WhatsApp Messenger
ટોપ ન્યૂઝટ્રેન્ડિંગનેશનલ

દિલ્હીના રામલીલા મેદાનમાં આજે ખેડૂતોની મહાપંચાયત, 5 હજાર લોકોને એકત્ર થવાની મંજૂરી

Poojan Patadiya Send an email New DelhiLast Updated: માર્ચ 14, 2024
479 2 minutes read
Copy
Text To Speech
mahapanchayat
Photo: @google\respective owner
  • યુનાઇટેડ કિસાન મોરચાના મહાપંચાયત યોજવાના એલાન બાદ પંજાબમાંથી મોટી સંખ્યામાં ખેડૂતો દિલ્હી પહોંચે તેવી શક્યતા

નવી દિલ્હી, 14 માર્ચ: દિલ્હીનું રામલીલા મેદાન ફરી એકવાર ચર્ચામાં છે. જેનું કારણે કિસાન મહાપંચાયત રહેલી છે. હકીકતમાં, યુનાઇટેડ કિસાન મોરચાના એલાન બાદ પંજાબમાંથી મોટી સંખ્યામાં ખેડૂતો દિલ્હી પહોંચે તેવી શક્યતા છે. આવી સ્થિતિમાં પોલીસે તેની તમામ તૈયારીઓ અમલમાં મૂકી દીધી છે. આજે 14 માર્ચે યોજાનારી મહાપંચાયતની પરવાનગીને લઈને ખેડૂતો અને વહીવટીતંત્ર વચ્ચે ઘણા દિવસોથી વાતચીત ચાલી રહી હતી. તેને ધ્યાનમાં રાખીને દિલ્હી પોલીસે એક મોટું અપડેટ આપ્યું છે. અધિકારીઓએ કહ્યું કે, નિયમો અને શરતો અનુસાર મહાપંચાયતમાં માત્ર 5 હજાર લોકોને જ એકઠા થવાની મંજૂરી આપવામાં આવી છે. પોલીસે આ માટે યોગ્ય એડવાઈઝરી પણ જારી કરી છે.

નિયમો અને શરતોનું ઉલ્લંઘન થશે નહીં

ડેપ્યુટી કમિશનર ઓફ પોલીસ (સેન્ટ્રલ) એમ. હર્ષ વર્ધનના જણાવ્યા અનુસાર, દિલ્હી પોલીસે આજે ગુરુવારે રામલીલા મેદાનમાં ‘કિસાન મઝદૂર મહાપંચાયત’નું આયોજન કરવાની કેટલીક શરતો સાથે મંજૂરી આપી છે. પોલીસ દ્વારા નિર્ધારિત શરતો હેઠળ, ખેડૂતો 5,000થી વધુની સંખ્યામાં રામલીલા મેદાનમાં એકઠા થઈ શકશે નહીં તેમજ ટ્રેક્ટર પણ લાવી શકશે નહીં અને મેદાનમાં કોઈ પદયાત્રા પણ કરી શકશે નહીં તેવી શરત મુકવામાં આવી છે. પોલીસ અધિકારીઓના જણાવ્યા અનુસાર મહાપંચાયતને ધ્યાનમાં રાખીને વ્યાપક સુરક્ષા વ્યવસ્થા કરવામાં આવી છે. આ સમયગાળા દરમિયાન, રાષ્ટ્રીય રાજધાનીમાં ભારે ટ્રાફિક જામ થઈ શકે છે, આ માટે દિલ્હીમાં ડાયવર્ઝન કરવામાં આવ્યું છે. તે જ સમયે, એક પોલીસ અધિકારીએ કહ્યું કે, ખેડૂતોને બપોરે 2.30 વાગ્યા પછી તેમનો કાર્યક્રમ પૂરો થતાં તરત જ મેદાન ખાલી કરવા માટે કહેવામાં આવ્યું છે.

પોલીસ દ્વારા મહાપંચાયત માટે ખાસ તૈયારીઓ કરવામાં આવી 

અધિકારીઓએ જણાવ્યું કે, પોલીસે મુસાફરોને મધ્ય દિલ્હી તરફ જતા રસ્તાઓથી દૂર રહેવા માટે ટ્રાફિક એડવાઈઝરી પણ જારી કરી છે. ખેડૂત સંગઠનોનું નેતૃત્વ કરી રહેલા સંયુક્ત કિસાન મોરચા (SKM)એ કહ્યું છે કે, તેઓ રામલીલા મેદાનમાં ‘કિસાન મઝદૂર મહાપંચાયત’નું આયોજન કરશે. જેમાં સરકારની નીતિઓ સામે ‘લડત ઉગ્ર બનાવવા’નો ઠરાવ પસાર કરવામાં આવશે.

આ પણ જુઓ: કોંગ્રેસને મોટો ફટકો, દિલ્હી હાઈકોર્ટે ટેક્સ મામલે રાહત આપવાનો કર્યો ઈન્કાર

Tags
Copy
Back to top button