પાર્ટનર કરે છે એક્સને લઇને શંકા? સંબંધો મજબૂત બનાવવાની ટિપ્સ

• પતિ-પત્નીના સંબંધોમાં શંકાને સ્થાન હોતુ નથી
• વિશ્વાસના પાયા પર રચાતા હોય છે જીવનભરના સંબંધો
• જો પાર્ટનર સાથે સંબંધો બગડતા લાગે તો બચાવી લેજો

પતિ-પત્ની વચ્ચે ઇનસિક્યોરિટીઝ થવી એક મોટી સમસ્યા બની શકે છે. જો યોગ્ય સમયે તેની પર ધ્યાન આપવામાં ન આવે તો આગળ જતા સંબંધો તુટવાની અણી પર આવી શકે છે. જો તમારા પાર્ટનરને હજુ પણ એવુ લાગતુ હોય કે તમે તમારા એક્સને ભુલી શક્યા નથી અને લગ્ન બાદ પણ તેની સાથે વાત કરો છો, તો અહીં આપેલી કેટલીક ટિપ્સ તમારી મદદ કરશે. તમે તમારા પાર્ટનરને વિશ્વાસ અપાવો કે હવે તમારી લાઇફમાં એક્સ માટે જગ્યા નથી.

ખુલીને વાત કરો

તમે તમારા પાર્ટનર સાથે આ મુદ્દે ખુલીને વાત કરો કે તમારા મનમાં એક્સ માટે કોઇ જગ્યા નથી. વાત કરવાથી તમને જાણ થશે કે તમારો પાર્ટનર તમારા માટે શું વિચારે છે. આ વાત કરવાથી તમારા બંને વચ્ચે મિસઅંડરસ્ટેન્ડિંગ પણ દુર થશે.

પાર્ટનરને સ્પેશિયલ ફીલ કરાવો

તમે તમારા પાર્ટનરને સ્પેશિયલ ફીલ કરાવો, તેમને સરપ્રાઇઝ આપો. તેમને અહેસાસ કરાવો કે તે તમારા માટે સ્પેશિયલ છે. પાર્ટનરને સારો સમય યાદ કરાવો. જે દિવસો તમે સાથે વીતાવ્યા છે તેનો અહેસાસ કરાવો.

તમારા પાર્ટનરને ગમતુ કામ કરો

જો તમે તમારા પાર્ટનરની ભાવનાઓ મહેસુસ કરી રહ્યા હો તો તેમની ચિંતાઓ દુર કરવી જરૂરી છે. થોડો ટાઇમ લાગશે, પરંતુ તમારા બંને વચ્ચે બધુ સારુ થઇ જશે. તમે તે નાના નાના કામ કરી શકો છો જે એકબીજાને સારા લાગતા હોય. બંને તરફથી સંબંધો મજબૂત બનશે.

રોજ લડવાના બદલે સંબંધો સુધારો

જો તમે પાર્ટનરને સમજાવો અને પ્રેમ જતાવો છતાં પણ તમને દોષ આપે છે અને રોજ જુની વાતોને લઇને બેસે છે તો તમે તેને સખતાઇ પુર્વક કહી શકો છો કે તમને તે વાત ગમતી નથી. રોજ-રોજ લડાઇ-ઝઘડા કરવાના બદલે સંબંધોને સુધારો.

ઇન્સ્ટા, ફેસબુક અને ફોનનો પાસવર્ડ શેર કરી શકો છો

જો તમારા પાર્ટનરને તમારી પર વિશ્વાસ ન આવતો હોય તો તમે તમારા ફેસબુક, ઇન્સ્ટાગ્રામ અને ફોનનો પાસવર્ડ શેર કરી શકો છો. આ રીતે પાર્ટનરને તમારી પર વિશ્વાસ બેસી જશે અને તે કોઇ પણ પ્રકારે શંકા નહીં કરે.

આ પણ વાંચોઃ World Cup 2023 પહેલા ટીમ ઇન્ડિયાની 4 ટીમ સાથે ટક્કર