રશિયા-યૂક્રેન જંગ વિશે ડોનાલ્ડ ટ્રમ્પનું મોટું નિવેદન, આ બાબત પર અફસોસ વ્યક્ત કર્યોં

અમેરિકા, 15 નવેમ્બર 2024 : અમેરિકાના નવા ચૂંટાયેલા પ્રમુખ ડોનાલ્ડ ટ્રમ્પે રશિયા-યુક્રેન યુદ્ધમાં જાનહાનિ પર દુખ વ્યક્ત કર્યું છે અને કહ્યું છે કે તેમનું પ્રશાસન આ યુદ્ધને ખતમ કરવા પર ધ્યાન કેન્દ્રિત કરશે. ટ્રમ્પે એમ પણ કહ્યું કે તેમનું પ્રશાસન પશ્ચિમ એશિયામાં શાંતિ લાવવા માટે પણ કામ કરશે. તેમણે બુધવારે ‘અમેરિકા ફર્સ્ટ પૉલિસી ઈન્સટીટ્યૂટ’માટે પોતાના ‘માર એ લાગો એસ્ટેટ’ આવાસમાં આયોજિત એક સમારોહમાં કહ્યું, ‘અમે પશ્ચિમ એશિયાની શાંતિ માટે કામ કરી રહ્યાં છીએ અને અમે રશિયા અને યૂક્રેન પર મહેનત કરીશું. તેને રોકવું પડશે.’

‘યુદ્ધ રોકવા માટે કામ કરશે’
5 નવેમ્બરે દેશની પ્રમુખપદની ચૂંટણીમાં તેમની જંગી જીત બાદ પ્રથમ વખત જાહેરમાં દેખાયા અને તેમનું પ્રથમ મોટું ભાષણ આપતા ટ્રમ્પે કહ્યું, “રશિયા અને યુક્રેનને રોકવું પડશે. મેં એક રિપોર્ટ જોયો. છેલ્લા ત્રણ દિવસમાં હજારો લોકોના મૃત્યુ થયા છે. કેટલાય હજાર લોકો માર્યા ગયા. તે સૈનિક હતા. ભલે તેઓ (માર્યા ગયેલા) સૈનિકો હોય કે શહેરોમાં બેઠેલા લોકો, અમે આ દિશામાં કામ કરીશું (યુદ્ધ રોકવા પર).” નવા ચૂંટાયેલા પ્રમુખે ઘણી વખત કહ્યું છે કે તેમની પ્રાથમિકતા યુદ્ધનો અંત લાવવાની છે, યુક્રેનને સૈન્ય સહાયના રૂપમાં અમેરિકન સંસાધનોની બરબાદીને રોકવું પડશે.

‘ટ્રમ્પે પુતિન વિશે સકારાત્મક વાત કરી’
દરમિયાન, તેમના પાછલા કાર્યકાળ દરમિયાન ટ્રમ્પના ડેપ્યુટી આસિસ્ટન્ટ તરીકે ફરજ બજાવતા લિસા કર્ટિસે જણાવ્યું હતું કે યુક્રેનમાં યુદ્ધ એ રીતે સમાપ્ત થવાની જરૂર છે જે અન્ય દેશોને તેમના પડોશીઓ પર ગેરકાયદેસર રીતે હુમલો કરવા માટે પ્રોત્સાહિત ન કરે. “(નવા ચૂંટાયેલા) પ્રમુખ ટ્રમ્પે અન્ય ભૂતપૂર્વ યુએસ પ્રમુખો કરતાં (રશિયન) પ્રમુખ (વ્લાદિમીર) પુતિન વિશે વધુ હકારાત્મક રીતે વાત કરી છે,” કર્ટિસે કહ્યું. તેણે રશિયા અને યુક્રેન વચ્ચેના યુદ્ધને ખતમ કરવાના પ્રયાસની વાત પણ કરી છે. અમને હજુ સુધી ખબર નથી કે તે આ કેવી રીતે કરશે.”

‘રશિયાએ ફરી આવું ન કરવું જોઈએ’
કર્ટિસે પીટીઆઈને એક ઈન્ટરવ્યુમાં કહ્યું હતું કે, “હું એટલું જ કહીશ કે તે એવી રીતે થવું જોઈએ કે રશિયાને તેની ક્રિયાઓ માટે કેટલાક પરિણામો ભોગવવા પડે.” તેમણે કહ્યું કે આ કામ એ રીતે કરવું જોઈએ કે રુસ બે કે ત્રણ વર્ષ પછી ફરીથી આ કામ કરવાની કોશિશ ન કરે.

આ પણ વાંચો : અક્ષય કુમાર વગર નહિ બને ‘સિંઘ ઈઝ કિંગ 2’, બે મોટા સ્ટાર્સ કરવાના હતા રિપ્લેસ