Elvish Yadavની ધરપકડ, રેવ પાર્ટી કેસમાં નોઈડા પોલીસની કાર્યવાહી

નોઇડા, 17 માર્ચ : યુટ્યુબર Elvish Yadavની નોઈડા પોલીસે ધરપકડ કરી છે. પોલીસે રવિવારે તેને પૂછપરછ માટે બોલાવ્યો હતો. પોલીસે આ કાર્યવાહી સાપના ઝેરની દાણચોરીના કેસમાં કરી છે. ગયા વર્ષે નોઈડા પોલીસે સેક્ટર-39માં FIR નોંધી હતી. આજે Elvish Yadavને પૂછપરછ માટે બોલાવવામાં આવ્યો હતો, ત્યારબાદ તેની ધરપકડ કરવામાં આવી હતી. Elvish Yadavને ટૂંક સમયમાં કોર્ટમાં રજૂ કરવામાં આવશે

ડીસીપી નોઈડા વિદ્યા સાગર મિશ્રાએ કહ્યું કે નોઈડા પોલીસે યુટ્યુબર અને બિગ બોસ OTT 2 વિજેતા Elvish Yadavની ધરપકડ કરી છે. આજે તેને કોર્ટમાં રજૂ કરવામાં આવશે. દિલ્હી-એનસીઆરમાં પાર્ટીઓમાં મનોરંજન માટે સાપનું ઝેર આપવા બદલ Elvish Yadavની સાથે અન્ય પાંચ સામે કેસ નોંધવામાં આવ્યો હતો. આ અંગે પશુ કલ્યાણ કાર્યકર્તાએ ફરિયાદ નોંધાવી હતી. પોલીસે આ કેસમાં અગાઉ Elvish Yadavની પૂછપરછ કરી હતી અને કેસની તપાસ ચાલી રહી હતી.

પોલીસે આ કેસમાં ઘણા આરોપીઓની ધરપકડ પણ કરી હતી, જેમાં આરોપીઓએ માહિતી આપી હતી કે Elvish Yadavની પાર્ટીઓમાં બદરપુરથી સાપ લાવવામાં આવ્યા હતા. આરોપી રાહુલે પોલીસને જણાવ્યું છે કે તે રેવ પાર્ટીઓમાં સાપ અને ઝેરની વ્યવસ્થા કરતો હતો, માંગણી મુજબ તે મદારીઓ પાસેથી સાપ અને અન્ય વસ્તુઓની વ્યવસ્થા કરતો હતો. તે તેને દિલ્હીના બદરપુર નજીકના એક ગામમાંથી લાવતો હતો.

એલ્વિશ વિવાદો સાથે જૂનો નાતો
OTT બિગ બોસ વિજેતા એલ્વિશ યાદવ વિવાદો સાથે સંકળાયેલા છે. તાજેતરમાં એલ્વિશ યાદવ પર અન્ય યુટ્યુબર પર હુમલો કરવાનો આરોપ લાગ્યો હતો. એલ્વિશ યાદવનો યુટ્યુબર મેક્સટર્ન પર હુમલો કરતો વીડિયો પણ વાયરલ થયો હતો. આ બાબતે મેક્સટર્નના નામથી જાણીતા યુટ્યુબર સાગર ઠાકુરે એલ્વિશ પર મારપીટ કરવાનો આરોપ લગાવ્યો હતો. જોકે, બાદમાં બંને યુટ્યુબર્સ વચ્ચે મામલો ઉકેલાઈ ગયો હતો. આ અંગે બંનેએ ખુલાસો પણ કર્યો હતો અને કહ્યું હતું કે તેઓ વિવાદમાં સમાધાન પર પહોંચી ગયા છે. હવે એલ્વિશ યાદવની નોઈડા પોલીસે ધરપકડ કરી છે.

CM કેજરીવાલને દિલ્હી જળ બોર્ડ અને દારુ કૌભાંડ મામલે EDનું તેડું

સિદ્ધુ મૂસેવાલાની માતાએ 58 વર્ષની વયે પુત્રને આપ્યો જન્મ, પિતાએ શેર કરી તસ્વીર