ઈશાન ભારતના સિક્કિમમાં અતિ ભારે વરસાદ અને તેને કારણે એકાએક પૂર આવતા ભારતીય સૈન્યના 23 જવાનો લાપતા થયા છે. સમાચાર એજન્સીએ આ અંગે આસામના સૈન્ય પીઆરઓને ટાંકીને આપેલા અહેવાલ અનુસાર ઉત્તર સિક્કિમમાં વાદળ ફાટતા તીસ્તા નદીમાં અચાનક આવેલા ભારે પૂરમાં સૈન્ય જવાનોના વાહનો તણાઈ જતા 23 જવાન લાપતા છે અને તેમને શોધવાની કામગીરી યુદ્ધના ધોરણે શરૂ કરવામાં આવી છે.
Due to a sudden cloud burst over Lhonak Lake in North Sikkim, a flash flood occurred in Teesta River in Lachen Valley. Some army establishments along the valley have been affected and efforts are on to confirm details. 23 personnel have been reported missing and some vehicles are… pic.twitter.com/nDUTaHiWDj
— ANI (@ANI) October 4, 2023
ઉત્તર સિક્કિમના લ્હોનક સરોવર ક્ષેત્રમાં બુધવારે, 4 ઑક્ટોબરે વહેલી પરોઢે વાદળ ફાટતા પૂર આવ્યું હતું જેને કારણે આસપાસના વિસ્તારોમાં રહેતા અનેક લોકો ફસાઈ ગયા હતા જેમને બચાવવા માટેની કામગીરી તંત્ર દ્વારા હાથ ધરવામાં આવી હતી. પૂરને કારણે ડિકચુ અને તુંગ ખાતે બે પુલ પણ તૂટી પડ્યા હતા. પરિણામે મુશ્કેલીમાં મૂકાયેલા નાગરિકોને બચાવવા ડીઆરઓ કર્મયોગી તથા સરકારી તંત્રે બચાવ કામગીરી શરૂ કરી હતી.
સિક્કિમની આ સ્થિતિ અંગે વેધરમેન શુભમ નામના એક યુઝરે પણ વીડિયો પોસ્ટ કર્યો હતો, જૂઓ-
ઉત્તર સિક્કિમમાં વાદળ ફાટવાથી તીસ્તા નદીમાં પૂર. એકાએક આવેલા પૂરથી અનેક લોકો મુશ્કેલીમાં મૂકાયા. ભારતીય સૈન્યના 23 જવાનો પણ લાપતા, તેમને શોધવાની કામગીરી ચાલુ. https://t.co/V1N4VX4azI
— Hum Dekhenge News (@humdekhengenews) October 4, 2023
આસામમાં ભારતીય સૈન્યના પીઆરઓ દ્વારા બચાવ કામગીરીના કેટલાક ફોટા પણ ઑફિસિયલ હેન્ડલ ઉપર પોસ્ટ કરવામાં આવ્યા હતા.
આ પણ વાંચોઃ ઝારખંડ અને કેરળમાં ભારે વરસાદને કારણે જાનમાલને ભારે નુકસાન
