બીગ બી થયા આકરા પાણીએઃ અમારી આત્મનિર્ભરતાને ન પડકારો

• PM મોદીની મુલાકાત બાદ ભારત અને માલદીવ વચ્ચેનો મામલો ગરમાયો
• બોલિવૂડના અનેક સેલિબ્રિટીઓએ પોતાની પ્રતિક્રિયા આપી
• અમિતાભ બચ્ચને પણ લક્ષદ્વીપને લઈને એક પોસ્ટ શેર કરી

મુંબઈ, 08 જાન્યુઆરી: PM મોદીની લક્ષદ્વીપની મુલાકાત લીધી ત્યારથી માલદીવ અને લક્ષદ્વીપને લઈને બે દેશો વચ્ચે યુદ્ધ ચાલી રહ્યું છે. આ વિવાદની ચર્ચા દરેક જગ્યાએ થઈ રહી છે. લોકો આના પર નિવેદનો આપી રહ્યા છે અને રાજકારણ પણ ચરમસીમા પર છે. આ વિવાદમાં અનેક બોલિવૂડ સેલેબ્સ પણ કૂદી પડ્યા છે. અક્ષય કુમાર અને સલમાન ખાન સહિત અનેક સેલિબ્રિટીઓએ આ મુદ્દે પ્રતિક્રિયા આપી હતી, ત્યારે હવે અમિતાભ બચ્ચને પણ લક્ષદ્વીપ મુદ્દે પોતાની પ્રતિક્રિયા આપી છે. હાલમાં જ બિગ બીએ પોતાના ટ્વિટર પર આ અંગેની એક પોસ્ટ શેર કરી છે, જેની ચર્ચા અત્યારે દરેક જગ્યાએ થઈ રહી છે.

Viru paji .. this is so relevant and in the right spirit of our land .. our own are the very best .. I have been to Lakshadweep and Andamans and they are such astonishingly beautiful locations .. stunning waters beaches and the underwater experience is simply unbelievable ..
हम… https://t.co/NM400eJAbm

— Amitabh Bachchan (@SrBachchan) January 8, 2024

અમિતાભ બચ્ચને શેર કરેલી પોસ્ટ પૂર્વ ક્રિકેટર વિરેન્દ્ર સેહવાગની છે. વિરેન્દ્ર સેહવાગે હાલમાં જ તેના X એકાઉન્ટ પર લક્ષદ્વીપની તસવીરો શેર કરી હતી, જેમાં તેણે આ ટાપુ સમૂહની ખૂબ પ્રશંસા કરી હતી. વીરેન્દ્ર સેહવાગની આ જ પોસ્ટ શેર કરતા અમિતાભ બચ્ચને લખ્યું, ‘વીરુ પાજી… આ ખૂબ જ જરુરી છે અને આપણી પૃથ્વીની સાચી ભાવના સાથે અનુરુપ છે. આપણો પોતાનો વારસો શ્રેષ્ઠ છે. હું લક્ષદ્વીપ અને અંદમાન ગયો છું અને ત્યાં અદ્ભુત સુંદર જગ્યાઓ છે. આશ્ચર્યજનક પાણી સાથે પાણીની અંદરનો અનુભવ પણ છે. આપણે ભારત છીએ, આપણે આત્મનિર્ભર છીએ, આપણી આત્મનિર્ભરતાને નુકસાન ન પહોંચાડો. જય હિંદ.’

આ પણ વાંચો: PM મોદી પર અપમાનજનક નિવેદન બાદ ભારતે માલદીવ્સના હાઈ કમિશનરને સમન્સ પાઠવ્યું

શું છે માલદીવ વિવાદ?

દેશના વડાપ્રધાન નરેન્દ્ર મોદી થોડા દિવસ પહેલા લક્ષદ્વીપ ગયા હતા. જ્યાં તેમણે બીચ પરથી ઘણી બધી તસવીરો સોશિયલ મીડિયા પર શેર કરી હતી. આ સાથે તેમણે ચાહકોને લક્ષદ્વીપની મુલાકાત લેવા વિનંતી પણ કરી હતી. જો કે માલદીવના મંત્રી અબ્દુલ્લા મહઝૂમ મજીદ આનાથી ખુશ નથી અને તેમણે પીએમ મોદીની મજાક ઉડાવતી એક પોસ્ટ શેર કરી હતી. આ સાથે તેમણે ભારતીયો પર દ્વેષપૂર્ણ અને વંશીય ટિપ્પણીઓ પણ કરી હતી. જો કે, માલદીવ સરકારે આ મામલાને કાબૂમાં લીધો છે અને આ મામલે ટિપ્પણી કરનારા મંત્રીઓને સસ્પેન્ડ કરી દીધા છે. પરંતુ હવે માલદીવ અને લક્ષદ્વીપની સુંદરતાને લઈને ચર્ચા શરૂ થઈ ગઈ છે. જેને લઈને દેશની તમામ હસ્તીઓ સોશિયલ મીડિયા પર સતત પોતાની પ્રતિક્રિયા આપી રહી છે.

આ પણ વાંચો: માલદીવ-લક્ષદ્વીપ વિવાદઃ અક્ષય કુમાર, તેંડુલકર, સલમાન સહિત ટોચના સેલિબ્રિટી કૂદી પડ્યા