ભૂપેશ બધેલના ઘરે દરોડા પાડી નીકળેલી ED ટીમ ઉપર થયો હુમલો, FIR કરવા તજવીજ
રાયપુર, 10 માર્ચ : છત્તીસગઢમાં પૂર્વ સીએમ ભૂપેશ બઘેલના ઘરે દરોડા પાડવા ગયેલી EDની ટીમ પર હુમલો થયો હતો. દરોડા પછી ઘરની બહાર નીકળતી વખતે બહાર હાજર લોકોએ તેમના પર હુમલો કર્યો હતો. ED આ અંગે કેસ નોંધશે. કોંગ્રેસના કાર્યકરો પર હુમલાનો આરોપ છે. છત્તીસગઢ દારૂ કૌભાંડ કેસમાં EDએ ભૂપેશ બઘેલના પુત્ર ચૈતન્ય બઘેલને સમન્સ જારી કર્યું છે. તેને આવતીકાલે પૂછપરછ માટે બોલાવવામાં આવ્યો છે.
EDએ પ્રોપર્ટીની તપાસ કરી, દસ્તાવેજો પણ મળ્યા. એજન્સીએ કોઈ દસ્તાવેજો લીધા નથી. ભૂપેશ બઘેલે કહ્યું કે EDને એવું કંઈ મળ્યું નથી જેના કારણે તેમને ચિંતા કરવાની જરૂર છે. પૂર્વ મુખ્યમંત્રીએ આરોપ લગાવ્યો હતો કે દરોડો માત્ર તેમને બદનામ કરવા માટે પાડવામાં આવ્યો હતો.
EDના અધિકારીઓ સોમવારે ભિલાઈમાં 4 વાહનોમાં ભૂપેશ બઘેલના ઘરે પહોંચ્યા હતા. કાર્યવાહી વચ્ચે નોટો ગણવા અને સોનું ચેક કરવા માટેનું મશીન પણ આવી ગયું હતું. તેમના પુત્ર ચૈતન્ય બઘેલ સાથે જોડાયેલા અનેક સ્થળો સહિત 14 સ્થળોએ દરોડા પાડવામાં આવ્યા હતા. એવો દાવો કરવામાં આવે છે કે 2100 કરોડ રૂપિયાના દારૂ કૌભાંડમાં ચૈતન્ય બઘેલને પણ કથિત રીતે ફાયદો થયો હતો. જો કે કોંગ્રેસનું કહેવું છે કે આ બધી રાજકીય દુશ્મની છે.
સાંજે EDના દરોડા દરમિયાન સામે આવેલી તસવીરમાં છત્તીસગઢના પૂર્વ સીએમ ભૂપેશ બઘેલ તેમના પરિવાર સાથે થોડો સમય વિતાવતા જોવા મળ્યા હતા. એનડીટીવી દ્વારા ખાસ લેવામાં આવેલા વીડિયોમાં ભૂપેશ બઘેલ, તેનો પુત્ર ચૈતન્ય બઘેલ, તેની પત્ની અને પૌત્રો જોવા મળે છે. જેમાં બઘેલ પરિવાર સાંજની ચા પીતો જોવા મળે છે અને કેટલાક ગંભીર મુદ્દા પર ચર્ચા થઈ રહી છે. વળી, ભૂપેશ બઘેલ એકદમ બેફિકર લાગે છે.
આ પણ વાંચો :- IPLમાં તમાકુ અને દારૂની જાહેરાતો પર પ્રતિબંધ મુકો, સ્વાસ્થ્ય મંત્રાલયે ચેરમેનને લખ્યો પત્ર
