MLA મિત્રના ઘરે પહોંચેલા અલ્લૂ અર્જુનને જોતા જ ફેન્સ ક્રેઝી, કેમ કરાયો કેસ દાખલ?
- લોકોને જાણ થતાં જ અલ્લૂ અર્જુનને જોવા માટે ભીડ એકઠી થઈ ગઈ હતી. ચાહકો તેની એક ઝલક મેળવવા માટે ઉત્સુક દેખાયા હતા. ત્યારબાદ પોલીસે સુપરસ્ટાર અને તેના મિત્ર વિરુદ્ધ કેસ નોંધ્યો હતો
12 મે, ચેન્નઈઃ સાઉથ ફિલ્મ ઈન્ડસ્ટ્રીના સુપરસ્ટાર અલ્લૂ અર્જુનનો જબરજસ્ત ક્રેઝ જોવા મળી રહ્યો છે. તે ઘણીવાર હેડલાઇન્સમાં પણ ચમકતો હોય છે. આ વખતે તે ચર્ચામાં એટલા માટે છે કેમકે તે કાયદાકીય મુશ્કેલીમાં ફસાયો છે. શનિવારે આ સાઉથના અભિનેતા વિરુદ્ધ કેસ નોંધવામાં આવ્યો છે. 11 મેના રોજ અલ્લૂ અર્જુન આંધ્રપ્રદેશના નંદયાલ પહોંચ્યો હતા. અહીંથી તે તેના મિત્ર અને YSRCP ધારાસભ્ય સિલ્પા રવિના ઘરે પણ ગયો હતો. લોકોને જાણ થતાં જ અલ્લૂ અર્જુનને જોવા માટે ભીડ એકઠી થઈ ગઈ હતી. ચાહકો તેની એક ઝલક મેળવવા માટે ઉત્સુક દેખાયા હતા. ત્યારબાદ પોલીસે સુપરસ્ટાર અને તેના મિત્ર વિરુદ્ધ કેસ નોંધ્યો હતો.
કાયદાકીય દાવપેચમાં ફસાયો અલ્લૂ અર્જુન
સિલ્પા રવિ જેનું અસલી નામ સિંગારેડ્ડી રવિચંદ્ર કિશોર રેડ્ડી છે. 13 મેના રોજ સત્તારૂઢ પાર્ટીના ઉમેદવારના રૂપમાં ફરી વખત ચૂંટણી લડવા જઈ રહ્યા છે. ચૂંટણી પ્રચારના છેલ્લા દિવસે મિત્રને સમર્થન આપવા અલ્લૂ અર્જુન તેના ઘરે પહોંચ્યો હતો. એક્ટરને જોઈને ધારાસભ્યના ઘર બહાર મોટી સંખ્યામાં લોકો જમા થઈ ગયા. અભિનેતા તેની પત્ની સ્નેહા રેડ્ડી, સિલ્પા રવિ અને ધારાસભ્યના પરિવારના સભ્યો સાથે બાલ્કનીમાં ફેન્સને મળવા પહોંચ્યો હતો.
Mutual forever 💙🤍💚
Jaijagan
Jaibunny#AlluArjunAtNandyalpic.twitter.com/2Z3qE5n3x8— 𝕯𝖊𝖙𝖔𝖓𝖆𝖙𝖔𝖗 🐉 (@detonateronline) May 11, 2024
અલ્લુ અર્જુન બાલ્કનીમાંથી ચાહકોને મળ્યો
અલ્લૂના ફેન્સ પુષ્પા, પુષ્પાના નારા લગાવી રહ્યા હતા. YSRCP માટે પ્રચાર કર્યાના એક દિવસ બાદ સિલ્પા રવિ અને અલ્લુ અર્જુન વિરુદ્ધ ચૂંટણી આચારસંહિતા ભંગનો કેસ નોંધવામાં આવ્યો છે. ફરિયાદમાં કહેવામાં આવ્યું છે કે સિલ્પા રવિ ચંદ્રાએ આરઓ નંદયાલની પરવાનગી વિના અલ્લૂ અર્જુનને ઘરે બોલાવ્યો, તે જાણવા છતા પણ કે તે આદર્શ આચાર સંહિતાના નિયમોનું ઉલ્લંઘન કરશે.
Grateful to the people of Nandyal for the warm reception. Thank you, @SilpaRaviReddy garu, for the hospitality. Wishing you the very best in the elections and beyond. You have my unwavering love and support pic.twitter.com/n34ra9qpMO
— Allu Arjun (@alluarjun) May 11, 2024
અલ્લૂ અર્જુને ફેન્સનો આભાર માન્યો
અલ્લૂ અર્જુને સોશિયલ મીડિયા પોસ્ટ દ્વારા નંદયાલના લોકોનો આભાર માન્યો હતો. તેણે ઉત્તમ આતિથ્ય માટે સિલ્પા રવિનો પણ આભાર માન્યો હતો. અભિનેતાએ પોસ્ટમાં લખ્યું છે કે તમને ચૂંટણી અને આગળની સફર માટે શુભકામનાઓ. મારો પ્રેમ અને સમર્થન હંમેશા તમારી સાથે છે. સિલ્પા રવિએ અલ્લુ અર્જુન સાથે ટ્વિટર પર એક વીડિયો પણ શેર કર્યો છે. જેમાં તેમણે કહ્યું કે હું તમારા પ્રેમ અને સમર્થન માટે ખૂબ જ આભારી છું.
આ પણ વાંચોઃ ઋષભ પંતની જગ્યાએ અક્ષર પટેલ DCનો કેપ્ટન; પોન્ટિંગે કર્યું કન્ફર્મ
