્મ છે એમ કહેવાની છૂટ કેટલી હદે આપી શકાય? મંદિરના ઉદ્ઘાટનમાં સન્માન મેળવવા શા માટે ગયા?’ આટલું જ નહીં, આ ફતવામાં ઇમામ વિરુદ્ધ અન્ય ઘણી અંગત ટિપ્પણીઓ પણ કરવામાં આવી છે. આ ઉપરાંત તેમના ઈમામ હોવા પર પણ પ્રશ્નાર્થ ચિન્હ ઉભા થયા છે.
#WATCH | “This is the face of new India. Our biggest religion is humanity. For us, the nation is first,” says Dr. Imam Umer Ahmed Ilyasi, Chief Imam, All India Imam Organization at Ayodhya Ram Temple ‘Pran Pratishtha’ ceremony. pic.twitter.com/IRYRW5YgAu
— ANI (@ANI) January 22, 2024
આ પહેલા ‘પ્રાણ પ્રતિષ્ઠા’ સમારોહમાં પહોંચેલા ડૉ. ઇમામ ઉમર અહમદ ઇલ્યાસીએ કહ્યું હતું કે, ‘આ બદલાતા ભારતનું ચિત્ર છે. આજનું ભારત નવું અને શ્રેષ્ઠ છે. હું અહીં પ્રેમનો સંદેશ લઈને આવ્યો છું. પૂજાની રીતો અને પૂજાની પદ્ધતિ અલગ અલગ હોઈ શકે છે. આપણી માન્યતાઓ ચોક્કસ અલગ હોઈ શકે છે, પરંતુ આપણો સૌથી મોટો ધર્મ માનવ અને માનવતાનો છે. આવો, આપણે સૌ સાથે મળીને માનવતા જાળવીએ.
ઉમર અહેમદ ઇલ્યાસી તમામ આંતરરાષ્ટ્રીય મંચો પર સંગઠનનું કરે છે પ્રતિનિધિત્વ
ઉલ્લેખનીય છે કે, મુસ્લિમ ધાર્મિક નેતા ડૉ. ઈમામ ઉમર અહેમદ ઈલ્યાસી ઓલ ઈન્ડિયા ઈમામ ઓર્ગેનાઈઝેશન (AIIO)ના મુખ્ય ઈમામ છે. ઈલ્યાસીને ઓલ ઈન્ડિયા ઈમામ ઓર્ગેનાઈઝેશન દ્વારા ભારતના 5 લાખ ઈમામો અને લગભગ 21 કરોડ ભારતીય મુસ્લિમોના ધાર્મિક અને આધ્યાત્મિક માર્ગદર્શક તરીકે ગણવામાં આવે છે. ઉમર અહેમદ ઇલ્યાસી ઇમામ સંસ્થાનો વૈશ્વિક ચહેરો છે. ઇલ્યાસીએ ધર્મ, આધ્યાત્મિકતા અને આંતર-ધાર્મિક સંવાદના તમામ આંતરરાષ્ટ્રીય મંચો પર સંગઠનનું પ્રતિનિધિત્વ કરે છે. તાજેતરમાં પંજાબની દેશ ભગત યુનિવર્સિટી દ્વારા ડો.ઇમામ ઉમર અહેમદ ઇલ્યાસીને ફિલોસોફીની ડોક્ટરેટની પદવીથી સન્માનિત કરવામાં આવ્યા હતા. આ પ્રથમ વખત છે જ્યારે કોઈ મસ્જિદના ઈમામને શિક્ષણના સર્વોચ્ચ પદથી સન્માનિત કરવામાં આવ્યા છે.
આ પણ જુઓ : ઝારખંડના CM હેમંત સોરેન થયા ગુમ, EDની ટીમ દ્વારા શોધખોળ શરૂ
