એલોન મસ્ક ઝેર ફેલાવે છે, આ બ્રિટિશ મીડિયાએ બંધ કર્યો X પ્લેટફોર્મનો ઉપયોગ

વોશિંગ્ટન, 14 નવેમ્બર : ડોનાલ્ડ ટ્રમ્પની નવી રચાયેલી ટીમમાં એલોન મસ્કને સ્થાન મળ્યું છે. જો કે, હવે મસ્કના સોશિયલ મીડિયા પ્લેટફોર્મ X પર પક્ષપાતનો આરોપ લગાવવામાં આવી રહ્યો છે. એક તરફ બ્રિટિશ દૈનિક ધ ગાર્ડિયને X નો ઉપયોગ બંધ કરવાનો નિર્ણય લીધો છે અને તેને ઝેરી ગણાવ્યું છે.

બીજી તરફ લક્ઝરી કંપની લૂઈસ વિટનના વડા બર્નાર્ડ આર્નોલ્ટ એલોન મસ્કની સોશિયલ મીડિયા કંપની સામે કાયદાકીય પગલાં લેવા જઈ રહ્યા છે. ફ્રેન્ચ અખબારોના જૂથે એવો પણ આક્ષેપ કર્યો છે કે X તેમની સામગ્રીનો ઉપયોગ કરવા માટે તેમને ચૂકવણી કરતું નથી.

ઇન્સ્ટાગ્રામ પર ધ ગાર્ડિયનના 20 મિલિયનથી વધુ ફોલોઅર્સ છે. તેનું X હેન્ડલ હવે આર્કાઇવ કરવામાં આવ્યું છે. જો કે, તેના પત્રકારો સમાચાર એકત્ર કરવા માટે તેનો ઉપયોગ કરવાનું ચાલુ રાખશે. 200 વર્ષ જૂની પીઢ મીડિયા સંસ્થા ધ ગાર્ડિયન ઘણા સમયથી એક્સમાંથી બહાર નીકળવાનું વિચારી રહી હતી.

અમેરિકન ચૂંટણીમાં આ સોશિયલ મીડિયા પ્લેટફોર્મનો જે રીતે ઉપયોગ કરવામાં આવ્યો હતો તે જોઈને મીડિયા કંપનીએ તેના નિર્ણયને મંજૂરી આપી હતી. બ્રિટિશ અખબાર ધ ગાર્ડિયનની સ્થાપના 1821 માં કરવામાં આવી હતી અને ત્યારબાદ તેનું નામ માન્ચેસ્ટર ગાર્ડિયન રાખવામાં આવ્યું હતું. એક નોંધમાં ગાર્ડિયને X પ્લેટફોર્મના બોસ એલોન મસ્કને ઝેર ફેલાવવા માટે તેનો ઉપયોગ કરવા માટે દોષી ઠેરવ્યો હતો.

આ પણ વાંચો :- અમદાવાદની ખ્યાતિ હોસ્પિટલ કાંડમાં પોલીસ ફરિયાદ થઈ દાખલ, ઓપરેશન કરનારા ડોક્ટર પ્રશાંત વજીરાણીની ધરપકડ