EDએ શનિવારે આંધ્રપ્રદેશની એક ખાનગી હોસ્પિટલમાં ભંડોળના દુરુપયોગને લઈને દરોડા પાડ્યા હતા. સત્તાવાર સૂત્રોના જણાવ્યા અનુસાર ઈડીએ દરોડામાં કેટલાક દસ્તાવેજો પણ જપ્ત કર્યા છે. નવી દિલ્હીથી ED અધિકારીઓની ચાર ટીમો અહીં પહોંચી હતી અને 27 કલાકથી વધુ સમય સુધી સર્ચ ઓપરેશન હાથ ધર્યું હતું.
ભૂતપૂર્વ અધિકારીઓ સહિતનાઓની પૂછપરછ કરી
EDના અધિકારીઓએ મંગલગિરીમાં NRI મેડિકલ કોલેજ અને હોસ્પિટલના કેટલાક ભૂતપૂર્વ અધિકારીઓ સહિત કેટલાક લોકોની પણ પૂછપરછ કરી હતી. આ અંગે હોસ્પિટલ તરફથી કોઈ ટિપ્પણી કરવામાં આવી નથી. જોકે હજુ સુધી કોઈની ધરપકડ કરવામાં આવી નથી, ED અધિકારીઓએ કથિત કૌભાંડના સંબંધમાં શુક્રવાર અને શનિવારે ભૂતપૂર્વ ડિરેક્ટર અને ભૂતપૂર્વ મુખ્ય નાણાકીય અધિકારી સહિત અન્ય લોકોની પૂછપરછ કરી હતી.
કોવિડ પીડિતો પાસેથી વધારાની રકમ વસૂલ કરવામાં આવી છે
સૂત્રોના જણાવ્યા અનુસાર, EDને તપાસમાં જાણવા મળ્યું છે કે 2020-21માં કોરોના સમયગાળા દરમિયાન, કોવિડ પીડિતો પાસેથી વધારાની રકમ વસૂલ કરવામાં આવી હતી, પરંતુ તે રેકોર્ડમાં નોંધવામાં આવી ન હતી. સૂત્રોએ જણાવ્યું કે આ રકમ લગભગ 25 કરોડ રૂપિયા હોઈ શકે છે. આ સાથે જ હોસ્પિટલના અન્ય કેટલાક પૂર્વ ડિરેક્ટરોની પણ શંકાસ્પદ વ્યવહારો અંગે પૂછપરછ કરવામાં આવશે. એમ પણ કહ્યું કે હોસ્પિટલને NRI ભારતીયો તરફથી પણ મોટું દાન મળ્યું છે
COVID-19 દર્દીઓ વિશેની વિગતો નોંધવામાં આવી નથી
કોરોના પીડિતો પાસેથી ચૂકવણી માટે નકલી રસીદો દ્વારા કરોડો રૂપિયાની ઉચાપત કરવામાં આવી છે લગભગ 1,500 થી વધુ COVID-19 દર્દીઓની વિગતો હોસ્પિટલના રેકોર્ડમાં નોંધવામાં આવી ન હતી, જે નકલી એકાઉન્ટ્સ દ્વારા ભંડોળની ઉચાપતની શંકા ઊભી કરે છે. EDને જાણવા મળ્યું છે કે આ હોસ્પિટલમાંથી મોટી રકમ હૈદરાબાદમાં ટ્રાન્સફર કરવામાં આવી હતી.
