ઈરાકમાં ડ્રોન હુમલો: ફ્રાન્સના સૈનિકનું મોત, મૅક્રોએ આપી કડક ચેતવણી
Drone attack in Iraq: પશ્ચિમ એશિયામાં ચાલી રહેલ ભીષણ સંઘર્ષ વધુ ખતરનાક વળાંક લઈ રહ્યો હોય તેવું લાગે છે. ઇરાકના કુર્દિશ પ્રદેશના એર્બિલમાં ડ્રોન હુમલામાં એક ફ્રેન્ચ સૈનિકનું મોત થયું અને છ અન્ય ઘાયલ થયા. ફ્રાન્સના રાષ્ટ્રપતિ ઇમેન્યુઅલ મેક્રોન દ્વારા આ વાતની પુષ્ટિ કરવામાં આવી. ફ્રેન્ચ સૈનિકો ત્યાં આંતરરાષ્ટ્રીય મિશનના ભાગ રૂપે ઇરાકી સેનાને મદદ કરી રહ્યા હતા.
પશ્ચિમ એશિયામાં ચાલી રહેલ યુદ્ધ ખતરનાક રીતે ફેલાઈ રહ્યું હોય તેવું લાગે છે. દરમિયાન, ઇરાકના કુર્દિશ પ્રદેશના એર્બિલમાં થયેલા ઘાતક હુમલામાં, જેમાં એક ફ્રેન્ચ સૈનિકનું મોત થયું હતું, જેનાથી પરિસ્થિતિ વધુ વણસી ગઈ છે. ફ્રાન્સના રાષ્ટ્રપતિ ઇમેન્યુઅલ મેક્રોને શુક્રવારે એક સોશિયલ મીડિયા પોસ્ટમાં આ જાહેરાત કરી તેને અસ્વીકાર્ય ગણાવ્યું છે. તેમણે મૃત સૈનિકના પરિવાર અને સાથીઓ સાથે ઊંડી સંવેદના અને એકતા વ્યક્ત કરી છે.
અમારી WhatsApp ચેનલમાં જોડાવા આ લીંક પર ક્લીક કરો
https://whatsapp.com/channel/0029VauCUMx6LwHmdrOBwa2X
મૃતક સૈનિકની ઓળખ ફ્રાન્સની 7મી આલ્પાઇન ચેસર બટાલિયનના વોરંટ ઓફિસર આર્નોડ ફ્રીઓન તરીકે થઈ છે. રાષ્ટ્રપતિ મેક્રોને જણાવ્યું હતું કે, આ હુમલામાં ઘણા અન્ય ફ્રેન્ચ સૈનિકો પણ ઘાયલ થયા છે. તેમણે કહ્યું હતું કે, ફ્રાન્સ તેના સૈનિકો અને તેમના પરિવારો સાથે ઉભું છે અને તેમની સલામતી સુનિશ્ચિત કરવા માટે તમામ પગલાં લેવામાં આવશે.
મેક્રોને ચેતવણી આપી, ઘાતક સંકેતો આપ્યા
પોતાની પોસ્ટમાં, મેક્રોને સ્પષ્ટતા કરી હતી કે, ફ્રેન્ચ સૈનિકો 2015 થી ISIS સામેની લડાઈમાં સામેલ છે અને તેમની હાજરી આતંકવાદ વિરોધી અભિયાન સુધી મર્યાદિત છે. તેમણે ભારપૂર્વક જણાવ્યું હતું કે ઈરાનમાં યુદ્ધ અથવા અન્ય કોઈપણ પ્રાદેશિક સંઘર્ષને આ હુમલા માટે વાજબી ઠેરવી શકાય નહીં.
આતંકવાદ પ્રત્યે ફ્રાન્સની પ્રતિબદ્ધતા અડગ
રાષ્ટ્રપતિએ ચેતવણી આપી હતી કે, ફ્રાન્સ આવા હુમલાઓને ક્યારેય સહન કરશે નહીં અને તેના સૈનિકો સામે કોઈપણ હિંસક કાર્યવાહીનો જવાબ આપવા તૈયાર છે. તેમણે કહ્યું હતું કે આતંકવાદ સામે લડવાની ફ્રાન્સની પ્રતિબદ્ધતા અડગ છે અને તેના દળો સંપૂર્ણ જવાબદારી અને હિંમત સાથે તેમનું મિશન ચાલુ રાખશે.
ડ્રોન હુમલાનો દાવો, છ સૈનિકો ઘાયલ
અહેવાલ મુજબ, ડ્રોન હુમલામાં એર્બિલમાં તૈનાત ફ્રેન્ચ સૈનિકોને નિશાન બનાવવામાં આવ્યા હતા. હુમલામાં શરૂઆતમાં છ ફ્રેન્ચ સૈનિકો ઘાયલ થયા હતા. તેમાંથી એકનું સારવાર દરમિયાન બાદમાં મૃત્યુ થયું. ફ્રેન્ચ સૈનિકો આંતરરાષ્ટ્રીય લશ્કરી મિશનના ભાગ રૂપે એર્બિલમાં તૈનાત છે. આ મિશનનો હેતુ ઇરાકી સેનાને મદદ કરવાનો અને ઇસ્લામિક સ્ટેટ આતંકવાદી સંગઠન સામે ચાલી રહેલી લડાઈને મજબૂત બનાવવાનો છે.
ફ્રાન્સ સહિત અનેક દેશોના લશ્કર આ મિશનમાં સામેલ છે.
ઉલ્લેખનીય છે કે, ફ્રાન્સ સહિત અનેક દેશોના લશ્કર આ બહુરાષ્ટ્રીય મિશનમાં સામેલ છે. આ સૈનિકો ઇરાકી સુરક્ષા દળોને તાલીમ આપે છે, ગુપ્ત માહિતી શેર કરે છે અને આતંકવાદ વિરોધી કામગીરીમાં મદદ કરે છે. આ હુમલા બાદ, વિસ્તારમાં સુરક્ષા વધુ કડક કરવામાં આવી છે. જવાબદારોને ઓળખવા માટે તપાસ પણ શરૂ કરવામાં આવી છે.
