એલોન મસ્ક છોડી શકે છે ટ્વિટરનું CEO પદ : લોકોનો લીધો અભિપ્રાય
ટ્વિટરના માલિક બન્યા બાદ એલોન મસ્ક સતત ચર્ચામાં રહે છે. ટ્વિટરમાં ઘણી વખત એલોન મસ્ક મોટા નીતિગત ફેરફારોને કારણે સતત ટીકાઓ હેઠળ આવતા રહે છે. આવી સ્થિતિમાં તેમણે ટ્વિટરના CEO પદ પરથી હટી જવાનો નિર્ણય લીધો છે. જો કે તેણે આ નિર્ણય અંગે ટ્વિટર યુઝર્સનો અભિપ્રાય માંગ્યો છે. મસ્કે ટ્વિટ કરીને લોકોને પૂછ્યું છે કે શું તેમણે ટ્વિટરના CEO પદેથી રાજીનામું આપવું જોઈએ. તેણે આ સવાલ ટ્વિટર પર પોલ દ્વારા પૂછ્યો હતો. મસ્કે કહ્યું છે કે તે ટ્વિટર પોલના પરિણામો પર ફોલોઅપ પણ કરશે.
આ પણ વાંચો : સાવધાન ! નવું 5G સિમ ખરીદી રહ્યા છો, તો આ વાતનું રાખો ખાસ ધ્યાન
સાત લાખથી વધુ લોકોએ આપ્યો ટ્વિટનો જવાબ
એલોન મસ્કે ટ્વિટ કર્યાના લગભગ નવ પછી અત્યાર સુધીમાં 7,741,097 લોકોએ તેમના પોલમાં વોટ આપ્યો છે. આમાં લગભગ 57 ટકા લોકો ઈચ્છે છે કે તેમણે ટ્વિટરના સીઈઓ પદ પરથી રાજીનામું આપી દેવું જોઈએ, જ્યારે 43 ટકા લોકો આ તરફેણમાં નથી.
As the saying goes, be careful what you wish, as you might get it
— Elon Musk (@elonmusk) December 18, 2022
મસ્કે લોકોને આપી ચેતવણી
મસ્કે આ મતદાન કર્યાના થોડા કલાકો બાદ લોકોને ચેતવણી પણ આપી હતી. વાસ્તવમાં, મતદાન મસ્કને સીઈઓના પદ પરથી હટાવવા તરફ આગળ વધી રહ્યું છે. આવી સ્થિતિમાં, મસ્કએ એક ટ્વિટમાં કહ્યું છે કે “એવું કહેવામાં આવે છે કે, તમે જે ઈચ્છો છો તે સાવચેત રહો, તમને તે મળી શકે છે.”
Those who want power are the ones who least deserve it
— Elon Musk (@elonmusk) December 19, 2022
સતત ટીકાનો ભોગ બની રહ્યો છે મસ્ક
એલોન મસ્કે ઓક્ટોબરમાં ટ્વિટનું સીઈઓ પદ સંભાળ્યું હતું. ત્યારથી તે પોતાના નિર્ણયો માટે સતત ટીકાઓનો સામનો કરી રહ્યો છે. શુક્રવારે, યુએન સેક્રેટરી-જનરલ એન્ટોનિયો ગુટેરેસે ટ્વિટર પરથી કેટલાક પત્રકારોના એકાઉન્ટ સસ્પેન્ડ કરવા બદલ મસ્કની ટીકા કરી હતી. તેમણે આને અભિવ્યક્તિની સ્વતંત્રતાના દૃષ્ટિકોણથી ખતરનાક ઉદાહરણ ગણાવ્યું હતું. જો કે, આકરી ટીકાના કલાકોમાં, મસ્કે નિર્ણય પાછો ખેંચી લીધો હતો અને પત્રકારોના ખાતા પુનઃસ્થાપિત કર્યા હતા. મસ્કે થોડા મહિના પહેલા જ ટ્વિટર હસ્તગત કર્યું છે. ત્યારથી તે અને ટ્વિટર સતત સમાચારની હેડલાઈનમાં છે.
