મહારાષ્ટ્રમાં વહેલી સવારે જોર-જોરથી ધ્રુજી ધરતી, 10 મિનિટમાં બે મોટા ભૂકંપ

• રિક્ટર સ્કેલ પર 4.5 અને 3.6ની તીવ્રતાના ભૂકંપના આંચકા અનુભવાયા 

મુંબઈ, 21 માર્ચ: મહારાષ્ટ્રમાં વહેલી સવારે જોર-જોરથી ધરા ધ્રુજવા લાગી હતી. હિંગોલીમાં બે મોટા ભૂકંપના આંચકા અનુભવાયા હતા. ભૂકંપનો પ્રથમ આંચકો સવારે 6.08 કલાકે અનુભવાયો હતો. રિક્ટર સ્કેલ પર તેની તીવ્રતા 4.5 હતી. તે જ સમયે, ભૂકંપનો બીજો આંચકો સવારે 6.19 કલાકે નોંધાયો હતો. રિક્ટર સ્કેલ પર તેની તીવ્રતા 3.6 નોંધાઈ હતી. હિંગોલીમાં ગુરુવારે એક પછી એક ભૂકંપના જે બે આંચકા અનુભવાયા તે આંચકા લગભગ 10 મિનિટના અંતરે નોંધાયા હતા.

ભૂકંપ શા માટે અને કેવી રીતે આવે છે?

ધરતીકંપ કેવી રીતે થાય છે તે સમજવા માટે આપણે સૌ પ્રથમ પૃથ્વીની રચનાને વૈજ્ઞાનિક રીતે સમજવી પડશે. પૃથ્વી ટેકટોનિક પ્લેટો પર સ્થિત છે. તેની નીચે પ્રવાહી લાવા છે અને તેના પર ટેક્ટોનિક પ્લેટો તરે છે. ઘણી વખત આ પ્લેટો એકબીજા સાથે અથડાય છે. આ પ્લેટોના વારંવાર અથડામણને કારણે, કેટલીકવાર પ્લેટોના ખૂણાઓ વળે છે અને જ્યારે ખૂબ દબાણ પડે છે, ત્યારે આ પ્લેટો તૂટવા લાગે છે. આવી સ્થિતિમાં, નીચેથી આવતી ઊર્જા બહાર નીકળવાનો માર્ગ શોધે છે. જ્યારે આનાથી ડિસ્ટર્બન્સ બને છે, ત્યારે ધરતીકંપ થાય છે.

તીવ્રતા કેવી રીતે માપવામાં આવે છે?

ભૂકંપ રિક્ટર સ્કેલ પર માપવામાં આવે છે. રિક્ટર સ્કેલ એ ભૂકંપના તરંગોની તીવ્રતા માપવા માટેનું ગાણિતિક સ્કેલ છે, તેને રિક્ટર મેગ્નિટ્યુડ ટેસ્ટ સ્કેલ કહેવામાં આવે છે. રિક્ટર સ્કેલ પર, ધરતીકંપ તેના કેન્દ્ર એટલે કે એપીસેન્ટરથી 1થી 9 સુધી માપવામાં આવે છે. આ સ્કેલ ધરતીકંપ દરમિયાન પૃથ્વીની અંદરથી મુક્ત થતી ઊર્જાના આધારે તીવ્રતાને માપે છે.

આ પણ જુઓ: ISISના આતંકી હેરિસ ફારુકી અને તેના સાગરિતને આસામ STFએ ઝડપી લીધા