આ આખલાએ તો સાવજોને પણ હંફાવ્યા, દીવાલ ટપીને ભાગવું પડ્યું
અમરેલીમાં સિંહોમાં સિંહોની લટારના અનેક વીડિયો સામે આવ્યા છે. સિંહો શિકારની શોધમાં આટા-ફેરા મારતા જોવા મળે છે. પરંતુ હાલ અમરેલીમાં સિહો સાથે આખલાની ટક્કરનો એક જોરદાર વીડિયો સામે આવ્યો છે. જેમાં આખલાએ સિંહોને હંફાવ્યા હોવાનું જોવા મળી રહ્યું છે. અને આખલાની હિમંત જોઈને સિંહો પણ ભાંગ્યા હતા. આવા દ્રશ્યો ભાગ્યે જ જોવા મળતા હોય છે.
સિંહોના ટોળા પર એક આખલો ભારે પડ્યો ! આખલાની હિંમત જોઈ સિંહો પણ ભાગ્યા#amreli #ViralVideos #viral2023 #viralvideo #Lions #Gujarat #GujaratiNews #humdekhengenews pic.twitter.com/E0AxkP9YJD
— Hum Dekhenge News (@humdekhengenews) February 22, 2023
આખલાએ હિંમત જોઈ સિંહો પણ ભાગ્યા
જાણકારી મુજબ અમરેલીના રાજુલાના કોવાયા ગામમાં મધરાતે પાંચ સિંહો શિકારની શોધમાં ઘૂસ્યા હતા. તેઓએ એક આખલાને ટાર્ગેટ પણ કર્યો, પરંતુ આખલાએ હિંમત અને તાકાત જોઈને સાવજો દીવાલ ટપીને ભાગવું પડ્યું હતું. આ સમગ્ર ઘટનાનો વીડિયો પણ સામે આવ્યો છે. જે હાલ સોશિયલ મીડિયામાં ખૂબ વાયરલ થઈ રહ્યો છે.
આ રીતે આખલાએ સાવજનો સામનો કર્યો
આ વીડિયો રાજુલાના કોવાયા ગામનો છે. જેમાં સ્પષ્ટ જોઇ શકાય છે કે શિકારની શોધમાં આવેલ સિંહ અને સિંહબાળોએ એક આખલાનો ઘેરાવ કર્યો હતો. પરંતુ આખલાએ એવી હિમત બતાવી કે સિંહો પણ હાંફી ગયા હતા. અને આખલાનો શિકાર કરવાને બદલે તેનાથી બચવા માટે ભાગ્યા હતા. અને આ પાંચ સિંહ પૈકી એક તો દીવાલ ટપીને ભાગી ગયો હતો.
આ પણ વાંચો : સુરત એરપોર્ટ પરથી મોબાઈલના ફ્લિપ કવરમાં સંતાડેલ 68 લાખનું સોનું મળ્યું, જાણો સમગ્ર મામલો
