ખેડૂતના દીકરાએ 20માં રેન્ક સાથે UPSC પરીક્ષા પાસ કરી
- સખત મહેનતથી જ સફળતા મળે છે: શિવમ
- યુપીના બાંદાના એક નાના ગામના ખેડૂત પુત્રએ 20માં રેન્કે UPSC પાસ કરી પિતા તેમજ પરિવારનું ગૌરવ વધાર્યું.
ઉત્તર પ્રદેશ, 24 નવેમ્બર: યુનિયન પબ્લિક સર્વિસ કમિશન (UPSC) એ એન્જિનિયરિંગ સર્વિસ પરીક્ષા 2023 (UPSC IES) નું અંતિમ પરિણામ જાહેર કર્યું છે. યુપીના બાંદાના એક નાના ગામના ખેડૂત પુત્રએ UPSC પરીક્ષા પાસ કરીને પોતાના પિતા તેમજ પરિવારનું ગૌરવ વધાર્યં છે. આ ખેડૂત પુત્રએ પોતાની મહેનતથી સમગ્ર દેશમાં 20મો રેન્ક હાંસલ કર્યો છે.
પિતા ખેડૂત છે, પુત્રએ UPSC પરીક્ષામાં 20મો રેન્ક મેળવ્યો
બાંદાના નાના ગામના એક ખેડૂત પુત્રએ આ પરીક્ષા પાસ થતાં ગામમાં ખુશીનો માહોલ છે. અટારા તહસીલ વિસ્તારના મહુતા ગામમાં રહેતા ખેડૂત પ્રમોદ દ્વિવેદીના નાના પુત્ર શિવમે UPSC એન્જિનિયરિંગ સર્વિસિસ (UPSC IES)માં 20મો રેન્ક મેળવ્યો છે. શિવમનો મોટો ભાઈ એન્જિનિયર છે અને માતા ગૃહિણી છે. શિવમના પિતા કહે છે કે શિવમ ભણવામાં નાનપણથી જ હોશિયાર હતો, શિવમે પ્રાથમિક શિક્ષણ ગામમાંથી જ કર્યું, હાઈસ્કૂલ અને અટારામાંથી ઈન્ટરમીડિયેટ ફર્સ્ટ ડિવિઝન સાથે પાસ કર્યું છે.
શિવમે વીજ વિભાગમાં પણ નોકરી કરી
શિવમે 12મા પછી એનઆઈટી અગરતલામાંથી બીટેક કર્યું છે. B.Tech કર્યા પછી, શિવમને 2020 માં વીજ વિભાગમાં SDOની પોસ્ટ માટે પસંદ કરવામાં આવ્યો હતો. શિવમને કાનપુર પંકી પાવર પ્લાન્ટમાં પોસ્ટિંગ પણ મળ્યું. પરંતુ શિવમને સંતોષ ન થતાં તેણે પોતાની ફરજની સાથે યુપીએસસીની તૈયારી ચાલુ રાખી હતી.
નોકરીની સાથે UPSCની તૈયારી કેવી રીતે કરી ?
શિવમ UPSCની તૈયારી ચાલુ કરીએ પહેલાં વીજ વિભાગમાં નોકરી કરતો હતો. ત્યાર બાદ શિવમે UPSC પરીક્ષાના થોડા મહિના પહેલા રજા લઈને તૈયારી શરૂ કરી દીધી હતી. શિવમનું કહેવું છે કે તે પ્લાન બનાવીને 8 કલાક નિયમિત અભ્યાસ કરતો હતો, એમટેક દરમિયાન પણ તેણે UPSCની તૈયારી કરી હતી. તેણે પોતાની સફળતાનો શ્રેય ભગવાન અને માતા-પિતાને આપ્યો છે.
કેવી રીતે કરવી UPSCની તૈયારી ?
શિવમે યુપીએસસીની તૈયારી કરી રહેલા યુવાનોને કહ્યું કે નિયમિત અભ્યાસ કરતા રહો, હંમેશા સારો પ્રયાસ કરો, દરેક માઈલસ્ટોન આપોઆપ પ્રાપ્ત થઈ જશે. સખત મહેનતથી જ સફળતા મળે છે. શિવમે દિવસ-રાત મહેનત અને ધ્યેય પ્રાપ્ત કરવાના જુસ્સાને કારણે સફળતા મેળવી છે.
આ પણ વાંચો: તબીબી અભ્યાસક્રમમાં પ્રવેશ માટે વધુ મહત્વની છુટછાટ, જાણો શું ફેરફાર આવ્યો ?
