‘The Kerala Story’ને કોમ્પિટીશન આપવા ‘Fast X’ રિલીઝ, ફિલ્મની કમાણીને અસર કરશે?

બોલિવૂડ એક્ટ્રેસ અદા શર્માની ફિલ્મ ‘The Kerala Story’ છેલ્લા કેટલાક દિવસોથી બોક્સ ઓફિસ પર ઘણી કમાણી કરી રહી છે. હવે આ ફિલ્મને ટક્કર આપવા માટે હોલીવુડ સુપરસ્ટાર વિન ડીઝલની ફિલ્મ ‘Fast X’ ભારતના સિનેમાઘરોમાં આવી ગઈ છે. બીજી તરફ ‘The Kerala Story’ના કલેક્શન ગ્રાફમાં પણ ઘટાડો જોવા મળી રહ્યો છે.

હોલિવૂડ ફિલ્મ ‘Fast X’ને મળશે જોરદાર ઓપનિંગ?

પ્રખ્યાત ફ્રેન્ચાઈઝી ‘ફાસ્ટ એન્ડ ફ્યુરિયસ’ની ફિલ્મ ફાસ્ટ એક્સ સિનેમાઘરોમાં રિલીઝ થઈ છે. ‘Fast X’ શરૂઆતના દિવસે 13 કરોડ રૂપિયાનું કલેક્શન કરી શકે છે. આવી સ્થિતિમાં આ ફિલ્મ અદા શર્માની ફિલ્મ ‘The Kerala Story’ની કમાણી પર અસર કરી શકે છે. કોઈપણ રીતે ‘The Kerala Story’ની ગતિ બોક્સ ઓફિસ પર ધીમી પડી ગઈ છે.

‘The Kerala Story’ બોક્સ ઓફિસ પર ધીમી પડી

બીજી તરફ, ‘The Kerala Story’ બીજા સપ્તાહમાં બોક્સ ઓફિસ પર કમાણી કરતી જોવા મળી રહી છે. આ મૂવીએ ગુરુવારે 7 કરોડ રૂપિયાની કમાણી કરી છે, જે અગાઉના દિવસોની સરખામણીમાં ઘણી ઓછી છે, કારણ કે તે બીજા અઠવાડિયાના સોમવાર સુધી ડબલ ડિજિટમાં કમાણી કરી રહી હતી. જોકે, ટ્રેડ એનાલિસ્ટ તરણ આદર્શના જણાવ્યા અનુસાર, ‘ધ કેરળ સ્ટોરી’ ભારતમાં અત્યાર સુધીમાં 171.72 કરોડ રૂપિયાનું કલેક્શન કરી ચૂકી છે.

જાણો-બોક્સ ઓફિસ કલેક્શન

જો બીજી મોટી ફિલ્મોના કલેક્શનની વાત કરીએ તો સલમાન ખાનની ‘કિસ કા ભાઈ કી જાન’ બોક્સ ઓફિસ પર જોઈએ તેટલું કલેક્શન કરી શકી નથી. આ ફિલ્મે કુલ 109 કરોડ રૂપિયાનો બિઝનેસ કર્યો છે. ઐશ્વર્યા રાય બચ્ચન અને ચિયાન વિક્રમની ફિલ્મ ‘પોનીયિન સેલ્વન 2’ બોક્સ ઓફિસ પર કમાણી કરી રહી છે. 21માં દિવસે આ ફિલ્મે 75 લાખ રૂપિયાનો બિઝનેસ કર્યો છે. વિદ્યુત જામવાલની તાજેતરની રિલીઝ IB71 છેલ્લા સાત દિવસમાં માત્ર 11.01 કરોડ રૂપિયા એકત્ર કરવામાં સફળ રહી છે.