આસિસ્ટન્ટના લગ્નમાં સરપ્રાઇઝ આપવા પહોંચેલા ધનુષની સાદગી પર ફેન્સ ફીદા
- ધનુષ હાલમાં ખૂબ જ વ્યસ્ત હોવા છતા તે આસિસ્ટન્ટ આનંદના લગ્નમાં હાજરી આપવા માટે આવ્યો હતો. એકદમ સાદા કપડામાં તેને જોઇને ફેન્સ ફીદા થઇ ગયા
તમિલ ફિલ્મોના સુપરસ્ટાર ધનુષ પોતાની સાદગીને લઈને સોશિયલ મીડિયા પર ચર્ચામાં છે. રવિવાર (17 સપ્ટેમ્બર)ના રોજ તેના આસિસ્ટેંટ આનંદના લગ્નમાં અચાનક પહોચીને સરપ્રાઇઝ આપતા હાજર મહેમાનોમાં આશ્ચર્ય ફેલાયુ હતું. જો કે તેમને લગ્નમાં આવવા માટે આમંત્રણ તો આપવામાં આવ્યું હતું, પરંતુ આનંદને સ્વપ્નમાં પણ ખ્યાલ નહોતો કે ધનુષ તેના લગ્નમાં આવશે..નવાઈની વાત તો એ છે કે ધનુષ હાલમાં ખૂબ જ વ્યસ્ત હોવા છતા તે લગ્નમાં હાજરી આપવા માટે આવ્યો હતો. ધનુષના ફોટોઝ અને તેના વીડિયોઝ સોશિયલ મીડિયામાં વાઇરલ થઇ રહ્યા છે. ફેન્સ આ સુપરસ્ટારની સાદગી પર ફીદા થઇ ગયા છે.
ધનુષના ચાહકો તેની સાદગી જોઈને ફીદા થયા
લગ્નમાં આવેલા ધનુષના ફોટો અને તેના વીડિયો સોશિયલ મીડિયા પર વાઇરલ થઈ રહ્યા છે. ધનુષના ચાહકો તેની સાદગી જોઈને ફીદા થઈ ગયા હતા. મહત્વની વાત એ છે કે ધનુષ સામાન્ય માણસની જેમ શર્ટ- જીન્સ અને ટોપી પહેરીને લગ્ન મંડપમાં આવી પહોચ્યો હતો.
தனது உதவியாளர் ஆனந்த் திருமண வரவேற்ப்பு நிகழ்ச்சியில் திடீரென வந்து வாழ்த்திய தலைவர் @dhanushkraja sir ❣️🔥🙏 #CaptainMiller #Dhanush pic.twitter.com/Lep0bzGyNR
— Dhanush Trends ™ (@Dhanush_Trends) September 16, 2023
ધનુષ આગામી ફિલ્મ ” માં દાઢી અને મુછોમાં જોવા મળશે
આ લગ્ન સમારોહમાં ધનુષની સાથે કેન કારુનસ પણ પહોચ્યાં હતાં. ધનુષ અને કેને ‘અસુરન’ ફિલ્મમાં સાથે કામ કર્યુ છે. લગ્ન સમારોહમાં ધનુષનો લુક બિલકુલ સામાન્ય દેખાતો હતો. તેના ચહેરા પરની મુછોં પણ ચર્ચાનો વિષય બની હતી. તે પોતાની આવનારી ફિલ્મ ‘Captain Miller’ માં દાઢી અને મુછોમાં જોવા મળશે.
આ છે રિયલ હીરો અને રિયલ સાદગી
સોશિયલ મીડિયા પર તેની તસવીરો અને વીડિયો પર રિએક્ટ કરતાં તેના એક ચાહકે લખ્યું હતું કે, વાહ, ધનુષનો અંદાજ કેટલો શાનદાર છે. મશહુર હસ્તીઓ આ રીતે સાદગી સાથે તેના મિત્રો અને તેના ચાહકોને મળે છે ખરેખર અદ્દભુત છે. અન્ય એક ચાહકે લખ્યું છે કે, ના કોઈ આડંબર, ના કોઈ ડિઝાઈનર ડ્રેસ, આને કહેવાય અસલી સાદગી.
