પ્રખ્યાત ભોજપુરી અભિનેત્રી અક્ષરા સિંહ પ્રશાંત કિશોરની જન સૂરાજ પાર્ટીમાં જોડાશે

• અક્ષરા સિંહ 2024ની ચૂંટણીમાં ટિકિટની દાવેદાર બની શકે છે
• પ્રશાંત કિશોરને મળ્યા બાદ પાર્ટીમાં જોડાવવાનો લીધો નિર્ણય

પટણા (બિહાર), 27 નવેમ્બર: પ્રખ્યાત ભોજપુરી ફિલ્મ અભિનેત્રી અક્ષરા સિંહ આજે જન સૂરાજ પાર્ટીમાં જોડાશે. અક્ષરા સિંહ રાજકારણમાં નસીબ અજમાવી રહી છે જેને લઈ રાજકીય વર્તુળોમાં ચર્ચાનો દોર શરૂ થયો છે. લોકોનું માનવું છે કે તે 2024ની ચૂંટણીમાં ટિકિટની દાવેદાર પણ બની શકે છે. અક્ષરા સિંહ બિહારનું જાણીતું નામ છે. આવી સ્થિતિમાં તેમના રાજકારણમાં પ્રવેશથી પાર્ટીને ઘણો ફાયદો થઈ શકે છે. જો કે આ મામલે અભિનેત્રી તરફથી હજુ સુધી કોઈ સત્તાવાર નિવેદન આવ્યું નથી. બીજી તરફ, પટણામાં આજે બપોરે 3 વાગ્યે જન સૂરાજ પાર્ટી દ્વારા પ્રેસ કોન્ફરન્સનું આયોજન કરાયું છે.

પ્રશાંત કિશોરને મળ્યા બાદ પાર્ટીમાં જવાનું નક્કી કર્યું

પ્રશાંત કિશોરને મળ્યા બાદ અક્ષરાએ તેમની પાર્ટીમાં જોડાવાનું નક્કી કર્યું હતું. જો કે, અક્ષરા 2024માં લોકસભા ચૂંટણી લડી શકે છે. અગાઉ ચૂંટણી રણનીતિકાર પ્રશાંત કિશોરે અગાઉ જન સૂરાજ અભિયાન શરૂ કર્યું હતું. આ પછી તેમણે રાજકીય પક્ષ બનાવવાની જાહેરાત કરી. તેમણે કહ્યું કે જન સૂરાજના નામે પાર્ટીની રચના કરવામાં આવશે. પ્રશાંતે કહ્યું હતું કે બિહારના લોકો નવો વિકલ્પ ઈચ્છે છે અને નવા બિહારનું વિઝન સાકાર થઈ શકે છે. આ પ્રેસ કોન્ફરન્સમાં અક્ષરાના જન સૂરાજ પાર્ટીમાં પ્રવેશની જાહેરાત થઈ શકે છે.

અક્ષરા સિંહના જોડાવાથી પાર્ટીને ઘણો ફાયદો થશે

પ્રશાંત કિશોર બિહારના ગામડે-ગામડે ફરીને લોકોને પોતાની વિચારસરણી સાથે જોડવાનો પ્રયાસ કરી રહ્યા છે. આ દરમિયાન તેઓ ગઠબંધન સરકાર અને ભાજપ પર સતત આકરા પ્રહારો કરી રહ્યા છે. કહેવામાં આવી રહ્યું છે કે અક્ષરા સિંહના પાર્ટીમાં જોડાવાથી પીકેના હાથ વધુ મજબૂત બનશે કારણ કે અક્ષરા એ ભોજપુરી ઈન્ડસ્ટ્રીની મોટી એક્ટ્રેસ છે અને તેણે રવિ કિશન, નિરહુઆ અને ખેસારી લાલ સહિત મોટો કલાકારો સાથે ઘણી હિટ ફિલ્મ પણ આપી છે.

આ પણ વાંચો: ‘બિગ બોસ’ ફેમ અભિનેત્રી વનિતા પર મોડી રાત્રે થયો જીવલેણ હુમલો