ઇલોન મસ્ક X ને પેમેન્ટ સર્વિસ સહિત વિવિધ ફીચર ઉમેરીને વાયબ્રન્ટ બનાવશે, વાંચો વધુ વિગત
- સોશિયલ મીડિયા પ્લેટફોર્મ X જલ્દી જ તેમાં પેમેન્ટ સર્વિસ પણ લોન્ચ કરી શકે છે
HD ન્યૂઝ ડેસ્ક, 10 ઓગસ્ટ: જ્યારથી ઇલોન મસ્કે સોશિયલ મીડિયા પ્લેટફોર્મ X એટલે કે ટ્વિટરની કમાન સંભાળી છે, ત્યારથી તેમણે તેને ચર્ચામાં રાખ્યું છે. ઇલોન મસ્ક સતત તેમાં એવા ફેરફારો લાવવાનો પ્રયાસ કરી રહ્યા છે કે જેથી તે એક પરફેક્ટ એપ બની શકે. ઇલોન મસ્ક X માં આવા ફીચર્સ લાવવાનો પ્રયાસ કરી રહ્યા છે જેથી કરીને યુઝર્સના તમામ કામ આ પ્લેટફોર્મ પરથી કરી શકાય. દરમિયાન, એક્સના આગામી ફીચરને લઈને મોટી માહિતી પ્રકાશમાં આવી છે.
જે ટ્વિટર અગાઉ ફક્ત માહિતી શેર કરવા માટે ઉપયોગમાં લેવાતું હતું, તેની કમાન ઇલોન મસ્કએ સંભાળ્યા પછી તેમાં વીડિયો, ઑડિયો કૉલિંગ, સબ્સ્ક્રિપ્શન જેવી જોરદાર સુવિધાઓ ઉમેરી છે. હવે ઇલોન મસ્ક X માં ચૂકવણીની સુવિધા ઉમેરવા પર ઝડપથી કામ કરી રહ્યા છે.
સંશોધકે વિગતો કરી શેર
હાલમાં જ પ્રકાશમાં આવેલા એક નવા રિપોર્ટ અનુસાર યુઝર્સને જલ્દી જ Elon Muskના X પર પેમેન્ટની સુવિધા મળી શકે છે. આ પછી, વિશ્વભરના કરોડો વપરાશકર્તાઓને ઓનલાઈન પેમેન્ટ માટે એક નવું પ્લેટફોર્મ મળશે. એક સંશોધક નીમા ઓવજી (@nima_owji) એ X પર આવી રહેલી આ ચુકવણી અંગેની વિગતો સોશિયલ મીડિયા પ્લેટફોર્મ પર શેર કરી છે.
BREAKING: X Payments is coming soon! pic.twitter.com/8JBIHjHOls
— Nima Owji (@nima_owji) August 5, 2024
ટૂંક સમયમાં શરુ કરવામાં આવશે નવી સેવા
સંશોધક દ્વારા સ્ક્રીનશોટ પણ શેર કરવામાં આવ્યો છે. આ મુજબ X વપરાશકર્તાઓને એપની ડાબી બાજુએ નેવિગેશન પેનલમાં હાજર બુકમાર્ક વિકલ્પની નીચે ચુકવણી કરવાનો વિકલ્પ મળશે. આ ફીચરની મદદથી X યુઝર્સ કોઈપણને પૈસા ટ્રાન્સફર કરી શકશે, તેમનું બેલેન્સ પણ ચેક કરી શકશે અને એકાઉન્ટનો ટ્રાન્ઝેક્શન હિસ્ટ્રી પણ ચેક કરી શકશે. હાલમાં X પર આવનારી ચુકવણી સેવા વૉલેટ આધારિત હશે કે બેંક આધારિત હશે તેની પુષ્ટિ નથી.
આ પણ વાંચો: ભારતમાં લોન્ચ થયું Acer Smart TV, કિંમત હશે તમારા ખિસ્સા મુજબ
