નકલી ISI માર્કા બદલ એમેઝોન, ફ્લિપકાર્ટ સહિત ઈ-કોમર્સ કંપનીઓ પર BISના દરોડા
નવી દિલ્હી, 27 માર્ચ 2025 : ઈ-કોમર્સ પ્લેટફોર્મ પર વેચાઈ રહેલા સબસ્ટાન્ડર્ડ સામાન પરની કાર્યવાહીના ભાગ રૂપે, બ્યુરો ઓફ ઈન્ડિયન સ્ટાન્ડર્ડ્સ (BIS) એ એમેઝોન અને ફ્લિપકાર્ટના વેરહાઉસમાંથી એવો સામાન જપ્ત કર્યો છે કે જેમાં ફરજિયાત ISI માર્કો નથી અથવા નકલી ISI લેબલ નથી, એમ ગુરુવારે ગ્રાહક બાબતોના મંત્રાલય તરફથી જારી કરાયેલા નિવેદનમાં જણાવવામાં આવ્યું હતું.
નિવેદનમાં કહેવામાં આવ્યું છે કે, “BIS એ 19 માર્ચે દિલ્હીના મોહન કો-ઓપરેટિવ ઇન્ડસ્ટ્રિયલ એરિયામાં સ્થિત એમેઝોન સેલર્સ પ્રાઇવેટ લિમિટેડના વેરહાઉસમાં સર્ચ અને જપ્તીનું ઓપરેશન હાથ ધર્યું હતું. આ ઓપરેશન 15 કલાકથી વધુ ચાલ્યું હતું અને ISI માર્કા વગરના 3,500થી વધુ ઉત્પાદનો અને નકલી ISI લેબલવાળા ફૂડ અને ઇલેક્ટ્રીક ઉત્પાદનો જપ્ત કરવામાં આવ્યા હતા. આ ઉત્પાદનોમાં ગીઝર. ફૂડ મિક્સર અને બીજા વીજ ઉપકરણો સામેલ હતા, જેની અંદાજિત કુલ કિંમત રૂ. 70 લાખ છે.”
ઝડપી, સચોટ અને પ્રમાણિત સમાચાર મેળવવા નીચે જણાવેલા અમારા કોઈપણ વૉટ્સએપ ગ્રુપમાં જોડાઈ શકો છો
https://chat.whatsapp.com/K2iNelyylPD9ZoDNpMuN9o
દિલ્હીના ગોદામો પર દરોડા
દિલ્હીના ત્રિનગરમાં આવેલી ફ્લિપકાર્ટની પેટાકંપની Instacart Services Pvt Ltd પર કરવામાં આવેલા બીજા દરોડામાં, ડિસ્પેચ માટે પેક કરાયેલા સ્પોર્ટ્સ ફૂટવેરનો સ્ટોક મળી આવ્યો હતો જેમાં ISI માર્કા અને મેન્યુફેક્ચરિંગ ડેટ નથી.
Bureau of Indian Standards intensifies crackdown on E-Commerce firms https://t.co/lgzwIpLkw4
— Consumer Affairs (@jagograhakjago) March 27, 2025
મોંઘાં ચંપલ જપ્ત
નિવેદન અનુસાર, આ ઓપરેશન દરમિયાન અંદાજે 6 લાખ રૂપિયાની કિંમતના સ્પોર્ટ્સ ફૂટવેરની 590 જોડી જપ્ત કરવામાં આવી હતી. છેલ્લા એક મહિનામાં BISની ટીમે દેશના જુદા જુદા ભાગોમાં આવી જ કામગીરી હાથ ધરી છે. આ સમયગાળા દરમિયાન, દિલ્હી, ગુરુગ્રામ, ફરીદાબાદ, લખનૌ અને શ્રીપેરમ્બુદુરમાં જુદી જુદી હલકી ગુણવત્તાવાળી વસ્તુઓ જપ્ત કરવામાં આવી છે.
આ દરોડા ઉપભોક્તા સુરક્ષા માટે ગુણવત્તાના ધોરણોનું પાલન કરવા માટે બ્યુરો ઓફ ઈન્ડિયન સ્ટાન્ડર્ડ્સના ચાલુ પ્રયાસોનો એક ભાગ છે. હાલમાં, કેન્દ્રના વિવિધ નિયમનકારો અને લાઇન મંત્રાલયો દ્વારા 769 ઉત્પાદનોને ફરજિયાત પ્રમાણપત્ર માટે સૂચિત કરવામાં આવ્યા છે.
જેલ, દંડ અથવા બંનેની જોગવાઈ
આ ઉત્પાદનોના વેચાણ માટે ઉત્પાદન, આયાત, વિતરણ, વેચાણ, ભાડે લાવવું, લીઝ પર આપવું, સંગ્રહ અથવા પ્રદર્શન BIS ના માન્ય લાઇસન્સ અથવા અનુપાલન પ્રમાણપત્ર વિના પ્રતિબંધિત છે. આ આદેશની જોગવાઈઓનું ઉલ્લંઘન કરનાર કોઈપણ વ્યક્તિને BIS એક્ટ, 2016 હેઠળ કેદ, દંડ અથવા બંને સજા થઈ શકે છે.
આ પણ વાંચો : પરીક્ષાનું પરિણામ જાહેર થાય એ પહેલા ગભરામણ થઈ રહી હોય તો આ રીતે કરો કન્ટ્રોલ
