અબુ ધાબીમાં બનેલા પહેલા હિન્દુ મંદિરના દ્વાર ભક્તો માટે ખુલ્યા, PM મોદીએ કર્યું હતું ઉદ્ઘાટન

• દુબઈ-અબુ ધાબી શેખ ઝાયેદ હાઈવે પર 700 કરોડના ખર્ચે આ મંદિર તૈયાર કરવામાં આવ્યું

અબુ ધાબી, 2 માર્ચ: સંયુક્ત આરબ અમીરાત (UAE)માં પથ્થરથી બનેલું પહેલું હિંદુ મંદિર શુક્રવારે શ્રદ્ધાળુઓ માટે ખુલ્લુ મૂકવામાં આવ્યું હતું. વડાપ્રધાન નરેન્દ્ર મોદીએ 14 ફેબ્રુઆરીના રોજ અબુ ધાબીના આ પ્રથમ હિન્દુ મંદિરનું ઉદ્ઘાટન કર્યું હતું. દુબઈ-અબુ ધાબી શેખ ઝાયેદ હાઈવે પર અલ રહેબા પાસે 27 એકર વિસ્તારમાં લગભગ 700 કરોડ રૂપિયાના ખર્ચે મંદિર બનાવવામાં આવ્યું છે. મંદિર માટે જમીન UAE સરકાર દ્વારા દાનમાં આપવામાં આવી છે. અબુધાબીનું પહેલું હિન્દુ મંદિર નાગર શૈલીમાં બનેલું છે. એ જ રીતે અયોધ્યામાં રામ મંદિરનું નિર્માણ થયું છે.

#WATCH | Abu Dhabi (UAE): BAPS Hindu Temple inaugurated by PM Narendra Modi, today opens for the general public. pic.twitter.com/UoNZmIIPTP

— ANI (@ANI) March 1, 2024

મંદિરના દ્વાર ભક્તો માટે ખુલ્લા મૂકવામાં આવ્યા

મંદિરના સ્વયંસેવક ઉમેશ રાજાના જણાવ્યા અનુસાર, રાજસ્થાનમાં 20 હજાર ટનથી વધુ ચૂનાના ટુકડાઓ કોતરવામાં આવ્યા હતા અને 700 કન્ટેનરમાં અબુધાબી લાવવામાં આવ્યા હતા. બોચાસણ નિવાસી અક્ષર પુરુષોત્તમ સ્વામિનારાયણ સંસ્થા (BAPS)એ ‘X'(ટ્વિટર) પર લખ્યું કે, “પ્રતીક્ષાનો અંત આવ્યો! અબુ ધાબી મંદિર હવે તમામ મુલાકાતીઓ અને ભક્તો માટે ખુલ્લુ મૂકવામાં આવ્યું છે.” તેમાં એ પણ ઉલ્લેખ કરવામાં આવ્યો છે કે, મંદિર સોમવાર સિવાયના તમામ દિવસોમાં સવારે 9 થી રાત્રે 8 વાગ્યા સુધી ખુલ્લું રહેશે.

#WATCH | Abu Dhabi (UAE): On the opening of BAPS Hindu Temple for the general public, a newly wedded couple says, “It is a very good opportunity for us to come here and take blessings of god. This place is beautiful and we are really happy to be here on the first day of our… pic.twitter.com/6YWVbdRQ2F

— ANI (@ANI) March 1, 2024

પીએમ મોદી દ્વારા મંદિરનું કરવામાં આવ્યું હતું ઉદ્ઘાટન

હકીકતમાં, વડાપ્રધાન નરેન્દ્ર મોદીને રામ મંદિરના ઉદ્ઘાટનના થોડા દિવસો પહેલા જ તેમને અબુ ધાબીમાં બનેલા પહેલા હિન્દુ મંદિરના ઉદ્ઘાટન માટે પણ આમંત્રણ મળ્યું હતું. આ દરમિયાન પીએમ મોદીએ કહ્યું હતું કે, તેઓ આ કાર્યક્રમમાં ભાગ લેશે અને તેનું ઉદ્ઘાટન કરશે. આ પછી પીએમ મોદી હાલમાં જ અબુ ધાબી પહોંચ્યા અને અબુ ધાબીના પહેલા હિન્દુ મંદિરનું ઉદ્ઘાટન કર્યું. ઉલ્લેખનીય છે કે, આ મંદિર જોવા માટે ખૂબ જ ખાસ છે, જેનું નિર્માણ નાગર શૈલીમાં કરવામાં આવ્યું છે તેમજ તેમાં વપરાતા માર્બલ અને પથ્થરો રાજસ્થાનથી લાવવામાં આવ્યા હતા. આવી સ્થિતિમાં હવે આ મંદિરને ભક્તો માટે ખોલી દેવામાં આવ્યું છે.

આ પણ જુઓ: મહાશિવરાત્રિ ક્યારે? જાણો મુહૂર્ત અને ભગવાન શિવ સાથે જોડાયેલા રહસ્યો