ધોરણ 8 પછી દર 17 મો વિદ્યાર્થી ભણવાનું છોડે છે, ડ્રોપ આઉટ રેશિયોમાં ગુજરાત આ ક્રમે!
લોકસભામાં પૂછાયેલા એક પ્રશ્નના જવાબમાં કેન્દ્રીય શિક્ષણમંત્રીએ માહિતી આપતા કહ્યું હતું કે દેશમાં માધ્યમિક શાળામાં ડ્રોપઆઉટ રેશિયો 12.6નો છે જ્યારે ગુજરાત સહિત 12 એવાં રાજ્યો છે જ્યાં ડ્રોપઆઉટ રેશિયો દેશની સરેરાશ કરતાં પણ વધારે છે. સૌથી વધુ ઓડિશામાં ત્યારબાદ મેઘાલય, બિહાર અને આસામ તેમજ પશ્ચિમ બંગાળમાં વિદ્યાર્થી ધોરણ-8 પછી શાળાએ જતો જ નથી. દેશમાં ચંડીગઢ અને લક્ષદ્વીપ આ બે રાજ્યો જ એવાં છે જ્યાં ડ્રોપઆઉટ રેશિયો શૂન્ય છે. જ્યારે મણિપુરમાં 1.3, હિમાચલ પ્રદેશમાં 1.5 અને દિલ્હીમાં આ રેશિયો 4.8 છે. ગુજરાત દેશમાં છઠ્ઠા ક્રમે છે.
આ પણ વાંચો : ગુજરાતમાં ખેડૂતોની આવક બમણી પણ માથાદીઠ દેવું 56,568/- રૂપિયા !
દેશનાં 36 રાજ્યો અને કેન્દ્રશાસિત પ્રદેશો પૈકી 15 રાજ્યો એવાં છે જ્યાં વર્ષ 2021-22માં પ્રાથમિક શાળામાં ડ્રોપઆઉટ રેશિયો શૂન્ય છે. જેમાં ગુજરાતે પણ આ સિદ્ધિ હાંસલ કરી છે. પ્રાથમિક અભ્યાસક્રમમાં 0 ડ્રોપઆઉટ ધરાવતા રાજ્યોમાં ગુજરાત, દીવ-દમણ, કર્ણાટક, દિલ્હી, આંધ્રપ્રદેશ, બિહાર, ચંડીગઢ, ગોવા, હરિયાણા, હિમાચલ પ્રદેશ, કેરલ, મહારાષ્ટ્ર, ઓડિશા, તમિલનાડુ અને તેલંગાણાનો સમાવેશ થાય છે.
આ પણ વાંચો : સ્ટેટ મોનીટરીંગ સેલની પ્રશંસનીય કામગીરી પણ સ્થાનિક પોલીસ હમેશા સવાલોના ઘેરામાં
રાજ્ય ડ્રોપ આઉટ રેશિયો
ઓડિશા 27.3
મેઘાલય 21.7
બિહાર 20.5
આસામ 20.3
પ.બંગાળ 18
ગુજરાત 17.9
નાગાલેન્ડ 17.5
પંજાબ 17.2
આંધ્રપ્રદેશ 16.3
કર્ણાટક 14.7
તેલંગાણા 13.7
