મહારાજા પણ મન મૂકી ઝૂમ્યાઃ રોડ શો દરમિયાન જોવા મળ્યું જ્યોતિરાદિત્યનું નવું રૂપ
મધ્યપ્રદેશ, 4 મે: લોકસભા ચૂંટણીના ત્રીજા તબક્કા પહેલા ભાજપ અને કોંગ્રેસ પાર્ટીઓ મધ્યપ્રદેશમાં પ્રચારમાં વ્યસ્ત છે. જનતાને આકર્ષવા માટે નેતાઓ અનેક પ્રયાસો કરી રહ્યા છે. દરમિયાન જ્યોતિરાદિત્ય સિંધિયાએ શુક્રવારે (3 મે) રાત્રે અશોક નગરમાં રોડ શો દરમિયાન પોતાના ચાહકો વચ્ચે ડાન્સ કર્યો હતો. તેમની સ્ટાઈલ જોઈને લોકો પણ તેમની સાથે ડાન્સ કરવા લાગ્યા હતા. તેઓ પ્રચાર ગીત પર પોતાના વાહન પર ઉભા રહીને ડાન્સ કરવા લાગ્યા હતા. રોડ શોમાં મોટી સંખ્યામાં કાર્યકરો અને તેમના સમર્થકો જોડાયા હતા. જ્યોતિરાદિત્ય સિંધિયા પોતાને અહીં રોકી શક્યા નહીં અને ગીત પર ડાન્સ કરવા લાગ્યા હતા.
કેમ્પેઈન સોંગ પર કર્યો ડાન્સ, જૂઓ અહીં વીડિયો:
VIDEO | Lok Sabha Elections 2024: Union minister and BJP’s Guna Lok Sabha seat candidate Jyotiraditya Scindia (@JM_Scindia) held a roadshow in Ashoknagar, Madhya Pradesh, yesterday.#LSPolls2024WithPTI #LokSabhaElections2024
(Full video available on PTI Videos -… pic.twitter.com/QBeCMwArFC
— Press Trust of India (@PTI_News) May 4, 2024
કાળઝાળ ગરમી વચ્ચે લોકસભા ચૂંટણી પ્રચારનું તાપમાન પણ ચરમસીમાએ છે. મંગળવારે ત્રીજા તબક્કાના મતદાન પહેલા ઉમેદવારો પૂરા જોશ સાથે પ્રચારમાં વ્યસ્ત છે. દરમિયાન, 3 મેની રાત્રે ગુના શિવપુરીના ઉમેદવાર જ્યોતિરાદિત્ય સિંધિયાએ અશોક નગરમાં રોડ શો દરમિયાન પ્રચાર ગીત પર ડાન્સ કર્યો હતો. આ દરમિયાન ત્યાં હાજર લોકોને ‘શ્રીમંત’ની નવી સ્ટાઈલ જોવા મળી હતી. તેઓ રેલીમાં કાર પર ચઢી ગયા અને લોકો વચ્ચે ડાન્સ કરવા લાગ્યા હતા. ત્યાં હાજર દરેક વ્યક્તિ તેમનો ડાન્સ જોઈને આશ્ચર્યચકિત થઈ ગયા હતા.
અગાઉ પણ થયો હતો વીડિયો વાયરલ
આ પહેલા પણ તેઓ અનેક પ્રસંગોએ આવી ઈવેન્ટ્સમાં ડાન્સ કરી ચૂકી છે. આવા કાર્યક્રમોમાં ડાન્સ કરવાનો વીડિયો પહેલા પણ વાયરલ થઈ ચૂક્યો છે. ગુના શિવપુરી સીટ સિંધિયા પરિવારનો ગઢ રહી છે. અહીં જૂના મતદારો જ્યોતિરાદિત્યને ‘શ્રીમંત’ કહે છે. 2019માં સિંધિયા કોંગ્રેસ છોડીને ભાજપમાં જોડાયા હતા.
આ પણ વાંચો: મમતા બેનરજીએ ચૂંટણી રેલીમાં મહુઆ મોઇત્રા સાથે કર્યો ડાન્સ, જુઓ વીડિયો
