અજયના ફેન્સને ડબલ ટ્રીટઃ ‘ભોલા’ સાથે રીલીઝ થયુ ‘મેદાન’નું ટીઝર

• ‘ભોલા’ ફિલ્મમાં અજયનો દમદાર અભિનય જોવા મળ્યો.
• ‘મેદાન’ના ધમાકેદાર ટીઝરની ઝલક પણ દર્શાવી.
• ‘મેદાન’ના ટીઝરને પબ્લિકનો શાનદાર રિસ્પોન્સ મળ્યો.

અજય દેવગણે એક્શન એન્ટરટેઇનર ફિલ્મ ‘ભોલા’ની રિલીઝ સાથે ફેન્સને ડબલ ટ્રીટ આપી છે. તેણે પહેલા તો ‘ભોલા’ ફિલ્મમાં પોતાનો દમદાર અભિનય બતાવ્યો, ત્યારબાદ આગામી ફિલ્મ ‘મેદાન’ના ધમાકેદાર ટીઝરની ઝલક પણ દર્શાવી. અજયના ફેન્સ માટે ગુડ ન્યુઝ એ છે કે તેની ફિલ્મ ‘મેદાન’નું ટીઝર રીલીઝ થઇ ચુક્યુ છે અને તે ફરી એકવાર દમદાર રોલમાં જોવા મળવાનો છે.

મચઅવેઇટેડ ફિલ્મ છે ‘મેદાન’

મચઅવેઇટેડ ફિલ્મ ‘મેદાન’ના ટીઝરને પબ્લિકનો શાનદાર રિસ્પોન્સ મળ્યો છે. 1.30 મિનિટના ટીઝરમાં અજય દેવગણે લાઇમલાઇટ લુંટી લીધી છે. ફુટબોલ કોચમાં અજયનો લુક ફેન્સને ઇમ્પ્રેસ કરી રહ્યો છે. દોઢ મિનિટના ટીઝરમાં અજયે મેચની આખરી મિનિટના પ્રેશર, ઇમોશન્સને બારીકાઇથી દર્શાવ્યુ છે.

બાયોગ્રાફિકલ સ્પોર્ટ્સ ડ્રામા છે ‘મેદાન’

અજય દેવગણ, પ્રિયમણિ, ગજરાજ રાવ સ્ટારર ‘મેદાન’ 23 જુન, 2023ના રોજ રીલીઝ થશે. ‘મેદાન’ સત્ય ઘટના પર આધારિત ફિલ્મ છે. તેનું ડિરેક્શન અમિત રવિન્દ્રનાથ શર્માએ કર્યુ હતુ. મ્યુઝિક દિગ્ગજ કમ્પોઝર એઆર રહેમાને આપ્યુ છે. ‘મેદાન’ બાયોગ્રાફિકલ સ્પોર્ટ્સ ડ્રામા છે. તે ફિલ્મ ઇન્ડિયન ફુટબોલના ગોલ્ડન એરા 1952-1962 પર બેઝ્ડ છે. મુવીમાં અજય ફુટબોલ કોચ સૈયદ અબ્દુલ રહીમના પાત્રમાં જોવા મળશે.

આ પણ વાંચોઃ રામનવમી પર ‘આદિપુરુષ’નું નવું પોસ્ટર રિલીઝ, પોસ્ટરમાં રામ દરબારમાં છે આ સુપર સ્ટાર