વડોદરામાં શ્વાનનો આતંક, શ્વાને હુમલો કરતાં વૃદ્ધા ICUમાં દાખલ

વડોદરા શહેરમાં રખડતા ઢોર બાદ હવે રખડતા શ્વાનનો આતંક સામે આવ્યો છે. જેમાં નિઝામપુરા વિસ્તારમાં રહેતા એક વૃદ્ધા પર શ્વાન દ્વારા હુમલો કરવામાં આવ્યો છે. આ હુમલામાં વૃદ્ધાને ગંભીર ઈજાઓ પહોંચતા તેમને સારવાર માટે હોસ્પિટલ ખસેડવામાં આવ્યા હતા.

આ પણ વાંચો :  રખડતા ઢોર બાદ હવે કૂતરાઓનો આંતક, શેરીમાં રમતી બાળકી પર કર્યો હુમલો જુઓ વીડિયો

વડોદરામાં રખડતા શ્વાનનો ત્રાસ

વડોદરા શહેરમાં અવાર નવાર રખડતા ઢોરને કારણે અનેક વ્યક્તિઓને ઈજા પહોંચી છે. ત્યારે હવે રખડતા ઢોર બાદ શહેરી જનોને રખડતા શ્વાનનો પણ આતંક વેઢવો પડી રહ્યો છે. શહેરી જનો છેલ્લા ઘણા સમયથી રખડતા શ્વાનથી પરેશાન થઈ રહ્યા છે. ત્યારે આજે શહેરના નિઝામપુરાના અમરપાર્કમાં એક વૃદ્ધ મહિલા પર શ્વાને હુમલો કરવાની ઘટના સામે આવી છે. કરતા તેઓ ગંભીર રીતે ઘવાયા હતા. ત્યારે આ ઘટનાને પગલે સ્થાનિક લોકોમાં રોષ જોવા મળી રહ્યો છે.

નિઝામપુરાના અમરપાર્કમાં વૃદ્ધા પર શ્વાનનો હુમલો

પ્રાપ્ત વિગતો અનુસાર વડોદરા શહેરના નિઝામપુરાના અમરપાર્કમાં રખડતા શ્વાને આતંક મચાવ્યો છે. અહી રખડતા શ્વાનને કારણે લોકોને અહીથી પસાર થવું મુશ્કેલ બની ગયું છે. ત્યારે આજે અહીથી પસાર થઈ રહેલા એક વૃદ્ધ મહિલા પર શ્વાન દ્વારા હુમલો કરતા તેઓ લોહીલુહાણ થઈ ગયા હતા. શ્વાનના હુલમાને કારણે ગંભીર રીતે ઘાયલ થયેલ આ મહિલાને સ્થાનિકો દ્વારા સારવાર અર્થે હોસ્પિટલ ખસેડવામાં આવ્યા હતા.

પાલિકાની કામગીરી પર સવાલ

શહેરમાં રખડતા શ્વાનનો ત્રાસ વધી રહ્યો છે. છતા પણ તંત્ર દ્વારા આ બાબતે કોઈ પગલા લેવામાં નથી આવતા તેથી સ્થાનિક લોકોએ કોર્પોરેશનની રખડતા શ્વાનની કામગીરી નિષ્ક્રિયતા ગણાવી હતી. તેમજ અહીના લોકો રખડતા શ્વાનના ત્રાસને કારણે અહીથી પસાર થવુ મુશ્કેલ બની જતા લોકોએ આ સમસ્યાનો કાયમી ઉકેલ લાવવા માંગ કરી છે.