ચામડી દઝાડતા તડકામાં સનસ્ક્રીન અત્યંત ફાયદાકારક, બસ આટલું રાખો ધ્યાન

ઉનાળાનાં ચામડી દઝાડતા તડકામાં સનસ્ક્રીનનો ઉપયોગ કરવાના મહત્વ પર ભાર મૂકવો ખૂબ જ જરૂરી છે. યોગ્ય સનસ્ક્રીન સૂર્યના હાનિકારક કિરણોના સ્પેક્ટ્રમથી ત્વચાને રક્ષણ પૂરું પાડે છે, જેને યુવીએ અને યુવીબી તરીકે ઓળખવામાં આવે છે. સૂર્યના હાનિકારક કિરણોના સ્પેક્ટ્રમ, યુવીએ અને યુવીબી માત્ર ત્વચાના કેન્સરનો ખતરો જ નહીં પરંતુ ત્વચાની વૃદ્ધત્વની પ્રક્રિયાને પણ ઝડપી બનાવે છે. આથી આ જોખમો સામે પર્યાપ્ત પગલાં લેવાનું મુખ્ય મહત્વ છે.

કોઈપણ સનસ્ક્રીન સૂર્યના હાનિકારક કિરણોથી સંપૂર્ણ રક્ષણ પૂરું પાડતું નથી. પરંતુ યોગ્ય ઉત્પાદનનો યોગ્ય રીતે ઉપયોગ કરવાથી તમે તમારી જાતને તેમની કઠોરતાથી બચાવી શકશો. તમે હવે જ્યારે પણ સનસ્ક્રીન લગાવો તે પહેલાં તમારે શું કરવું અને શું નહીં કરવાનું તેનું ધ્યાન જરૂરી છે.

આ ધ્યાન રાખો : તેવું સનસ્ક્રીન પસંદ કરો કે જે ઓછામાં ઓછું, spf 30 હોય તે ન્યૂનતમ રક્ષણ છે જે તમારી ત્વચાને જરૂરી છે. અને જો તમારે લાંબા સમય સુધી બહાર રહેવાનું જ હોય, તો ઉચ્ચ SPF રેટિંગ ધરાવતી પ્રોડક્ટ પસંદ કરો.

શું કરો : બહાર જતાં પહેલાં 15-30 મિનિટ પહેલાં સનસ્ક્રીન લાગાવાથી સનસ્ક્રીન સૌથી વધુ અસરકારક બને તે માટે, સૂર્યના સંપર્કમાં આવતાં પહેલાં તેને ત્વચા દ્વારા સંપૂર્ણ રીતે શોષી લેવું જરૂરી છે. માટે જ તમે ઘરની બહાર નીકળતા પહેલા આશરે 30 મિનિટ પહેલાં સનસ્ક્રીન લગાવો તે આવશ્યક છે.

આ કરો : જો તમે સનસ્ક્રીન પ્રથમ વખત અજમાવી રહ્યાં છો અથવા નવી બ્રાન્ડ પર સ્વિચ કરી રહ્યાં છો, તો એલર્જીક પ્રતિક્રિયાઓ માટે પ્રથમ સનસ્ક્રીને તપાસો. સનસ્ક્રીનને સંપૂર્ણ ભાગોમાં લગાવતા પહેલા સનસ્ક્રીની થોડી માત્રાનું પરીક્ષણ પ્રથમ તમારા કાંડા પર કરો. થોડી માત્રામાં સનસ્ક્રીન લાગુ કરો અને જો તે એલર્જીક પ્રતિક્રિયાનું કારણ બને છે, તો તરત જ ઉપયોગ બંધ કરો અને તમારે કઈ સનસ્ક્રીનનો ઉપયોગ કરવો જોઈએ તે અંગે ત્વચારોગ વિજ્ઞાનીનો સંપર્ક કરો.