ડોનાલ્ડ ટ્રમ્પે પીએમ મોદીના વખાણ કર્યાં, ભારત માટે આપ્યું આ નિવેદન

અમેરિકા, 7 નવેમ્બર :   ડોનાલ્ડ ટ્રમ્પે યુએસ પ્રેસિડેન્શિયલ ઇલેક્શન 2024માં જંગી જીત મેળવી છે. જીત બાદ ટ્રમ્પને વિશ્વભરના નેતાઓ અને સેલિબ્રિટીઝ તરફથી અભિનંદનના મેસેજ મળી રહ્યા છે. ભારતના વડા પ્રધાન નરેન્દ્ર મોદી વિશ્વના એવા નેતાઓમાં સામેલ છે જેમણે ફોન કરીને ડોનાલ્ડ ટ્રમ્પને તેમની જીત પર અભિનંદન આપ્યા હતા. ફોન પર વાતચીત દરમિયાન અમેરિકાના આગામી રાષ્ટ્રપતિ ડોનાલ્ડ ટ્રમ્પે પીએમ મોદી અને ભારતના વખાણ કર્યા હતા. ચાલો જાણીએ ટ્રમ્પે શું કહ્યું.

Had a great conversation with my friend, President @realDonaldTrump, congratulating him on his spectacular victory. Looking forward to working closely together once again to further strengthen India-US relations across technology, defence, energy, space and several other sectors.

— Narendra Modi (@narendramodi) November 6, 2024

PM મોદીએ શું કહ્યું?
વડા પ્રધાન નરેન્દ્ર મોદીએ ગઈકાલે રાત્રે X પર માહિતી આપી હતી કે તેમણે ડોનાલ્ડ ટ્રમ્પ સાથે વાત કરી છે. પીએમ મોદીએ લખ્યું- “મારા મિત્ર પ્રમુખ ડોનાલ્ડ ટ્રમ્પ સાથે ખૂબ જ સારી વાતચીત થઈ. તેમની મહાન જીત પર તેમને અભિનંદન. ફરી એકવાર ટેક્નોલોજી, સંરક્ષણ, ઉર્જા, અવકાશ અને અન્ય ઘણા ક્ષેત્રોમાં ભારત-અમેરિકા સંબંધોને વધુ મજબૂત કરવા માટે આતુર છીએ.” સાથે મળીને કામ કરવા ઉત્સુક છીએ.”

પીએમ મોદી અદ્ભુત વ્યક્તિ છે – ટ્રમ્પ
ANIએ સૂત્રોના હવાલાથી જણાવ્યું છે કે અમેરિકાના નવા ચૂંટાયેલા પ્રમુખ ડોનાલ્ડ ટ્રમ્પે પીએમ મોદી સાથેની વાતચીતમાં કહ્યું કે આખી દુનિયા પીએમ મોદીને પ્રેમ કરે છે. ડોનાલ્ડ ટ્રમ્પે પણ ભારતના ખૂબ વખાણ કર્યા હતા. ટ્રમ્પે કહ્યું કે ભારત એક અદ્ભુત દેશ છે અને પીએમ મોદી અદ્ભુત વ્યક્તિ છે.

પીએમ મોદી અને ભારત સાચા મિત્રો છે – ટ્રમ્પ
સૂત્રોના જણાવ્યા પ્રમાણે અમેરિકાના નવા ચૂંટાયેલા પ્રમુખ ડોનાલ્ડ ટ્રમ્પે પીએમ મોદીને કહ્યું કે તેઓ તેમને અને ભારતને પોતાના સાચા મિત્ર માને છે. ડોનાલ્ડ ટ્રમ્પે એમ પણ કહ્યું કે પીએમ મોદી એ વિશ્વના નેતાઓમાંના એક છે જેમની સાથે ટ્રમ્પે પ્રમુખ ચૂંટણીમાં જીત બાદ સૌથી પહેલા વાત કરી હતી.

આ પણ વાંચો : ગુજરાત: તહેવારોના દિવસોમાં વાહન અકસ્માતથી ઈજાગ્રસ્તોનો આંકડો જાણી દંગ રહેશો