ચૂંટણી પંચે ગુજરાત સહિત ચાર રાજ્યોના અધિકારીઓની બદલીના આદેશ કર્યા જારી
નવી દિલ્હી, 21 માર્ચ: લોકસભા ચૂંટણી પહેલા ચૂંટણી પંચે વધુ એક મોટી કાર્યવાહી કરી છે. ચૂંટણી પંચે ચાર રાજ્યોમાં મોટા વહીવટી ફેરબદલ કર્યા છે અને નૉન-કેડર ડીએમ-એસપીની બદલી કરી છે. ચૂંટણી પંચે ગુજરાત, પંજાબ, ઓડિશા અને પશ્ચિમ બંગાળમાં જિલ્લા મેજિસ્ટ્રેટ (DM) અને પોલીસ અધિક્ષક (SP) જેવા નેતૃત્વના હોદ્દા પર નિયુક્ત નૉન-કેડર અધિકારીઓ માટે ટ્રાન્સફર ઓર્ડર જારી કર્યા છે.
Election Commission of India (ECI) issues transfer orders for non-cadre officers who are posted at leadership positions as District Magistrate (DM) and Superintendent of Police (SP) in four states namely Gujarat, Punjab, Odisha and West Bengal. Post of DM and SP in the district… pic.twitter.com/zoa6NIdxBr
— ANI (@ANI) March 21, 2024
ટ્રાન્સફર થનારા અધિકારીઓ
જે અધિકારીઓની બદલીના આદેશ જારી કરાયા છે તેમાં ગુજરાતના છોટા ઉદેપુર અને અમદાવાદ ગ્રામ્ય જિલ્લાના SP સામેલ છે. પંજાબના પઠાણકોટ, ફાઝિલ્કા, જાલંધર ગ્રામીણ અને માલેરકોટલા જિલ્લાના SSP પણ સામેલ છે. એટલું જ નહીં, ઢેંકનાલના ડીએમ, ઓડિશાના દેવગઢ અને કટક ગ્રામીણના એસપીને પણ ટ્રાન્સફર ઑર્ડર જારી કરાયો છે. આ સિવાય પશ્ચિમ બંગાળના પૂર્વ મેદિનીપુર, ઝારગ્રામ, પૂર્વ બર્ધમાન અને બીરભૂમ જિલ્લાના DMને પણ બદલીના નિર્દેશો અપાયા છે.
પંજાબના SSPની પણ બદલી કરાશે
પંચે ચૂંટાયેલા રાજકીય પ્રતિનિધિઓ સાથેના તેમના સગપણ અથવા પારિવારિક સંબંધને ધ્યાનમાં રાખીને પંજાબમાં ભટિંડાના SSP અને આસામમાં સોનિતપુરના SP માટે બદલીનો પણ નિર્દેશ આપ્યો છે. જિલ્લામાં ડીએમ અને એસપીની પોસ્ટ અનુક્રમે ભારતીય વહીવટી અને ભારતીય પોલીસ સેવા અધિકારીઓ માટે છે.
અગાઉ છ રાજ્યોના ગૃહ સચિવોને હટાવ્યા
અગાઉ, લોકસભા ચૂંટણીની જાહેરાત થયાના તરત જ ECIએ છ રાજ્યોમાં ગૃહ સચિવને હટાવ્યા હતા. જેમાં ગુજરાત, ઉત્તર પ્રદેશ, બિહાર, ઝારખંડ, હિમાચલ પ્રદેશ અને ઉત્તરાખંડ સામેલ છે. આ સિવાય મિઝોરમ અને હિમાચલ પ્રદેશમાં સામાન્ય વહીવટી વિભાગના સચિવને પણ હટાવી દેવામાં આવ્યા છે. ચૂંટણી પંચે પશ્ચિમ બંગાળના પોલીસ મહાનિર્દેશક (DGP)ને હટાવવા માટે જરૂરી કાર્યવાહી પણ કરી છે. આ ઉપરાંત, ચૂંટણી પંચે બૃહન્મુંબઈ મ્યુનિસિપલ કમિશનર ઈકબાલ સિંહ ચહલ, એડિશનલ કમિશનર અને ડેપ્યુટી કમિશનરને હટાવવાનો આદેશ આપ્યો હતો.
આ પણ વાંચો: ગુજરાત સહિત છ રાજ્યના ગૃહ સચિવ, બંગાળના DGPને હટાવવાનો ચૂંટણીપંચનો આદેશ
