ઓવરઈટિંગ ક્યાંક બીમાર ન કરી દે, તહેવારોની સીઝનમાં રાખો ખાસ ધ્યાન

• તહેવારોની સીઝનમાં આપણી જાતને સ્વાદિષ્ટ વાનગીઓથી દૂર રાખવું એટલું સરળ નથી, પરંતુ આ દિવસોમાં ઓવરઈટિંગ આરોગ્ય માટે હાનિકારક સાબિત થઈ શકે છે

HD ન્યુઝ ડેસ્કઃ તહેવારોની સીઝનમાં સૌથી વધુ મજા હોય છે મીઠાઈઓ, જાતજાતની વાનગીઓ અને ઘણી બધી ખુશીઓથી ભરેલું વાતાવરણ. તહેવારોની સીઝનમાં આપણી જાતને સ્વાદિષ્ટ વાનગીઓથી દૂર રાખવું એટલું સરળ નથી, પરંતુ આ દિવસોમાં ઓવરઈટિંગ આરોગ્ય માટે હાનિકારક સાબિત થઈ શકે છે. આવી સ્થિતિમાં આ ફેસ્ટિવલ સીઝનમાં તમારા આરોગ્યની ખાસ કાળજી લો, ઓવર ઈટિંગથી બચો.

ટુકડાઓમાં જમો

ઓવરઈટિંગથી બચવા માટેનો શ્રેષ્ઠ માર્ગ એ છે કે તમારા ખોરાકને નાના નાના ભાગોમાં ખાવ. ટુકડાઓમાં જમો, મોટી પ્લેટને બદલે નાની થાળીનો ઉપયોગ કરો અને તેમાં થોડી માત્રામાં ખોરાક લો. તેનાથી તમે દરેક વાનગીનો આનંદ માણી શકશો અને વધુ પડતું ખાવાનું પણ ટાળી શકશો. એકસામટું ખાવાનું ટાળો.

ચાવીને ખાવ

ધીમે ધીમે ખોરાકનો આનંદ માણવાથી પેટ જલ્દીથી ભરાયું હોવાનો અહેસાસ થાય છે. જ્યારે તમે ખોરાકને યોગ્ય રીતે ચાવો છો, ત્યારે તે તમારું શરીર તેને પચાવવામાં મદદ કરે છે અને એ સંકેત આપે છે કે હવે તમારે વધુ ખાવાની જરૂર નથી.

વધુ પડતી મીઠાઈઓ ખાવાનું ટાળો

તહેવારોની સિઝનમાં મીઠાઈઓ અને તળેલી વાનગીઓ સામાન્ય છે, પરંતુ તમે તેમાંથી કેટલાક હેલ્ધી વિકલ્પો પણ પસંદ કરી શકો છો. જો તમે કોઈ મિજબાની કે પાર્ટીમાં જઈ રહ્યા હોવ તો વધુ પડતા તળેલા કે મીઠા ખોરાકને બદલે સલાડ, ગ્રિલ્ડ કે રોસ્ટેડ ખોરાક ખાવાનું પસંદ કરો.

સમયસર ખોરાક લો

તહેવારોમાં અનિયમિત ખાવાની આદતો ઘણીવાર અતિશય આહારનું કારણ બની જાય છે. તેથી સમયસર ભોજન લેવાની ટેવ રાખો. ભૂખ્યા રહેવાથી શરીરને વધુ ખોરાકની જરૂર અનુભવાય છે, જે તમને ઓવરઈટિંગ તરફ દોરી શકે છે.

પાણી પીતા રહો

તરસ અને ભૂખ વચ્ચે તફાવત કરવો ઘણીવાર મુશ્કેલ હોય છે. ઘણી વખત શરીરને પાણીની જરૂર હોય છે, પરંતુ આપણને લાગે છે કે આપણે ભૂખ્યા છીએ. આ પરિસ્થિતિથી બચવા માટે તહેવારોની સીઝનમાં પણ પૂરતા પ્રમાણમાં પાણી પીતા રહો. ખાંડવાળા પીણાંના બદલે હેલ્ધી લિક્વિડ પણ લેતા રહો.

આ પણ વાંચોઃ હેલ્ધી હો તો પણ વર્ષમાં એક વાર આ ટેસ્ટ જરૂર કરાવજો, રહો એલર્ટ