મની લોન્ડરિંગ કેસમાં ઉદ્ધવ જૂથના ધારાસભ્ય સાથે જોડાયેલા 7 સ્થળો પર EDના દરોડા
- BMC સાથે 500 કરોડ રૂપિયાનું 5-સ્ટાર હોટેલ કૌભાંડ કરવાનો આરોપ
મુંબઈ, 9 જાન્યુઆરી : ઉદ્ધવ જૂથના નેતા અને ધારાસભ્ય રવિન્દ્ર વાયકર અને તેના ભાગીદારો સાથે જોડાયેલા 7 સ્થળો પર ED દ્વારા મની લોન્ડરિંગ કેસમાં દરોડા પાડવામાં આવ્યા છે. ઉલ્લેખનીય છે કે, ગયા વર્ષે એન્ફોર્સમેન્ટ ડિરેક્ટોરેટે(ED) બૃહન્મુંબઈ સાથે તેના કરારનું ઉલ્લંઘન કરીને જોગેશ્વરીમાં એક વૈભવી હોટલના બાંધકામના સંદર્ભમાં શિવસેના (ઉદ્ધવ જૂથ)ના ધારાસભ્ય રવિન્દ્ર વાયકર, તેમની પત્ની અને અન્ય સાથીદારો વિરુદ્ધ પ્રિવેન્શન ઓફ મની લોન્ડરિંગ એક્ટ (PMLA) હેઠળ કેસ નોંધ્યો હતો. વાઈકર અને અન્ય પાંચ સામે મુંબઈ પોલીસની આર્થિક અપરાધ શાખા (EOW) દ્વારા BMC સાથે 500 કરોડની છેતરપિંડી કરવાનો કેસ નોંધવામાં આવ્યો હતો. EDનો આ મની લોન્ડરિંગનો કેસ EOWની FIR પર આધારિત છે.
ED raids 7 locations linked to Uddhav faction MLA, his partners in money laundering probe
Read @ANI Story | https://t.co/ApL2gy74eg#edraid #Maharashtra #ShivsenaUBT pic.twitter.com/DnNKL10b0U
— ANI Digital (@ani_digital) January 9, 2024
મની લોન્ડરિંગનો બનાવ રહેલો છે
EDના એક સૂત્રએ પુષ્ટિ કરી હતી કે, લગભગ એક અઠવાડિયા પહેલા વાયકર અને અન્ય કેટલાક લોકો સામે એન્ફોર્સમેન્ટ કેસ ઇન્ફોર્મેશન રિપોર્ટ (ECIR) દાખલ કરવામાં આવ્યો હતો અને ટૂંક સમયમાં જ શંકાસ્પદોને પૂછપરછ માટે બોલાવવામાં આવી શકે છે. ઉલ્લેખનીય છે કે, ગયા વર્ષે સપ્ટેમ્બરમાં વાયકર અને અન્ય આરોપીઓ વિરુદ્ધ EOW દ્વારા વિશ્વાસનો ભંગ, છેતરપિંડી અને ગુનાહિત કાવતરું રચવાનો કેસ દાખલ કરવામાં આવ્યો હતો.
MLA પર શું આરોપ છે ?
MLA વાયકર પર BMC રમતના મેદાન માટે આરક્ષિત પ્લોટ પર 5 સ્ટાર હોટલ બનાવવાની પરવાનગી મેળવીને BMCને રૂ. 500 કરોડની છેતરપિંડી કરવાનો આરોપ છે. વાયકર મહારાષ્ટ્ર વિધાનસભાના સભ્ય છે, જોગેશ્વરી પૂર્વ વિધાનસભા મત વિસ્તારનું પ્રતિનિધિત્વ કરે છે. વાયકર મહારાષ્ટ્રના મુખ્યમંત્રી અને શિવસેનાના નેતા ઉદ્ધવ ઠાકરેના નજીકના સાથી પણ છે.
આ પણ જુઓ;ગુજરાત: GSTમાં સોના કરતા ઘડામણ મોંઘી જેવી સ્થિતી સર્જાઇ
