નવજાત બાળકને સુપર હ્યુમન બનાવવાના ચક્કરમાં માસૂમના મૃત્યુ બદલ પિતાને કેદ

મૉસ્કો (રશિયા), 17 એપ્રિલ: ઘણા લોકો તેમના મૂર્ખામીભર્યા વર્તનને કારણે પોતાના પરિવાર અને બાળકો માટે જીવલેણ બની જાય છે. એક સોશિયલ મીડિયા ઇન્ફ્લુએન્સર કપલે પણ કંઈક આવું જ કર્યું અને જેના કારણે તેમના એક મહિનાના બાળકનો જીવ ગયો. રશિયન ઇન્ફ્લુએન્સર મેક્સિમ લ્યુટીનું માનવું હતું કે, બાળકને સૂર્યના તડકામાંથી સુપરહ્યુમન ક્ષમતા મળશે. એટલે કે માત્ર સૂર્યમાં રહેવાથી બાળકનું પેટ ભરાઈ જશે. આ કારણે તેણે પોતાના બાળકને ખાવાનું આપવાનું બંધ કરી દીધું. બરાબર ખોરાક ન મળતા કમનસીબે બાળકનું કુપોષણ અને ન્યુમોનિયાને કારણે મૃત્યુ થયું. જેને લઈને કોસ્મોસના પિતા લ્યુટીને 8 વર્ષની સજા ફટકારવામાં આવી છે.

માતા બાળકને છુપાઈને સ્તનપાન કરાવતી હતી

કોસ્મોસનો જન્મ ઘરે થયો હતો કારણ કે લ્યુટીએ બાળકની માતા ઓકસાના મીરોનોવાને પ્રસૂતિ હોસ્પિટલમાં જવા દેવાની ના પાડી હતી. મીરોનોવાના પિતરાઈ ભાઈ ઓલેસ્યા નિકોલાયેવાએ ખુલાસો કરતાં કહ્યું કે, તેણે તેની માતાને બાળકને સ્તનપાન કરાવવાની પણ ના પાડી. તેનો બોયફ્રેન્ડ માનતો હતો કે સૂર્યપ્રકાશ બાળકને પોષણ આપે છે. મીરોનોવા છુપાવીને બાળકને સ્તનપાન કરાવતી હતી. તે તેને ખવડાવવાની કોશિશ કરતી હતી, પરંતુ તે તેનાથી ખૂબ જ ડરી ગઈ હતી. બાળકને તેની માતાના દૂધની જરૂર છે?

નવજાતને પિતા ઠંડા પાણીથી નવડાવતો હતો

રિપોર્ટ પ્રમાણે, ઇન્ફ્લુએન્સર તેના બાળક પર એક્સપરિમેન્ટ કરી રહ્યો હતો અને તે લોકોને બતાડવા માંગતો હતો કે, તેઓ આવું કરીને બાળકને શારીરિક રીતે મજબૂત બનાવી શકાય છે. એટલું જ નહીં, લ્યુટી તેના નવજાત બાળકને ગરમના બદલે ઠંડા પાણીથી નવડાવતો હતો. મીરોનોવાની માતાએ કહ્યું કે, હું મારી દીકરીના આ યુવક સાથે રહેવાની વિરુદ્ધ હતી. મેં કેટલીવાર મીરોનોવાને કહ્યું કે, મેક્સિમ પાગલ છે પરંતુ તેણે મારી એક ના સાંભળી. મીરોનોવાના અન્ય એક કુટુંબના સભ્યએ કહ્યું કે, તેણે ઘણીવાર લ્યુટીને છોડવાની કોશિશ કરી હતી. પરંતુ મેક્સિમે તેને તેમ ન કરવા દીધું કારણ કે તે ઇચ્છતો ન હતો કે તેનો પુત્ર એવો વ્યક્તિ બને જે ફક્ત સૂર્યપ્રકાશ પર જ જીવે.

લ્યુટી તેના બાળકને ડૉક્ટર પાસે લઈ જવા તૈયાર થયો ત્યાં સુધીમાં ઘણું મોડું થઈ ગયું હતું. કોસમોસ એટલો નબળો હતો કે ગયા વર્ષે 8 માર્ચે તેનું મૃત્યુ થયું હતું. ત્યારબાદ લ્યુટી અને મીરોનોવાની ધરપકડ કરવામાં આવી. આ અઠવાડિયે તેની સજા સંભળાવતા પહેલા કોર્ટની અંતિમ સુનાવણીમાં જ્યારે તે હાજર થયો ત્યારે ઈન્ફ્લુએન્સરે આખરે તેના પુત્રની હત્યા કરવાની કબૂલાત કરી. ફરિયાદીઓ સાડા આઠ વર્ષની જેલ અને અંદાજે £900ના દંડની માગણી કરી રહ્યા છે.

આ પણ વાંચો: અયોધ્યામાં રામલલ્લાનું થયું સૂર્ય તિલક, અદ્ભુત નજારો જોવા મળ્યો