અફઘાનિસ્તાનમાં ભૂકંપના આંચકા, રિક્ટર સ્કેલ પર 4.7ની તીવ્રતા
તુર્કીના ભૂકંપ બાદ વિશ્વભરમાં છેલ્લા ઘણા સમયથી અલગ અલગ જગ્યાએ ભૂકંપના આંચકા અનુભવાય છે ત્યારે હવે અફઘાનિસ્તાનમાં પણ ધરતી ધ્રૂજી રહી છે. 9 માર્ચે સવારે લગભગ 7.06 વાગ્યે ભૂકંપની તીવ્રતા 4.7 હતી. રાહતની વાત એ છે કે આમાં કોઈપણ પ્રકારના નુકસાનના સમાચાર નથી. નેશનલ સેન્ટર ઓફ સિસ્મોલોજી અનુસાર, ભૂકંપનું કેન્દ્ર અફઘાનિસ્તાનના ફૈઝાબાદમાં હતું. રિક્ટર સ્કેલ પર તેની તીવ્રતા 4.7 હતી.
An earthquake with a magnitude of 4.7 on the Richter Scale hit 285km ENE of Fayzabad, Afghanistan today at 07:06 am IST: National Center for Seismology pic.twitter.com/KcAyVOTjlv
— ANI (@ANI) March 9, 2023
તમને જણાવી દઈએ કે 6 ફેબ્રુઆરીએ તુર્કી અને સીરિયામાં ભયાનક ભૂકંપ આવ્યો હતો. જેમાં 50000 થી વધુ લોકોના મોત થયા હતા. તુર્કીમાં ઘણો વિનાશ થયો હતો. તુર્કી અને સીરિયામાં 7.8ની તીવ્રતાનો ભૂકંપ આવ્યો અને તબાહીની એવી તસવીરો સામે આવી જેણે દુનિયાને હચમચાવી દીધી.
