તમિલનાડુમાં EDની 2000 કરોડના ડ્રગ્સ કેસમાં DMKના પૂર્વ નેતા સામે કાર્યવાહી
- ડ્રગ્સ માફિયા ઝાફર સાદિકના ઠેકાણા અને તેના સહયોગીઓના સ્થળો પર EDના દરોડા
તમિલનાડુ, 9 એપ્રિલ: એન્ફોર્સમેન્ટ ડિરેક્ટોરેટ (ED)એ તમિલનાડુની રાજધાની ચેન્નાઈ સહિત અનેક શહેરોમાં આજે મંગળવારે દરોડા પાડ્યા છે. મળતી માહિતી મુજબ, તપાસ એજન્સીની આ કાર્યવાહી DMKના પૂર્વ નેતા અને ડ્રગ્સ માફિયા ઝાફર સાદિકના ઠેકાણા પર કરવામાં આવી છે. EDએ તેના સહયોગીઓના સ્થળો પર પણ દરોડા પાડ્યા છે. 2000 કરોડના ડ્રગ્સની રિકવરી બાદ NCBએ ઝફર સાદિકની ધરપકડ કરી હતી. હાલ ઝફર સાદિકએ તપાસ એજન્સીની કસ્ટડીમાં છે.
#WATCH | Enforcement Directorate (ED) is conducting raids at various locations in Tamil Nadu as part of an investigation into drug-related money laundering involving former DMK member Jaffer Sadiq and others
Visuals from Chennai pic.twitter.com/cCFCiBsmgE
— ANI (@ANI) April 9, 2024
ઝાફર સાદિક તમિલનાડુની સત્તાધારી પાર્ટી DMK સાથે પણ સંકળાયેલા હતા, પરંતુ પાર્ટીએ તેમને માર્ચમાં હાંકી કાઢ્યા હતા. ઝાફર તમિલ ફિલ્મોના નિર્માતા પણ છે. ડ્રગ્સ સિન્ડિકેટના મામલામાં તપાસ એજન્સીએ મની લોન્ડરિંગનો કેસ નોંધ્યો છે, જે અંતર્ગત કાર્યવાહી કરવામાં આવી રહી છે. EDની ટીમે ‘પ્રિવેન્શન ઓફ મની લોન્ડરિંગ’ એક્ટ હેઠળ ચેન્નાઈ, મદુરાઈ અને તિરુચિરાપલ્લીમાં 25 સ્થળો પર દરોડા પાડ્યા છે. આ દરમિયાન સેન્ટ્રલ પેરામિલિટરી ફોર્સના જવાનો પણ ટીમની સુરક્ષા માટે હાજર છે.
VIDEO | Enforcement Directorate (ED) carries out raids in multiple cities in #TamilNadu as part of a drugs trafficking-linked money laundering investigation against former #DMK functionary Jaffer Sadiq and others. Visuals from #Chennai.
(Full video available on PTI Videos -… pic.twitter.com/tZaWLkZgrd
— Press Trust of India (@PTI_News) April 9, 2024
ઝાફર સાદિક 3500 કિલો ડ્રગ્સ સ્મગલિંગ કેસમાં આરોપી
તપાસ એજન્સીએ ઝાફર સાદિકના ઘરો ઉપરાંત ફિલ્મ નિર્દેશક અમીર અને કેટલાક અન્ય લોકોના ઘરોની પણ તપાસ કરી રહી છે. ઝાફરની ગયા મહિને નાર્કોટિક્સ કંટ્રોલ બ્યુરો (NCB) દ્વારા ધરપકડ કરવામાં આવી હતી. તેના પર 3,500 કિલો ડ્રગ્સની દાણચોરીમાં સામેલ હોવાનો આરોપ છે. આ દવાઓની કિંમત 2000 કરોડ રૂપિયા છે. EDએ NCB કેસ અને કેટલીક અન્ય FIRના આધારે ઝાફર અને અન્યો વિરુદ્ધ મની લોન્ડરિંગનો કેસ નોંધ્યો છે.
ઝાફર સાદિક ડ્રગ્સ સ્મગલિંગ નેટવર્કનો લીડર
NCBએ કહ્યું છે કે, “ઝાફર સાદિકના તમિલ અને હિન્દી ફિલ્મ ફાઇનાન્સર્સ સાથે સંબંધો છે. આમાંના કેટલાક લોકો હાઈ-પ્રોફાઈલ છે.” તપાસ એજન્સીને ડ્રગ્સના પૈસામાંથી રાજકીય ભંડોળ થતું હોવાની પણ આશંકા છે. NCBના ડેપ્યુટી ડાયરેક્ટર (ઓપરેશન્સ) જ્ઞાનેશ્વર સિંહે ગયા મહિને ઝાફરની ધરપકડ બાદ કહ્યું હતું કે, “તે ભારત-ઓસ્ટ્રેલિયા-ન્યૂઝીલેન્ડમાં ડ્રગ્સ સ્મગલિંગ નેટવર્કનો કિંગપિન છે.” તેમણે વધુમાં કહ્યું હતું કે, ઝાફરે એક નેટવર્ક બનાવ્યું હતું જ્યાં ડ્રગ્સનું ભારતમાં ઉત્પાદન થતું હતું. આ પછી, તેમને ફૂડ કાર્ગોમાં પેક કરીને ઓસ્ટ્રેલિયા, ન્યુઝીલેન્ડ અને મલેશિયા જેવા દેશોમાં મોકલવામાં આવતું હતું. સિંહે જણાવ્યું હતું કે, ઝાફર દ્વારા સંચાલિત ડ્રગ સિન્ડિકેટ દ્વારા છેલ્લા 3 વર્ષમાં વિવિધ દેશોમાં ડ્રગ્સના 45 કન્સાઇનમેન્ટ પહોંચાડવામાં આવ્યા હોવાની માહિતી મળી છે.
આ પણ જુઓ: ઉત્તરાખંડના તરસેમ સિંહ હત્યાકાંડના શાર્પશૂટરને એન્કાઉન્ટરમાં ઠાર મરાયો, બીજો આરોપી ફરાર
