ચાલુ બસે ડ્રાઈવરને આવ્યો એટેક, કંડક્ટરે તત્કાળ બાજી સંભાળીને સૌને બચાવ્યા: જૂઓ વીડિયો

બેંગલુરુ, 9 નવેમ્બર : બેંગલુરુ મેટ્રોપોલિટન ટ્રાન્સપોર્ટ કોર્પોરેશન (BMTC) બસ ડ્રાઇવરે 6 નવેમ્બરના રોજ ડ્રાઇવિંગ કરતી વખતે અચાનક હાર્ટ એટેકને કારણે કરુણ રીતે જીવ ગુમાવ્યા પછી કંડક્ટરે બસનું સ્ટીયરીંગ હાથમાં લઈને મોટો અકસ્માત ટાળ્યો હતો.

BMTCના જણાવ્યા અનુસાર, તેમના ડ્રાઈવર કિરણ કુમાર નેલમંગલાથી દસનાપુરા સુધીની તેની યાત્રા દરમિયાન 256 M/1 હાઈવે પર KA 57 F-4007 વાહન ચલાવી રહ્યો હતો. દરમિયાન BMTCના ડેપો 40ના ડ્રાઇવર કિરણ કુમારને હૃદયરોગના હુમલાને કારણે સ્ટીયરીંગ પર પડી ગયો હતો. દરમિયાન BMTC ડ્રાઇવર ફરજ પર હતા ત્યારે હાર્ટ એટેકથી મૃત્યુ પામે છે જેને જોઈ બસમાં રહેલો કંડક્ટર અંદર આવે છે અને સંભવિત અકસ્માત અટકાવે છે.

બસના સીસીટીવી ફૂટેજમાં જ્યાં આખી ઘટના રેકોર્ડ કરવામાં આવી છે તેમાં જોઈ શકાય છે કે બસ ચલાવી રહેલા કિરણ કુમાર અચાનક નીચે પડી જાય છે. ઝડપી પ્રતિસાદમાં બસ કંડક્ટર ઓબલેશ સ્ટીયરીંગ વ્હીલ પર દોડી જતા અને વાહનને સલામત રીતે રોકવા માટે કોશિષ કરતા જોવા મળે છે. જેમાં સવાર તમામ મુસાફરોની સુરક્ષા સુનિશ્ચિત કરવામાં આવે છે. તેમ છતાં તે કિરણ કુમાર સુધી પહોંચવાનો પ્રયાસ કરતા જોવા મળે છે.

કંડકટર ઓબલેશના આ ઝડપી પગલાએ મોટી દુર્ઘટનાને ટાળી દીધી હતી. ઘટના બાદ કંડકટર ઓબલેશ કિરણ કુમારને નજીકની હોસ્પિટલમાં લઈ ગયા જ્યાં ડોકટરોએ પુષ્ટિ કરી કે કુમારનું હૃદયરોગના હુમલાથી મૃત્યુ થયું છે તેમ અધિકારીઓએ જણાવ્યું હતું.

આ પણ વાંચો :- આગરા-લખનૌ એક્સપ્રેસ વે પર બસ અને ડમ્પર વચ્ચે જોરદાર ટક્કર, 5ના મૃત્યુ