શેરબજારમાં ઘટાડાની અસરઃ ત્રણ સપ્તાહથી નથી આવી IPO: 2024માં માંડ રૂ. 1.6 લાખ કરોડ ઊભા કર્યા

મુંબઇ, 10 માર્ચ, 2025: શેરબજારમાં સતત ઘટાડાની અસર IPO પર પણ દેખાઈ રહી છે. ગયા વર્ષે ઘણી બધી કંપનીઓ લિસ્ટેડ થઈ હતી, પરંતુ છેલ્લા ત્રણ અઠવાડિયાથી એક પણ કંપની બજારમાં પ્રવેશી નથી. છેલ્લે જોઇએ તો જાન્યુઆરીમાં માત્ર પાંચ કંપનીઓ અને ફેબ્રુઆરીમાં ચાર કંપનીઓ મૂડી બજારમાં પ્રવેશી હતી, જ્યારે ડિસેમ્બરમાં 16 IPO આવ્યા હતા. છેલ્લો IPO 14 ફેબ્રુઆરીના રોજ ક્વોલિટી પાવર ઇલેક્ટ્રિકલ્સનો હતો. બજારમાં મંદીની અસર એ થઈ કે ત્રણ કંપનીઓ, એડવાન્સ્ડ સિસ્ટમ, SFC એન્વાયર્નમેન્ટલ અને વિની કોર્પોરેશને જાન્યુઆરી અને ફેબ્રુઆરીમાં રજૂ કરાયેલા ડ્રાફ્ટને મુલતવી રાખ્યો હતો. 2024માં, કંપનીઓએ 91 પબ્લિક ઇશ્યૂ દ્વારા 1.6 લાખ કરોડ રૂપિયા એકત્ર કર્યા હતા.

રોકાણકારો સાવધ

વિશ્લેષકો કહે છે કે બજારમાં ઘટાડાની જાન્યુઆરી અને ફેબ્રુઆરીમાં ઘણી લિસ્ટેડ કંપનીઓના શેરના ભાવ પર નકારાત્મક અસર પડી હતી. આ કારણે રોકાણકારો IPOમાં પૈસા રોકવાનું ટાળી રહ્યા છે.જોકે, કંપનીઓ મોટા પાયે ડ્રાફ્ટ સબમિટ કરી રહી છે.

45 કંપનીઓને મંજૂરી મળી

હાલમાં, 45 કંપનીઓને આ ઇશ્યૂ શરૂ કરવા માટે સેબીની મંજૂરી મળી ગઈ છે, જે રૂ. 67,000 કરોડ એકત્ર કરશે. 69 કંપનીઓ IPO માટે મંજૂરીની રાહ જોઈ રહી છે. બે મહિનામાં લગભગ 30 કંપનીઓએ ડ્રાફ્ટ સબમિટ કર્યો છે.

ટાટા કેપિટલ અને એથર એનર્જી પણ હવે રેસમાં છે

ટાટા કેપિટલ 17,000 કરોડ રૂપિયા એકત્ર કરવા માટે ડ્રાફ્ટ સબમિટ કરવા જઈ રહી છે. જોકે, કંપની ટાટા મોટર્સ ફાઇનાન્સ સાથે મર્જર માટે NCLT તરફથી અંતિમ મંજૂરી મળ્યા પછી ડ્રાફ્ટ સબમિટ કરશે. ઇલેક્ટ્રિક ટુ-વ્હીલર ઉત્પાદક કંપની એથર એનર્જીએ તેના બાકી રહેલા ફરજિયાત કન્વર્ટિબલ પ્રેફરન્સ શેરને ઇક્વિટીમાં રૂપાંતરિત કર્યા છે, જેનાથી તેના IPO માટે માર્ગ મોકળો થયો છે. કંપની એપ્રિલમાં બજારમાં પ્રવેશી શકે છે.

આ પણ વાંચોઃ  ધમાકેદાર જીત બાદ વિરાટ કોહલીએ મોહમ્મદ શમીની માતાના ચરણસ્પર્શ કરી આશીર્વાદ લીધા, દિલ જીતી લેશે આ વીડિયો