જાણીતા ભારતીય ક્રિકેટર પર હુમલો, સેલ્ફી લેવાની ના પાડતા કારના કાચ તોડ્યા

ક્રિકેટર પૃથ્વી શૉની કાર પર હુમલાના સમાચાર સામે આવ્યા છે. પ્લેયર પૃથ્વી શૉ તેના મિત્રની કારમાં બેઠો હતો, ત્યારે સેલ્ફી લેવા આવેલા લોકોએ તેના પર હુમલો કર્યો હતો.

ક્રિકેટર પૃથ્વી શૉ પર મુંબઈમાં હુમલો

ટીમ ઈન્ડિયાના ક્રિકેટર પૃથ્વી શૉની કાર પર મુંબઈમાં હુમલો થયો છે. ક્રિકેટર પૃથ્વી શૉ  તેના મિત્રની કારમાં બેઠો હતો. આ દરમિયાન ત્યાંના કેટલાક લોકોએ તેને વારંવાર સેલ્ફી લેવાનું કહ્યું. પરંતુ જ્યારે તેણે ના પાડી તો તેઓ ગુસ્સે થઈ ગયા અને કાર પર હુમલો કર્યો હતો. જો કે આ ઘટનામાં પૃથ્વી શૉને કોઈ નુકશાન પહોંચ્યું નહોતું.

8 લોકો સામે નોંધાયો ગુનો

પૃથ્વી શૉ પર મુબઈમાં ગઈ કાલે સાંજે લગભગ 4 વાગ્યે હુમલો થયો હતો. ક્રિકેટર પૃથ્વી શૉની કાર પર હુમલાનો આઠ લોકો પર આરોપ છે. મુંબઈ પોલીસે જણાવ્યું છે કે પૃથ્વી શૉ પર હુમલાના સંબંધમાં 8 આરોપીઓ વિરુદ્ધ કેસ નોંધવામાં આવ્યો છે. પોલીસ આ મામલાની તપાસ કરી રહી છે. દોષિતોને બક્ષવામાં આવશે નહીં તેમ પોલીસે જણાવ્યું હતું. પોલીસે પૃથ્વી શૉ પર હુમલાના મામલામાં એફઆઈઆર નોંધી તપાસ શરુ કરી દીધી છે.

પૃથ્વી શૉ ધમાકેદાર બેટિંગ માટે જાણીતો

તમને જણાવી દઈએ કે ક્રિકેટર પૃથ્વી શૉ પર હુમલાના મામલામાં પોલીસે 2 નામના લોકો અને 6 અજાણ્યા લોકો વિરુદ્ધ FIR નોંધી છે. પોલીસ અધિકારીએ જણાવ્યું કે આરોપીની શોધ ચાલુ છે. તેમને પકડવા માટે ટીમો બનાવવામાં આવી છે. પૃથ્વી શૉ ભારતીય ક્રિકેટ ટીમનો એક ભાગ છે. પૃથ્વી શૉ એક ધમાકેદાર બેટ્સમેન છે.  તેણે ટીમ ઈન્ડિયા માટે ઘણી વખત ઓપનિંગ કર્યું છે.

આ પણ વાંચો : સુરતમાં અશ્વોમાં ગ્લેન્ડર રોગ વકર્યો, કલેક્ટરના આદેશથી 6 અશ્વોને અપાયું દયામૃત્યુ