દિલ્હીમાં AAPનું પ્રદર્શન, PMના નિવાસસ્થાન બહાર ચુસ્ત બંદોબસ્ત
26 માર્ચ 2024: એક્સાઈઝ પોલિસી ભ્રષ્ટાચાર કેસમાં ED દ્વારા દિલ્હીના મુખ્યમંત્રી અરવિંદ કેજરીવાલની ધરપકડ બાદ હોબાળો અટકી રહ્યો નથી. આમ આદમી પાર્ટી વડાપ્રધાનના નિવાસસ્થાને ઘેરાવ કરશે. આ વિરોધને ધ્યાનમાં રાખીને ટ્રાફિક પોલીસે ડાયવર્ઝનને લઈને એડવાઈઝરી જારી કરી છે.
વડા પ્રધાનનું નિવાસસ્થાન લોક કલ્યાણ માર્ગ પર આવેલું છે જ્યાં સમગ્ર દિલ્હીમાંથી આમ આદમી પાર્ટીના હજારો કાર્યકરો આવવાની અપેક્ષા છે. ભાજપ ITOમાં પણ કૂચ કરી શકે છે. આવી સ્થિતિમાં ટ્રાફિક પોલીસે એડવાઈઝરી જારી કરીને લોકોને આ માર્ગો પર જવાનું ટાળવાની સલાહ આપી છે.
#WATCH | Security heightened with the deployment of police outside Patel Chowk metro station, in view of AAP's PM residence 'gherao' protest against the arrest of Delhi CM Arvind Kejriwal in liquor policy case. pic.twitter.com/PFkdhqeaUc
— ANI (@ANI) March 26, 2024
દિલ્હીમાં આ રૂટ પર ટ્રાફિક સેવા ખોરવાઈ શકે છે
દિલ્હી ટ્રાફિક પોલીસની એડવાઈઝરી અનુસાર કાયદો અને વ્યવસ્થાના કારણે નવી દિલ્હી વિસ્તારમાં ટ્રાફિક પ્રભાવિત થશે. પોલીસે જણાવ્યું હતું કે, ‘નવી દિલ્હી વિસ્તારમાં સરળ ટ્રાફિક વ્યવસ્થાપન સુનિશ્ચિત કરવા માટે તુગલક રોડ, સફદરજંગ રોડ અને કમલ અતાતુર્ક માર્ગ પર કોઈપણ વાહનને ક્યાંય રોકવા અથવા પાર્ક કરવાની મંજૂરી આપવામાં આવશે નહીં. સામાન્ય લોકોને પણ પ્રવેશ આપવામાં આવશે નહીં. ઉપરોક્ત માર્ગો પર પાર્ક કરાયેલા વાહનોને દૂર કરવામાં આવશે અને અયોગ્ય પાર્કિંગ અને કાયદાકીય સૂચનાનો અનાદર કરવા બદલ કાયદેસરની કાર્યવાહી કરવામાં આવશે.
#WATCH | On PM residence 'gherao' protest by AAP in Delhi today, Deputy Commissioner of Police, Devesh Kumar Mahla says, "Considering everything we have deployed security at PM residence and other important points. There is no restriction on boarding/deboarding at all Delhi metro… pic.twitter.com/kvPvOmeAqj
— ANI (@ANI) March 26, 2024
આ માર્ગ પરથી ટ્રાફિક ડાયવર્ઝન થશે
એડવાઈઝરીમાં કહેવામાં આવ્યું છે કે જો જરૂરી હોય તો, ટ્રાફિકને અરબિંદો ચોક, તુઘલક રોડ, સમ્રાટ હોટલ રાઉન્ડબાઉટ, જીમખાના પોસ્ટ ઓફિસ રાઉન્ડબાઉટ, તીન મૂર્તિ હાઈફા રાઉન્ડબાઉટ, નીતિ માર્ગ રાઉન્ડબાઉટ અને કૌટિલ્ય માર્ગ રાઉન્ડબાઉટથી ડાયવર્ટ કરવામાં આવશે. પોલીસે લોકોને કમલ અતાતુર્ક માર્ગ, સફદરજંગ રોડ, અકબર રોડ અને તીન મૂર્તિ માર્ગ પર જવાનું ટાળવાની અપીલ કરી છે. પોલીસે વધુમાં જણાવ્યું હતું કે ISBT, રેલવે સ્ટેશન અને ઈન્દિરા ગાંધી ઈન્ટરનેશનલ એરપોર્ટ પર જનારા લોકોએ પૂરતો સમય કાઢવો જોઈએ અને એડવાઈઝરી મુજબ તેમની યોજનાઓ બનાવવી જોઈએ.
EDએ ગયા અઠવાડિયે કેજરીવાલની એક્સાઈઝ પોલિસી સંબંધિત મની લોન્ડરિંગ કેસમાં ધરપકડ કરી હતી. તે 28 માર્ચ સુધી એજન્સીની કસ્ટડીમાં છે. કેન્દ્રીય એજન્સીએ કહ્યું છે કે દિલ્હીમાં દારૂ નીતિ ભ્રષ્ટાચારનો માસ્ટરમાઈન્ડ બીજું કોઈ નહીં પણ અરવિંદ કેજરીવાલ છે અને તેમણે આ ભ્રષ્ટાચારને છુપાવવા માટે મુખ્યમંત્રી પદનો ઉપયોગ કર્યો હતો.
