પિતૃ પક્ષમાં શું કરવું અને શું ન કરવું? શા માટે છે પિતૃ પક્ષ મહત્ત્વનો?

• જે વ્યક્તિ પિતૃ પક્ષમાં શ્રાદ્ધ વિધિ કરે છે તેઓ પિતૃ દોષમાંથી મુક્તિ મેળવે છે અને તેમના પૂર્વજો જન્મ અને મૃત્યુના ચક્રમાંથી મુક્તિ મેળવે છે તેમજ મોક્ષ પ્રાપ્ત કરે છે

HD ન્યુઝ ડેસ્કઃ પિતૃ પક્ષ 18 સપ્ટેમ્બરથી શરૂ થઈને  2 ઓક્ટોબરે સમાપ્ત થશે. પિતૃ પક્ષના સમયગાળા દરમિયાન લોકો તેમના પૂર્વજો અને પિતૃઓની પૂજા કરે છે. પિતૃ પક્ષને શ્રાદ્ધ પક્ષ તરીકે પણ ઓળખવામાં આવે છે. શ્રાદ્ધ પક્ષમાં પિતૃપૂજા, પિતૃ તર્પણ અને પિંડ દાન સૌથી પુણ્યદાયી માનવામાં આવે છે. એવું માનવામાં આવે છે કે જે વ્યક્તિ આ સમય દરમિયાન શ્રાદ્ધ વિધિ કરે છે તેઓ પિતૃ દોષમાંથી મુક્તિ મેળવે છે અને તેમના પૂર્વજો જન્મ અને મૃત્યુના ચક્રમાંથી મુક્તિ મેળવે છે તેમજ મોક્ષ પ્રાપ્ત કરે છે. પિતૃપક્ષનો સમય હિંદુ ધર્મમાં ખૂબ જ મહત્ત્વપૂર્ણ માનવામાં આવે છે. આ સમયગાળામાં કોઈ કામ સારું કામ કરવું અશુભ માનવામાં આવે છે.

જાણો પિતૃ પક્ષ દરમિયાન શું કરવું અને શું ન કરવું

• પિતૃ પક્ષ દરમિયાન બ્રાહ્મણને અન્ન અને વસ્ત્ર વગેરેનું દાન કરીને શ્રાદ્ધ કરવું શુભ માનવામાં આવે છે.
• શ્રાદ્ધપક્ષ દરમિયાન ગાય, કાગડા, કૂતરા અને કીડીઓને ખોરાક ખવડાવવો લાભકારી માનવામાં આવે છે.
• એવું કહેવાય છે કે આ સમયગાળા દરમિયાન બ્રહ્મચર્યનું પાલન કરવું જોઈએ.
• એવું પણ માનવામાં આવે છે કે જે લોકોની કુંડળીમાં પિતૃ દોષ હોય છે તેઓએ આ સમયગાળા દરમિયાન ગયા, ઉજ્જૈન અને અન્ય ધાર્મિક સ્થળોએ જઈને પિંડ દાન કરવું જોઈએ.
• પિતૃ પક્ષ દરમિયાન ડુંગળી અને લસણ સહિત તામસિક વસ્તુઓનું સેવન ન કરવું જોઈએ.
• આ સમયગાળા દરમિયાન, લગ્ન અને સગાઈ જેવા શુભ કાર્યો પર પ્રતિબંધ હોય છે
• એવું માનવામાં આવે છે કે આ દિવસોમાં કપડાં અને શૂઝ ખરીદવાની મનાઈ છે
• એવું કહેવાય છે કે આ સમયગાળા દરમિયાન વાળ કાપવા, નખ કાપવા અને શેવિંગ કરવાથી બચવું જોઈએ.
• આ સમયગાળામાં નવા કપડાં, સોનું કે ચાંદી વગેરે ખરીદવું અશુભ માનવામાં આવે છે.
• પિતૃ પક્ષ અથવા શ્રાદ્ધ પક્ષ દરમિયાન ગૃહ પ્રવેશ કરવો વર્જિત છે. એવું માનવામાં આવે છે કે આવું કરવું અશુભ ફળ આપી શકે છે.

આ પણ વાંચોઃ પિતૃ પક્ષનું છે વિશેષ મહત્ત્વ, જાણો કેમ જરૂરી છે શ્રાદ્ધ અને તર્પણ