ધરતી પરથી ખતમ થઈ જશે પીવાલાયક પાણી? રિસર્ચમાં થયો ખુલાસો
HD ન્યૂઝ ડેસ્ક : નાસા અને જર્મન ઉપગ્રહોના ડેટાનો ઉપયોગ કરીને વિજ્ઞાનીઓની એક આંતરરાષ્ટ્રીય ટીમે શોધી કાઢ્યું છે કે મે 2014 થી પૃથ્વી પર પીવાલાયક પાણી (તાજા પાણી) ની માત્રામાં અચાનક ઘટાડો થયો છે, અને આ ઘટાડો ત્યારથી ચાલુ છે. સંશોધકોનું કહેવું છે કે આ ફેરફાર એ વાતનો સંકેત છે કે પૃથ્વીના ખંડો દુષ્કાળ જેવી સ્થિતિમાં પ્રવેશી ચૂક્યા છે.
સંશોધન મુજબ, 2015 થી 2023 સુધી, પૃથ્વી પર ઉપલબ્ધ તાજા પાણીના જથ્થામાં, જેમાં સરોવરો અને નદીઓના પાણીનો સમાવેશ થાય છે, 2002 અને 2014 વચ્ચેની સરેરાશની સરખામણીમાં 1,200 ઘન કિલોમીટરનો ઘટાડો થયો છે.
સંશોધનમાં શું બહાર આવ્યું?
આ જ સંશોધનમાં એ પણ જાણવા મળ્યું છે કે વિશ્વભરમાં મીઠા પાણીના ઘટાડાની શરૂઆત ઉત્તર અને મધ્ય બ્રાઝિલમાં દુષ્કાળથી થઈ હતી અને પછી ઓસ્ટ્રેલિયા, દક્ષિણ અમેરિકા, ઉત્તર અમેરિકા, યુરોપ અને આફ્રિકામાં ફેલાઈ હતી. 2014 થી 2016 સુધી, ઉષ્ણકટિબંધીય પેસિફિકમાં સમુદ્રનું તાપમાન વધ્યું અને મોટી અલ નીનો ઘટનાઓ બની, વૈશ્વિક હવામાન પેટર્ન અને વરસાદમાં ફેરફાર થયો.
જોકે અલ નીનો શમી ગયા પછી પણ પાણીની અછત ચાલુ રહી હતી, પરંતુ સંશોધકો માને છે કે આ સમસ્યાનું મુખ્ય કારણ ગ્લોબલ વોર્મિંગ હોઈ શકે છે. જ્યારે વાતાવરણમાં વધુ પાણીની વરાળ એકઠી થાય છે, ત્યારે વધુ વરસાદ પડે છે, પરંતુ તેના કારણે ઓછું પાણી જમીન પર શોષાય છે અને દુષ્કાળ વધે છે. વરસાદ પછી, પાણી ભૂગર્ભ જળમાં સમાઈ જતું નથી, પરંતુ નદીઓમાં વહી જાય છે, જેના કારણે પાણીના ભંડાર ભરાતા નથી.
અલ નીનો એક પ્રાકૃતિક જલવાયુ ઘટના છે જે દરેક થોડા વર્ષે થાય છે. આ ઘટના એવા વખતે થાય છે જ્યારે ઉષ્ણકટિબંધીય પ્રશાંત મહાસાગરના પાણીનું તાપમાન સામાન્યથી વધી જાય છે. આ ગરમીના કારણે મહાસાગરની હવાની પેટર્ન બદલાઈ જાય છે. જેથી વાતાવરણમાં મોટા બદલાવ આવે છે. અલ નીનો દરમિયાન,જેમ જેમ સપાટીનું તાપમાન વધે છે તેમ તેમ પવનો નબળો પડે છે, જેના કારણે સામાન્ય રીતે પશ્ચિમી પવનો નબળા પડે છે અને પરિણામે સમુદ્રી પ્રવાહ પણ બદલાય છે. તે સમગ્ર વિશ્વના હવામાનને અસર કરે છે.
મીઠુ પાણી શું છે
મીઠું પાણી એ પાણી છે જેમાં ઓગળેલા ક્ષારનું પ્રમાણ ખારા પાણીની સરખામણીમાં ઘણું ઓછું હોય છે. આ પાણી પીવાલાયક છે અને તેનો ઉપયોગ ખેતી, ઉદ્યોગ, ઘરેલું કામ અને અન્ય માનવીય પ્રવૃત્તિઓમાં થાય છે. મીઠુ પાણી મુખ્યત્વે નદીઓ, તળાવો, ઝરણાં અને ભૂગર્ભ જળાશયો (જેમ કે કુવા અને જળાશયો) માં જોવા મળે છે.
મીઠું પાણી જીવન માટે ખૂબ જ જરૂરી છે, કારણ કે તે પીવા, ખેતીકામ, ઉદ્યોગો અને સ્વચ્છતા માટે જરૂરી છે. વિશ્વમાં મીઠા પાણીના સ્ત્રોતો મર્યાદિત છે, અને આબોહવા પરિવર્તન અને વધતી વસ્તીને કારણે તેના સ્ત્રોતો પર દબાણ વધી રહ્યું છે.
આ પણ વાંચો : શું તમે કચ્છમાં આવેલો આપણો આ પ્રાચીન વારસો જોયો? વર્લ્ડ હેરિટેજ સપ્તાહ ચાલે છે, જલદી પહોંચો
Follow this link to join OUR WhatsApp group:
