કેન્દ્ર સરકારનું વધુ એક ઐતિહાસિક પગલું, દર વર્ષે 17 સપ્ટેમ્બરે ‘હૈદરાબાદ લિબરેશન ડે’ તરીકે ઉજવાશે
નવી દિલ્હી, 13 માર્ચ: કેન્દ્ર સરકારે દર વર્ષે 17 સપ્ટેમ્બરને ‘હૈદરાબાદ લિબરેશન ડે’ તરીકે ઉજવવામાં આવશે તેની જાહેરાત કરી છે. કેન્દ્રીય ગૃહ મંત્રાલયે એક નોટિફિકેશન બહાર પાડીને કહ્યું કે 15 ઓગસ્ટ, 1947ના રોજ ભારતની આઝાદી બાદ હૈદરાબાદને 13 મહિના સુધી આઝાદી મળી ન હતી અને તે નિઝામના શાસન હેઠળ હતું. ‘ઑપરેશન પોલો’ નામની પોલીસ કાર્યવાહી બાદ 17 સપ્ટેમ્બર, 1948ના રોજશહેરને નિઝામના શાસનમાંથી મુક્ત કરવામાં આવ્યું હતું. 17 સપ્ટેમ્બરને હૈદરાબાદ લિબરેશન ડે તરીકે મનાવવામાં આવે તેવી વિસ્તારના લોકોમાંથી માંગ ઉઠી છે.
It is a historic day as PM @narendramodi Ji has decided to celebrate the 17th of September every year as Hyderabad Liberation Day in honour of the martyrs of the Hyderabad Liberation Movement.
The decision is a befitting tribute to the freedom fighters and the martyrs who made…
— Amit Shah (Modi Ka Parivar) (@AmitShah) March 13, 2024
17 સપ્ટેમ્બરને ‘હૈદરાબાદ મુક્તિ દિવસ’ તરીકે ઉજવાશે
સૂચનામાં કહેવામાં આવ્યું છે કે, “હવે, હૈદરાબાદને આઝાદ કરનાર શહીદોને યાદ કરવા અને યુવાનોના મનમાં દેશભક્તિની જ્યોત પ્રજ્વલિત કરવા માટે, ભારત સરકારે દર વર્ષે 17 સપ્ટેમ્બરને ‘હૈદરાબાદ મુક્તિ દિવસ’ તરીકે ઉજવવાનું નક્કી કર્યું છે. બીજી ખાસ વાત એ છે કે, આપણા દેશના વડાપ્રધાન નરેન્દ્ર મોદીનો જન્મ દિવસ પણ 17 સપ્ટેમ્બરના રોજ આવે છે.
ઉલ્લેખનીય છે કે જ્યારે 15 ઓગસ્ટ 1947ના રોજ ભારતને આઝાદી મળી ત્યારે રઝાકારોએ ભારતીય સંઘમાં તેના વિલીનીકરણનો વિરોધ કરતા હૈદરાબાદને પાકિસ્તાનમાં જોડાવા અથવા મુસ્લિમ આધિપત્ય બનવાની હાકલ કરી હતી. આ પ્રદેશને ભારત સંઘમાં ભેળવી દેવા માટે સ્થાનિક લોકોએ રઝાકારોના અત્યાચારો સામે બહાદુરીપૂર્વક લડત આપી હતી. રઝાકર એક ખાનગી લશ્કર હતું, જેણે અહીંના લોકો પર અત્યાચાર કર્યો હતો અને હૈદરાબાદમાં તત્કાલીન નિઝામ શાસનનો બચાવ કર્યો હતો.
17 સપ્ટેમ્બર, 1948 ના રોજ તત્કાલીન હૈદરાબાદ રાજ્ય, જે નિઝામના શાસન હેઠળ હતું, તત્કાલિન ગૃહ પ્રધાન સરદાર વલ્લભભાઈ પટેલ દ્વારા શરૂ કરવામાં આવેલી લશ્કરી કાર્યવાહીને પગલે ભારત સંઘ સાથે જોડાણ કરવામાં આવ્યું હતું. છેલ્લા કેટલાક વર્ષોમાં, નરેન્દ્ર મોદી સરકારે દર વર્ષે 17 સપ્ટેમ્બરના રોજ ‘હૈદરાબાદ મુક્તિ દિવસ’ મનાવવા માટે એક કાર્યક્રમનું આયોજન કર્યું હતું. તાજેતરમાં જ આ કાર્યક્રમમાં કેન્દ્રીય ગૃહમંત્રી અમિત શાહે પણ ભાગ લીધો હતો.
આ પણ વાંચો: દેશભરમાં CAA લાગુ, મોદી સરકારે જાહેર કર્યું નોટિફિકેશન, ત્રણ દેશોના બિન-મુસ્લિમ શરણાર્થીઓને મળશે નાગરિકતા
